ចំនួនពលរដ្ឋបារាំងគាំទ្រប្រធានាធិបតីហ្វ្រាំងស័រហូឡែន កើនឡើងខ្ពស់បំផុតមិនធ្លាប់មាន ក្រោយពេលដែលលោក បានអនុវត្តិគោលនយោបាយ ប្រឆាំងភេរវកម្មយ៉ាងខ្លាំងក្លាបំផុត បន្ទាប់ពីមានការវាយប្រហារ នៅទីក្រុងបារីសប្រទេសបារាំងមក។
តាមការស្ទងមតិរបស់បណ្តាញព័ត៌មានFiducial For Paris Match និងSud Radio ដែលបានប្រកាសកាលពីថ្ងៃទី១ខែធ្នូថា ចំនួនពលរដ្ឋដែលគាំទ្រប្រធានាធិបតីហូឡែន កើនឡើងដល់ទៅ៥០ភាគរយ ជាគម្រិតខ្ពស់បំផុតមិនធ្លាប់មាន ចាប់តាំងពីខែកក្កដាឆ្នាំ២០១២មកទល់ពេលនេះ។
លទ្ធផលស្ទាប់ស្ទងមតិបង្ហាញឲ្យឃើញថា ពលរដ្ឋ៦២ភាគរយជឿរជាក់ ទៅលើប្រធានាធិបតីហូឡែន ដែលបានការពារផលប្រយោជន៍របស់បារាំងបានយ៉ាងល្អ។
ពលរដ្ឋ៣៨ភាគរយនិយាយថាលោកហូឡងបាននិយាយការពិត ជាមួយពលរដ្ឋនិងពលរដ្ឋ ២៨ភាគរយចង់ឲ្យ
លោកជាប់ឆ្នោតសារជាថ្មីម្តងទៀតនៅឆ្នាំ២០១៧។
នៅមុនការវាយប្រហារទីក្រុងបារីសនិងវាយប្រហារទៅលើការសែតត្លុកបារាំង ចំនួនពលរដ្ឋគាំទ្រប្រធានាធិបតីធ្លាក់ចុះទាបបំផុតមិនធ្លាប់ មានរយពេល៣ឆ្នាំកន្លងមក ប៉ុន្តែក្រោយការវាយប្រហារពលរដ្ឋ
បានគាំទ្រលោកច្រើន ពិសេសទៅលើគោលនយោបាយសន្តិសុខ និងវាយប្រហារទៅលើក្រុមភេរវកម្មនៅក្នុងប្រទេសស៊ីរី ៕
