កំពង់ធំ៖ បច្ចុប្បន្ននេះស្ទឹងជីនិតដ៏ស្រស់ស្អាត កំពុងរងនូវភាពអាប់អួរបំពុលដល់បរិស្ថាន ដោយសារតែប្រជាពលរដ្ឋ
និងអាជីវករ បាននាំគ្នាយកសំរាម ទៅចាក់ចោលចូលទៅក្នុងទឹកស្ទឹង បង្ករផលប៉ះពាល់ដល់មនុស្ស សត្វ និង បរិស្ថាន
ចំណែកអាជ្ញាធរឃុំ ស្រុក រួមទាំងមន្ទីរជំនាញនៃមន្ទីរបរិស្ថាន មិននាំគ្នាមិនយកចិត្តទុកដាក់ចំពោះបញ្ហានេះ ខណះដែលរាជរដ្ឋាភិបាល កំពុងតែយកចិត្តួុកដាក់ ពីបរិស្ថានពីព្រោះតែបរិស្ថានមិនល្អ វាធ្វើឲ្យរងផលប៉ះពាល់ដល់សុខភាពមនុស្ស
និងសត្វ ដែលប្រើប្រាស់ទឹកស្ទឹងជីនិត និងបំផ្លាញខ្យល់អាកាសបរិសុទ្ធ។
ជុំវិញបញ្ហានេះ! លោក ពេជ្រ សុធា អភិបាលស្រុកសន្ទុក បានប្រាប់នៅរសៀលថ្ងៃទី២៦ ខែវិច្ឆកាឆ្នាំ២០១៥ថា!លោកបានប្រគល់
ភារកិច្ច ឲ្យលោកមេឃុំកំពុងថ្មចាត់ការរឿងសំរាម ដែលប្រជាពលរដ្ឋនាំគ្នាយកទៅបោះចោល ក្នុងស្ទឹងជីនិតត្រង់ចំនុច
គល់ស្ពានកំពុងថ្មរួចហើយ! លោកស្មានតែគាត់ធ្វើហើយ! លោកពុំបានដឹងសោះថាគេមិនធ្វើ !ចាំលោកចុះទៅពិនិត្យម្តងទៀត!។
លោក តុប កក្កដា ប្រធានមន្ទីរបរិស្ថានខេត្តកំពង់ធំ ប្រាប់ថា!រឿងសំរាមនេះ ទាល់តែប្រជាពលរដ្ឋ លោកចូលរួមសហការទាំងអស់គ្នា ហើយកាលពីថ្ងៃទី១៦.១១.២០១៥ កន្លងទៅនេះ! រូបលោកបានចុះទៅប្រជុំជាមួយអាជ្ញាធរឃុំ ស្រុកនិងការិយាល័យជំនាញ
របស់លោករួចហើយដែរ រងចាំពិធីបុណ្យអុំទូកអកអំបុក និងសំពះព្រះខែចប់រួចរាល់ស្រួលបួលសិន នឹងនាំគ្នាចាត់ការហើយៗ
នឹងធ្វើការអប់រំដល់ប្រជាពលរដ្ឋដែលរស់នៅជិតៗនោះ សូមកុំឲ្យនាំគ្នាយកសំរាមទៅបោះចោលក្នុងស្ទឹងទៀតបើនៅតែមិនស្តាប់និង
ទទួលការផាកពិន័យជាប្រាក់ នៅពេលណាដែលកំលាំងរបស់យើងចាប់បាន។
ប្រជាពលរដ្ឋ សំនូមពរដល់ក្រសួងបរិស្ថាន មេត្តាជួយចាត់វិធានការចំពោះបញ្ហាសំរាម ដែលគេនាំគ្នាយកមកចាក់ចោលនៅ
ស្ទឹងជីនិតនេះផង ពីព្រោះតែបញ្ហាសំរាមនៅស្ទឹងជីនិតនេះ គឺគេនាំគ្នាយកមកចាក់ចោលរាល់ថ្ងៃ រាប់ខែរាប់ឆ្នាំមកហើយ មិនដែលឃើញអាជ្ញាធរ និងមន្ទីរជំនាញយកចិត្តទុកដាក់នោះទេអំពីបញ្ហានេះ បច្ចុប្បន្នកំពុងបង្ករផលប៉ះពាល់ដល់
បរិស្ថាន ហើយស្ទឹងនេះក៏មានបងប្អូនប្រជាពលរដ្ឋជាច្រើនមុជទឹក និងប្រើប្រាស់ នូវទឹកស្ទឹងជីនិតដ៏ថ្លាយុងនេះផងដែរ។
