ខេត្តកោះកុង៖ក្រុមហ៊ុនឧត្តមសីមាដែលមានច្បាប់អនុញ្ញាត្តធ្វើអាជីវកម្មខ្សាច់ បានធ្វើសកម្មភាពយ៉ាងអាណាធិបតេយ្យ នៅក្នុងភូមិកោះកុង ដើម្បីបូមខ្សាច់នាំចេញទៅប្រទេសសិង្ហបុរី។
ការធ្វើអាជីវកម្មយ៉ាងអាណាធិបតេយ្យ បានធ្វើឲ្យប្រជាពលរដ្ឋនិងអង្គការបរិស្ថាន ធ្វើការរិះគន់និងតវ៉ាជាបន្ត
បន្ទាប់ ព្រោះ ក្រុមហ៊ុននេះបានធ្វើលើសពីច្បាប់អនុញ្ញាតិ គឺកន្ទេលធំបន្លំដេក។
រាជរដ្ឋាភិបាលបានចេញច្បាប់អនុញ្ញាត្ត ធ្វើអាជីវកម្មខ្សាច់និង បន្ទាប់ពីការបញ្ជាក់របស់ សម្តេច តេជោហ៊ុន សែន នាយករដ្ឋមន្រ្តី អំពីភាពស្របច្បាប់របស់ក្រុមហ៊ុន ឧត្តម សីមា ក្នុងការធ្វើអាជីវកម្មបូបខ្សាច់និងភូមិកោះកុង
ឃុំត្រពាំងរូងស្រុកកោះកុង ខេត្តកោះកុង គេសង្កេតឃើញក្រុមហ៊ុនមួយនេះបានបង្កើនសកម្មភាពបូមខ្សាច់យ៉ាងអា
ណាធិបតេយ្យ នៅក្នុងតំបន់នេះដើម្បី នាំចេញទៅប្រទេសសិង្ហបុរី ។
ប្រភពមួយបានរាយការណ៍ថា ក្រុមហ៊ុនឧត្តមសីមា ដែលគ្រប់គ្រងដោយជនជាតិវៀតណាមមានច្បាប់អនុញ្ញាតិ
ធ្វើអាជីវកម្មបូមខ្សាច់ពីរាជរដ្ឋាភិបាលប្រាកដមែន ប៉ុន្តែអ្វីដែលធ្វើមានការរិះគន់និងតវ៉ាពីប្រជាពលរដ្ឋនោះ គឺក្រុមហ៊ុននេះបានធ្វើអាជីវកម្មលើសពីច្បាប់អនុញ្ញាតិមាន ដូចជាលើសបរិមាណបូមខ្សាច់
និងលក់ហ៊ុនឲ្យទៅក្រុមហ៊ុនផ្សេងៗទៀត ដើម្បីធ្វើអាជីវកម្មបូមខ្សាច់យ៉ាងអាណាធិបតេយ្យ នៅតំបន់មានច្បាប់
អនុញ្ញាត្តនិង តំបន់ជិតៗនោះ ដែលធ្វើឲ្យមានភាពអាណាធិបតេយ្យនៃការធ្វើអាជីវកម្មខ្សាច់នាំចេញទៅបរទេស ជាពិសេសក្រុមហ៊ុនបានបំបែកជាច្រើនក្រុមដើម្បីធ្វើសកម្មភាពបូមខ្សាច់ខុសពីតំបន់ដែលច្បាប់អនុញ្ញាតិឲ្យហើយ
សមត្ថកិច្ចជំនាញពុំដែលចុះមកពិនិត្យនោះឡើយ ។
ប្រជាពលរដ្ឋបាននិយាយថាសម្តេចតេជោ ពុំបានដឹងអំពីភាពអសកម្មដែលបង្កឲ្យមានការរិះគន់ដល់ក្រុមហ៊ុន
បូមខ្សាច់ឧត្តមសីមា ទើបសម្តេចចេញមុខមកអះអាងអំពីភាពស្របច្បាប់ នៃការធ្វើអាជីវកម្មរបស់ក្រុមហ៊ុននេះ ។ ផ្ទុយទៅវិញប្រសិនបើសម្តេចបានជ្រាប អំពីល្បិចរកស៊ីកន្ទេលធំបន្លំដេករបស់ក្រុមហ៊ុនឧត្តមសីមានោះ សម្តេច
នឹងចាត់វិធានការសមស្របជាមិនខានឡើយ ។
