តម្លៃប្រេងធ្លាក់ចុះជាបន្តបន្ទាប់ ជាឧបសគ្គយ៉ាងធំធេងសម្រាប់សេដ្ឋកិច្ចរុស្ស៊ី នៅក្នុងឆ្នាំ២០១៦ខាងមុខ។តាមការព្យាករណ៍របស់
ធានាគាGoldman Searchបានឲ្យដឹងថា តម្លៃប្រេងអាចនឹងថយចុះ រហូតដល់ទៅ២០ដុល្លារក្នុងមួយបារ៉ែននា
ឆ្នាំ២០១៦អាចបង្ករផលប៉ះពាលយ៉ាងខ្លាំង ដល់ប្រទេសអាស្រ័យប្រេងសម្រាប់សេដ្ឋកិច្ចរបស់ខ្លួន ដូចជារុស្ស៊ីជាដើម។
តាមលទ្ធផលស្រាវជ្រាវរបស់បណ្តាញព័ត៌មានBloomberg បានប្រកាសឲ្យដឹងថា អ្នកឯកទេសដល់ទៅ៦៣ភាគរយបញ្ចាក់ថា
តម្លៃប្រេងធ្លាក់ចុះខ្លាំង នឹងធ្វើឲ្យសេដ្ឋកិច្ចរុស្ស៊ីធ្លាក់ក្នុងវិបត្តិហិរញ្ញវត្ថុពិបាកក្នុងការស្រោចស្រង។ទន្ទឹមនឹងនោះរុស្ស៊ីក៏ត្រូវ
ប្រឈមនឹងភាពតានតឹងលើផ្នែកនយោបាយ ប្រព័ន្ធធនាគាក៏ដូចតម្លៃប្រាក់រូបធ្លាក់ថ្លៃ។
អ្នកឯកទេសវិភាគលោកSergei Narkevich មកពីធនាគាPAO Promsvyazankនៅទីក្រុងមូស្កូបានបញ្ចាក់ថា
«ប្រសិនបើតម្លៃប្រេងធ្លាក់ចុះខ្លាំងជាងនេះ ហើយអូសបន្លាយរយពេលយូនោះ នឹងធ្វើឲ្យវិបត្តិកើតឡើងក្នុងប្រព័ន្ធធនាគារុស្ស៊ី »។
ក្នុងរយៈពេលមួយឆ្នាំកន្លងមកតម្លៃប្រេងធ្លាក់ចុះបានបង្ខំឲ្យរុស្ស៊ីត្រូវកែសម្រួលគោលនយោបាយ នឹងកាត់បន្ថយការចំណាយ
ដើម្បីឲ្យសមស្របទៅនឹងការធ្លាក់ចុះ បាត់បង់ចំណូល។
ក្នុងករណីតម្លៃប្រេងបន្តធ្លាក់ចុះនោះ ការកែទម្រង់នៅក្នុងប្រទេសរុស្ស៊ី ប្រាកដជាបន្តកើតឡើងហើយអាចបង្ករឲ្យមានអសន្តិសុខ
នយោបាយ។តម្លៃប្រេងBrentនៅក្នុងទីផ្សាប្រទេសអង់គ្លេស នាពេលកន្លងមកស្ថិតនៅក្នុងតម្លៃ៤៥ដុល្លារក្នុងមួយបារ៉េន ហើយ
មានទិសដៅធ្លាក់ចុះជាបន្តបន្ទាប់នាពេលខាងមុខ។មួយវិញទៀតសម្ពាធតម្លៃប្រេងធ្លាក់ចុះ ដោយសារតែចំនួនប្រេងនៅក្នុងឃ្លាំង
អាមេរិកនៅសល់ច្រើនលើសលប់រហូតដល់យកទៅកប់ទៅនៅក្នុងឃ្លាំងក្រោមដីទៀត ។
ទន្ទឹមនឹងនោះប្រទេសOPEC បានបង្កើតការផលិតប្រេងរបស់ខ្លួន ជាចំណុចធ្វើឲ្យតម្លៃប្រេងកាន់តែធ្លាក់ថ្លៃ។តាមគម្រោងនៅក្នុង
កិច្ចប្រជុំOPEC នាថ្ងៃទី៤ខែធ្នូខាងមុខ ក្នុងប្រទេសអូទ្រិស OPEC នឹងសម្រេចបន្តរក្សាការផលិតដូចដើម បើទោះតម្លៃធ្លាក់ចុះ
ក៏ដោយ។
ក្នុងរយៈពេលមួយឆ្នាំកន្លងមក តម្លៃប្រាក់រូបរបស់រុស្ស៊ីធ្លាក់ថ្លៃរហូតដល់៣២ភាគរយ បើប្រៀបធៀបនិងប្រាក់ដុល្លារ បានក្លាយជាប្រាក់
តម្លៃខ្ពសទី៣ក្នុងចំណោមប្រទេសG 20 បន្ទាប់ពីប្រាក់ប្រេស៊ីលនិងកូឡំបី។ ជាមួយនិងការដាក់ទណ្ឌកម្មរបស់សហគមន៍អឺរ៉ុប អាមេរិក
លើវិស័យសេដ្ឋកិច្ចរុស្ស៊ី កាន់តែជួបផលំបាក់កាន់តែខ្លាំងឡើងនៅក្នុងឆ្នាំ២០១៦ខាងមុខ ក្នុងពេលដែលរុស្ស៊ីត្រូវការចំណាយច្រើន
នៅក្នុងសង្គ្រាមវាយប្រហារទៅលើក្រុមអិស្លាមបង្កើតរដ្ឋ៕
