នយោបាយបើកជើងមេឃថ្មី របស់រាជរដ្ឋាភិបាលកម្ពុជា ឆ្ពោះទៅ រកទិសដៅកាត់បន្ថយភាពក្រីក្រ របស់ប្រជាពលរដ្ឋ!

ខេត្តសៀមរាប៖ ឯកឧត្តម អ៊ឹម កុច រដ្ឋលេខាធិការក្រសួងអប់រំយុវជន និងកីឡា បានលើកឡើងនៅក្នុងពីធីសម្ពោធ សមិទ្ធផលអប់រំ ! អាគាររដ្ឋបាល និង អាគារសាលាបឋមសិក្សា ​របស់អង្គការក្តីសង្ឃឹមថ្មីនៅកម្ពុជា នៅភូមិ មណ្ឌល៣ សង្កាត់ស្លក្រាម ក្រុងសៀមរាប
ដោយបង្ហាញថា នៅក្នុងរបត់ថ្មីនៃនយោបាយរបស់រាជរដ្ឋា ភិបាលកម្ពុជា គឺការបើកជើងមេឃថ្មី ប្រមូលផ្តុំរាល់កម្លាំង ប្រភពធនធានជាតិ-អន្តរជាតិ ដៃគូអភិវឌ្ឍន៍នានា ដើម្បីវិនិយោគ និងកំណែទម្រង់សង្គមសេដកិច្ច ឲ្យមានភាពរីកចំរើន ក្នុងទិសដៅកាត់បន្ថយភាពក្រីក្រ លើកកំពស់គុណភាពនៃជីវិត និង សុខុមាលភាពរបស់ប្រជាពលរដ្ឋ ។

ពិធីសម្ពោធសមិទ្ធផលអប់រំនេះ បានធ្វើឡើងនាព្រឹកថ្ងៃទី០៨ ខែធ្នូ ឆ្នាំ២០១៥ ! លោក សូត្រ សួរ ប្រធាន អង្គការក្តីសង្ឃឹមថ្មីនៅកម្ពុជា រាយការណ៍ឲ្យដឹងថា ឆ្លងកាត់រយៈពេល៨ឆ្នាំ អង្គការក្តីសង្ឃឹមថ្មីនៅកម្ពុជា ត្រូវបានចាប់ផ្តើមដំបូង ដោយបង្កើត
បានអាគារសិក្សាឬស្សី ប្រក់ស្លឹក មាន២បន្ទប់ តុ កៅអី ធ្វើអំពីឬស្សី ទាំង អស់ ហើយមានសិស្សតែ៣៥នាក់ប៉ុណ្ណោះ ត្រូវបានចូលរៀន ។

លោកបន្តថា ! ឆ្នាំ២០១៥នេះ អង្គការក្តី សង្ឃឹមថ្មីនៅកម្ពុជា ត្រូវបានពង្រីកអាគារសិក្សាថ្មជាច្រើនកន្លែង បង្រៀនចំណេះទូទៅ
ភាសាអង់គ្លេស កុំព្យូទ័រ កាត់ដេរ ដូរ្យដន្រ្តី បដិសណ្ឋារកិច្ច ទេសចរណ៍ ភោជនីយដ្ឋានជាដើម ។ល។ សារុបសិស្ស ១១៤៣ នាក់ ក្នុងនេះស្រី ៦២៦នាក់ ។ សិស្សទទួលបានអាហារូបករណ៍ ចាប់ពីកម្រឹតបឋមសិក្សា ដល់ថ្នាក់ឧត្តមសិក្សា និង ក្រោយឧត្តមសិក្សា មានចំនួន
២២៣ នាក់ ក្នុងនេះស្រី ១៥៤ នាក់ ដោយម្នាក់ៗទទួលបានថវិកា ពី ៣៦០ដុល្លា ដល់ ១០០០ ដុល្លា និងសម្ភារៈសិក្សា ផ្សេងទៀត ផងដែរ ។

អ្នកស្រី វឺ រ៉ូ នីកា ជីយី ( Veronika Geyer ) ម្ចាស់អំណោយនៃក្រុមហ៊ុន អាយហ៊ឺប ( Iherb ) មាន ប្រសាសន៍ថា គោលបំណងរបស់ អាយហ៊ឺប គឺជួយគាំទ្រគម្រោងអប់រំសម្រាប់កុមារដែលងាយរងគ្រោះ ព្រម ទាំងក្មេងៗទូទាំងពិភពលោក ព្រោះ
អាយហ៊ឺប ជឿថា មានតែវិស័យអប់រំប៉ុណ្ណោះ ដែលជាគន្លឹះខាន់ដើម្បី កាត់បន្ថយភាពក្រីក្រ ។ អាយហ៊ឺប សហការយ៉ាងជិតស្និតជាមួយ អង្គការក្តីសង្ឃឹមថ្មីនៅកម្ពុជា ។ ចាប់ពីឆ្នាំ២០១២មក រហូតដល់ឆ្នាំ២០១៥នេះ អាយហ៊ឺប បានខិតខំប្រឹងប្រែងជាមួយអង្គការ
ក្តីសង្ឃឹមថ្មី នៅ កម្ពុជា ដើម្បីផ្តល់សេវាអប់រំសិក្សា ដល់កុមារកម្ពុជា នៅខេត្តសៀមរាប ដោយការវិនិយោគក្នុងទំហំទឹកប្រាក់
ជាងកន្លះលានដុល្លា ។ អាយហ៊ឺប សន្យាថា បន្តផ្តល់ប្រាក់ឧបត្ថម្ភ ក្នុងដំណើរការសាលាដែលកំពុងសម្ពោធ នេះ រយៈពេល៣ឆ្នាំ
ខាងមុខទៀត ដែលក្នុងនោះមានការផ្តល់អាហារពេលព្រឹក ដល់កុមារផងដែរ ។

ឯកឧត្តមរដ្ឋលេខាធិការក្រសួងអប់រំ ( ឯកឧត្តម អ៊ឹម កុច ) វាយតម្លៃថា ពិធីសម្ពោធនេះ គឺជាសក្ខីកម្ម នៃការចូលរួមវិភាគទានដ៏មានតម្លៃរបស់ក្រុមហ៊ុន អាយហ៊ឺប ចំពោះវិស័យអប់រំកម្ពុជា ។ វាគឺជាការគាំទ្រដល់ នយោបាយបើក
ជើងមេឃថ្មី របស់រាជរដ្ឋាភិបាលកម្ពុជា ក្នុងការប្រមូលយកដៃគូអភិវឌ្ឍន៍ ។

ឯកឧត្តមបង្ហាញថា ក្រោមកិច្ចសហការរវាងរាជរដ្ឋាភិបាលជាមួយ អង្គការក្តីសង្ឃឹមថ្មីនៅកម្ពុជា ក៏ជា វិភាគទានយ៉ាងសំខាន់ផងដែរ ដើម្បីដោះស្រាយការប្រមូលកុមារ ឲ្យចូលរៀនគ្រប់ៗគ្នា ប្រកបដោយសមធម៌ ៕
ប៊ុនធឿន (សៀមរាប)