ពិតជាចម្លែក ក្រុមហ៊ុនទេសចរណ៍មួយរបស់រុស្ស៊ីបានប្រកាសថា ពួគេមានគម្រោង បញ្ចូនភ្ញៀវទេសចរណ៍ ទៅទស្សនកិច្ចនៅប្រទេសស៊ីរី ពិសេស គឺទៅទស្សនាទីកន្លែងប្រយុទ្ធគ្នតែម្តង នាឆ្នាំ២០១៦ខាងមុខ។
ក្រុមហ៊ុនទេសចរណ៍ដែលមានគម្រោង នាំភ្ញៀវទៅកាន់ទីសមរភូមិប្រយុទ្ធ មានឈ្មោះថាMegapolis Ltd ឬហៅឈ្មោះថាAssad Tourដាក់ទៅតាមឈ្មោះប្រធានាធិបតីស៊ីរីបាសាអាលអាសាដ ។ ក្រុមហ៊ុនខាងលើបានដាក់លិខិតទៅកាន់ក្រសួង សុំច្បាប់នាំភ្ញៀវទៅកាន់ស៊ីរី។
ក្រុមហ៊ុនខាងលើនិងនាំអ្នកទេសចរណ៍ ពីទីក្រុងមូស្កូទៅកាន់ប្រទេសស៊ីរីនាឆ្នាំ២០១៦ ។ ក្រុមហ៊ុនទេសចរណ៍ខាងលើសង្ឃឹមថា នឹងមានភ្ញៀវទេសចរណ៍ជាច្រើនទៅកាន់ទីនោះដើម្បីមើលឃើញទិដ្ឋភាពធ្វើសង្គ្រាមប្រឆាំងក្រុមភេរវកម្ម នៅក្នុងដំណើរកម្សាន្តម្តងៗមានរយៈពី៤ទៅ៥ថ្ងៃប៉ុណ្ណោះ។
លោកAronov អគ្គនាយកក្រុមហ៊ុនខាងលើ បានបញ្ចាក់ថា លោកបានទំនាក់ទំនងជាមួយស្ថានទូតរុស្ស៊ី នៅក្នុងប្រទេសស៊ីរីនិងស្ថាប័នពាក់ពន្ធ
ដើម្បីនាំភ្ញៀវទៅកាន់ស៊ីរីប្រកបដោយជោគជ័យ។
សង្គ្រាមស៊ីវិលនៅក្នុងប្រទេសស៊ីរី ចាប់តាំងពីឆ្នាំ២០១១រហូតមកទលពេលនេះ បានសម្លាប់មនុស្សយ៉ាងតិច២២០ពាន់នាក់ និងពលរដ្ឋជាង7,6លាននាក់ត្រូវផ្លាស់ប្តូរទីលំនៅទៅកាន់តំបន់មានសុវត្ថិភាព ក្នុងនោះមានពលរដ្ឋ ៤លាននាក់ បានភៀសខ្លួនទៅក្រៅប្រទេស។
អ្នកទេសចរណ៏រុស្សីដែលចុះឈ្មោះទៅមើលគេបាញ់គ្នានៅប្រទេស៊ីរីគឺពិតជាមិនខ្លាចងាប់មែន៕
