ធ្លាយបំពង់បង្ហូហ្គាសឆេះ នៅការ៉ាស់សាំង វណ្ណថា ហ្គាស អ្នកស្រុកភ័យបះសក់

កំពង់ធំ= មានហេតុការណ៍គួរអោយភ័យខ្លាច និងភ្ញាក់ផ្អើលមួយបង្កឡើងដោយ ការ៉ាសលក់ ប្រេងសាំងនិងហ្គាស
ដែលមានស្លាកយីហោ ឈ្មោះ វណ្ណ ថា ហ្គាស មួយកន្លែងបានផ្ទុះឆេះបំពង់បង្ហូរហ្គាស ដែលកំពុងតែដំណើរការបូមហ្គាស
លក់ចែកចាយ នៅចំនុចជាប់ផ្លូវជាតិលេខ ០៦ ក្នុងភូមិអាចារ្យលាក់ ឃុំអាចារ្យលាក់ ក្រុងស្ទឹងសែន ខេត្តកំពង់ធំ កាលពីវេលាម៉ោង៣,៤៥នាទីថ្ងៃទី ២៨ ខែវិច្ចិការ ឆ្នាំ២០១៥។

បើយោងតាមប្រភពពត័មានបានអោយដឹងថា មុខពេលកើតហេតុ គេបានធំក្លិន ហ្គាសយ៉ាងខ្លាំងរយះពេលដ៏យូរ
ពុំបាត់ធំ សោះស្រាប់តែមួយរំពេធនោះបានលឺសំលេងផ្ទុះស្នូរយ៉ាងខ្លាំង ព្រមទាំងមានអណ្ដាតភ្លើងឆេះសន្ធោសន្ធៅនៅ
កន្លែងបូមហ្គាសនោះ តែសំណាងល្អ បានប្អូនប្រុសម្នាក់ឈ្មោះ សាយ សុវណ្ណ ធី មានស្មារតីល្អ បានស្ទុះទៅយកបំពង់ពន្លត់អគ្គិភ័យ មកបាញ់ពន្លត់មួយសន្ទុះក្រោយមកក៏រលត់ទៅវិញ។

នេះជាហេតុការណ៍មួយ ដែលធ្វើអោយប្រជាពលរដ្ននិយាយថា ជាសំណាងល្អក្នុង១ម៉ឺនគ្រោះថ្នាក់ តែប្រសិនបើឆេះដល់ស៊ីទែនធំទាំង២ ដែលនៅក្បែរជិតនោះ ម្លេះសមទំហំ ២០០ម៉ែត្របួនជ្រុង ត្រូវឆេះទាំងអស់គ្មានសល់ ។

តាមប្រភពពត័មានបន្ថែមបានអោយដឹងថា ម្ចាស់ការ៉ាសសាំង និងហ្គាស មានឈ្មោះ អ្នកស្រី សាយ សុវណ្ណថា ដែល ស្វាមីរបស់គាត់ ជាឯកឧត្តម ឈឹម កៃលាង ជារដ្នលេខាធិការក្រសួងរៀបចំដែនដី រមណីយកម្មនិងសំណង់ដែលសុំមិនអោយបញ្ចេញឈ្មោះខ្លាច
ប៉ះពាល់កិត្តិយស។

ក្នុងហេតុការណ៍នេះ ត្រូវបានជួយសង្រ្គោះដោយកម្លាំងសមត្ថកិច្ចខាងពន្លត់អគ្គិភ័យ ដោយប្រើប្រាស់រថយន្ដបាញទឹកចំនួន២គ្រឿង ព្រមទាំងមនុស្ស ១៤នាក់តាមបញ្ចារបស់ លោក ជូ សំអាន ស្នងការខេត្តកំពង់ធំ អោយលោក វីរះសេនីយ៍ត្រី ឆៅ វុទ្ធា ដឹកនាំកំលាំងទាំងនេះដោយប្រើរយះពេលយ៉ាងយូរ ទើបអាចសន្និដ្ឋានថា ផុតពីគ្រោះថ្នាក់ ក្នុងនោះដែរអ្នករងរបួស ឆេះជើង ឈ្មោះ សាយសុវណ្ណធី ភេទប្រុស អាយុ២១ឆ្នាំប្អូនប្រុសនិង អ្នកឆេះដៃ និងសក់ ឈ្មោះ ហួន គឹមហេង ភេទស្រីអាយុ ២០ឆ្នាំ ជាកម្មករ រស់នៅកន្លែងកើតហេតុ។ចំណែកសំភារះខូចខាតមានចង្រ្កាន ហ្គាស ១០ កង្ហារ១គ្រឿង ឧបករណ៍បូមមួយចំនួន មូលហេតុបណ្ដាលមកពីធ្លាយហ្គាស ចេញមកក្រៅជួនពេលដែលប្អូនប្រុសឈ្មោះ សាយសុណ្ណធីយកឌុយទៅដោត បែកផ្កាភ្លើងក៏ផ្ទុះឆេះតែម្ដង។

បើតាមសំដីរបស់លោក អ៊ឹម សុឌីណាប្រធានសុរិយោដីខេត្តកំពង់ធំ បានប្រាប់អោយអ្នកសារពត័មានដឹងថា ការ៉ាស សាំងនិងហ្គាសនេះ បានសាងសង់ដោយគ្មានច្បាប់ អនុញាតិនោះទេ ហើយខាងមន្រ្ដីជំនាញ សុរិយោដី បានចុះហាមឃាត់២លើកមកហើយ តែម្ចាស់ពុំព្រមឈប់សាងសងការ៉ាសនេះទេព្រោះតែគេមានអំណាចទើបយើងពុំអាចហាមឃាត់បាន។ទន្ទឹមនិងសំដីរបស់
ប្រធានសុរិយោដីបានឆ្លើយបែបនេះរួចហើយ ក៏មានមតិមហាជនជាច្រើន បានសំឡឹងឃើញសកម្មភាពខាងមន្ទីរសុរិយោដីខេត្ត មានការឃុបឃឹតចាក់ស្រេះ ជាប្រព័ន្ធបើកភ្លើងខៀវអោយកើតមានសំណង់អាណាធិតេយ្យ សាងសង់ដោយខុសច្បាប់
ជាច្រើនកន្លែងក្រោមរូបភាពសូកប៉ាន់៕