កំពង់ធំ៖ប្រជាពលរដ្ឋរិះគន់ថា បទល្មើសព្រៃឈើ នៅតែបន្តដឹកចេញតាមច្រកស្រុកសណ្ដាន់ ខេត្តកំពង់ធំ ដូចភ្លៀងរលឹម ដោយមានការឃុបឃិតគ្នាពី សមត្ថកិច្ចអាជ្ញាធរនិងសមត្ថកិច្ចរដ្ឋបាល ព្រៃឈើនៅសង្កាត់នោះ ក្នុងរូបភាពដឹកឈើធ្វើផ្ទះ ប៉ុន្តែឈ្មួញមុខដដែលៗ ដឹកជាប់ជាប្រចាំ រហូតគេថាឈ្មួញនិងមេព្រៃចិត្តតែមួយ។
មតិរិះគន់ពីប្រជាពលរដ្ឋនេះបានបន្តថា បទល្មើសព្រៃឈើនេះ ដឹកតាមរថយន្តនិង គោយន្ត កន្ត្រៃ ភាគច្រើនជាប្រភេទឈើគ្រឿងផ្ទះ ហើយដឹកជញ្ជូន ពុំលស់ថ្ងៃ ចេញពីស្រុកសណ្ដាន់ ដែលសំបូរ ទៅដោយរឿងអាស្រូវបទល្មើសព្រៃឈើ ដែលប្រព្រឹត្តដោយសមត្ថកិច្ចប្រដាប់អាវុធនោះ។
មតិនេះបានបន្តថា បទល្មើសព្រៃឈើ ដែលដឹកជញ្ជូនឆ្លងកាត់ និងចូលមកស្រុកបារាយណ៍នេះ គឺបានត្រូវរ៉ូវគ្នា ជាមួយសមត្ថកិច្ចអាជ្ញាធរ និងសមត្ថកិច្ចមេព្រៃសង្កាត់ក្រយា់ ឃុំក្រយា ស្រុកសន្ទុក ខេត្តកំពង់ធំនេះ ហើយទោះជា បទល្មើសព្រៃឈើ ត្រូវបានគេស្គាល់ឈ្មោះឈ្មួញមុខដដែលទី១ឈ្មោះអាន ប្រពន្ធឈ្មោះភន ទី២ឈ្មោះចែល័ក្ខ និងឈ្មោះលីម ឈ្មួញទាំនេះ
រស់នៅភូមិដងក្ដា ឃុំក្រយា ស្រុកសន្ទុក ខេត្តកំពង់ធំ កំពុងតែដឹកបទល្មើសជាប្រចាំ នឹងម្នាក់ទៀតឈ្មោះចែអែម បើកសិប្បកម្មជ្រៀក
ឈើអត់ច្បាប់ដុះស្លែ នៅភូមិរំចេក ឃុំទំរីង ស្រុកសណ្ដាន់ ខេត្តកំពង់ធំ។
លោកហូគឹមឆេង នាយសង្កាត់ទំរីងបានប្រាប់ថា លោកអត់ដឹងទេ ឲ្យសួរទៅលោកឡាយជាមន្ត្រីផ្នែករដ្ឋបាលព្រៃឈើសណ្ដាន់
លោកបានឆ្លើយថាចាំលោកសួរនាំមើល ចាំបន្តិចសិន ចំណែកលោកឈាង មាលា នាយសង្កាត់រដ្ឋបាលព្រៃឈើក្រយា បានប្រាប់
អ្នកយកព៍ត័មានយើងថា បទល្មើសទាំងនោះ គឺជារបស់ប្រជាពលរដ្ឋដឹកយកទៅធ្វើផ្ទះ ហើយចំពោះបទល្មើសផ្សេងទៀតលោកកំពុងស្រាវជ្រាវ៕
