ចាក់សត្រូវមួយដែកឆាប នៅប្រទេសថៃ គេចខ្លួនមកស្រុកខ្មែរ ត្រូវប៉េអឹមក្របួចជាប់

កំពង់ធំ៖បុរសម្នាក់ ត្រូវកំលាំងអាវុធហត្ថស្រុកបារាយណ៍ ខេត្តកំពង់ធំ ធ្វើការឃាត់ខ្លួនដោយចោទពីបទ
ប្រើអំពើហង្សាដោយចេតនា យកដែកឆាបចាក់ទៅលើជនរងគ្រោះ មួយដែកឆាបក្រោមដោះខាងស្តាំ បណ្តាល
អោយរងបួសជាទំងន់ នៅប្រទេសថៃ កាលពីថ្ងៃទី27ខែវិច្ឆិកាឆ្នាំ2015។ ជនរងគ្រោះឈ្មោះរស់ច័ន្ទវាសនា ភេទប្រុស
អាយុ20ឆ្នាំ ទីលំនៅភូមិព្រែកតាម៉េ ឃុំកំពង់អុសស្រុកពញ្ញាឮខេត្តកណ្តាលបច្ចុប្បនធ្វើ្នកម្មករនៅប្រទេសថៃ។

ចំណែកជនដៃដល់ឈ្មោះទន់ សារុម ភេទប្រុសអាយុ២៩ឆ្នាំ ទីលំនៅភូមិវាលអំពិលឃុំទ្រៀលស្រុកបារាយណ៍ខេត្តកំពង់ធំ។

លោកឃុនប៊ុនហួរ មេបញ្ជាការអាវុធហត្ថស្រុកបារាយណ៍ បានប្រាបអ្នកយកពត៍មានអោយដឹងថា ការឃាត់ខ្លួនជន
សង្ស័យរូបនេះ លោកទទួលបញ្ជាពីលោកអ៊ិតសុធាព្រះរាជអាជ្ញាអមសាលាដំបូងខេត្តកំពង់ធំ។ ក្រោយពីបានទទួល
បទបញ្ជាពីព្រះរាជអជ្ញាភ្លាម លោកចាត់កំលាំងក្រោមឱវាទរបស់លោក ទៅហុំព័ទ្ធនិងធ្វើការឃាត់ខ្លួនជនដៃដល់
បានភ្លាមៗ នៅវេលាម៉ោង៤និង៣០នាទីល្ងាចថ្ងៃទី១១ខែធ្នូឆ្នាំ២០១៥ នៅចំណុចភូមវាលអំពិលឃុំទ្រៀលស្រុកបារាយយណ៍។

ជនសង្ស័យត្រូវបានយកមកសាកសួរ នៅទីបញ្ជាការអាវុធហត្ថស្រុកបារាយណ៍ ក្រោយពីធ្វើការសាកសួររយពេលជា
យូរម៉ោង ជនសង្ស័យបានសារភាពថាះខ្លួនពិតជាបានប្រព្រឹត្តដូចពាក្យចោទប្រកាន់មែន។បច្ចុប្បន្នជនសង្ស័យ ត្រូវ
បានបញ្ជូនទៅទីបញ្ជាការអាវុធហត្ថខេត្តកំពង់ធំ ដើម្បីកសាង សំណុំរឿងបញ្ជូនទៅសាលាដំបូង
ខេត្តចាត់ការបន្តទៅតាមផ្លូវច្បាប់។សុផាត