រាជធានីភ្នំពេញ៖ រហូតមកដល់ពេលនេះ មន្ត្រីជាន់ខ្ពស់បក្សសង្រ្គោះជាតិ នៅតែអះអាងពីការចង់ជួបចរចារជាមួយបក្សប្រជាជន
ដើម្បីដោះស្រាយបញ្ហានយោបាយ ដែលគេមើលឃើញថាមានសភាពធ្ងន់ធ្ងរ។ ប៉ុន្តែមន្ត្រីជាន់ខ្ពស់ បក្សប្រជាជន បានឆ្លើយកាច់រាង
យ៉ាងខ្លីថា គ្មានពេលជួបចរចារស្អីនោះទេ ព្រោះពួកគាត់ជាប់រវល់ រឿងផលប្រយោជន៍ប្រជាពលរដ្ឋនិងប្រទេសជាតិ ។
លោក យ៉ែម បុញ្ញឫទ្ធិ អ្នកនាំពាក្យ បក្សប្រឆាំងបានថ្លែងថា គណបក្សរបស់លោក នៅតែទន្ទឹងរង់ចាំជួបចរចា ជាមួយ បក្សប្រជាជន ទោះបីជា បក្សកាន់អំណាច ជាប់រវល់យ៉ាងណាក៏ដោយ ដើម្បីពិភាក្សាបញ្ហានយោបាយ ដែលបានកើតមានឡើង ក្នុងរយៈពេលចុងក្រោយនេះ ។ លោកប្រាប់ថា ប្រហែលជាគណបក្សកាន់អំណាច សំឡេងភាគច្រើននៅក្នុងរដ្ឋសភាគាត់មានការងារ
ច្រើនបានជារវល់ ។ ប៉ុន្ដែគណបក្សសង្គ្រោះជាតិយើង នៅតែរក្សាវប្បធម៌សន្ទនា ដើម្បីចង់ឲ្យមានការជួបគ្នាដើម្បីជជែកគ្នា ជាមួយសំឡេង
ភាគតិច និងសំឡេងភាគច្រើន ដូច្នេះប្រហែលជាគាត់អាចចប់ការងារ អាចមានពេលវេលាជួបគ្នាបាន”។
មន្ត្រីជាន់ខ្ពស់ បក្សប្រជាជន បានថ្លែងប្រាប់អ្នកកាសែតថា ថ្នាក់ដឹកនាំរួមទាំងមន្ត្រី បក្សគ្មានពេលវេលាទំនេរដើម្បី
ជួបពិភាក្សាជាមួយ បក្សប្រឆាំង នោះទេ ព្រោះថា ទាំងថ្នាក់ដឹកនាំនិងមន្ត្រីបក្សប្រជាជន កំពុងជាប់រវល់ខ្លាំងណាស់ក្នុងការបំពេញភារកិច្ច
បំរើប្រជាពលរដ្ឋនិងបំរើជាតិ ដូច្នេះគ្មានពេលជួបចរចារស្អីនោះទេ ។
គេថា ទឹកឡើងត្រីស៊ីស្រមោច ទឹកហោចស្រមោចស៊ីត្រី ហើយនៅក្នុងកិច្ចព្រមព្រៀងរវាងបក្សធំទាំកពីរ ក៏មានចែងថា ជៀសវាងមិនត្រូវប្រើល្បិច ទឹកឡើងត្រីស៊ីស្រមោច ទឹកហោចស្រមោចស៊ីត្រីនោះឡើយ គឺត្រូវស្មោះត្រង់រួមគ្នាបំរើផលប្រយោជន៏ជាតិ តែរឿងនយោបាយតែប៉ុណ្ណឹង អាខ្លាំងសង្កត់អាខ្សោយ សំរេចសំរួលបាននឹងធ្វើឲ្យរាស្រ្តព្រួយបារម្មណ៏ពីស្ថេរភាពនយោបាយដែលមិន
និងនរនៅកម្ពុជា៕
