ខេត្តវប្បធម៌-ប្រវត្តិសាស្រ្ត សៀមរាប-អង្គរ ប្រារព្ធពិធី អបអរសាទរ បុណ្យប្រណាំងទូក ង បណ្តែតប្រទីប និង អកអំបុកសំពះព្រះខែ !

ខេត្តសៀមរាប៖ ក្រុមកីឡាករ កីឡាការិនីទូក ប្រមាណជាជិត ៩០០នាក់ ក្នុងនោះមានកីឡាការិនីប្រមាណ ជាង ២១០នាក់ បានជួបជុំគ្នា ដើម្បីចូលរួមកម្មវិធីប្រណាំងទូក ង ដែលរៀបចំធ្វើឡើងលើផ្ទៃទឹក ដងស្ទឹងធម្មជាតិ-ប្រវត្តិសាស្រ្ត នៃទីក្រុងរំដួល៣ទង អង្គរ-សៀមរាប ទល់មុខព្រះរាជដំណាក់ ដោយឆ្នាំនេះខេត្តសៀមរាប-អង្គរ ប្រារព្ធពិធីអបអរសាទរ ព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក រយៈពេល២ថ្ងៃ គឺ ថ្ងៃអង្គារ ១៤កើត និងថ្ងៃពុធ ១៥កើត ខែកត្តឹក ឆ្នាំមមែ សប្តស័ក ព.ស ២៥៥៩ ត្រូវនឹងថ្ងៃទី២៤ និងថ្ងៃទី២៥ ខែវិច្ឆិកា គ.ស ២០១៥ ក្រោមវត្តមានមន្រ្តីសំខាន់ៗគ្រម់ស្ថាប័នចូលរួមយ៉ាងច្រើនកុះករផងដែរ ។

បើតាមការកត់សម្គាល់ខេត្តសៀមរាប បានប្រារព្ធធ្វើពិធីបុណ្យរំលឹកប្រវត្តិសាស្រ្ត អុំទូក ! បណ្តែតប្រទីបលើកដំបូងរបស់ខ្លួន
នៅក្នុងឆ្នាំ១៩៩៥ នៅលើផ្ទៃទឹកកស្សិណខាងលិច នៃប្រាសាទអង្គរវត្ត ។

បើគិតពីឆ្នាំ១៩៩៥ តរៀងមក រហូតមកដល់ឆ្នាំ២០១៥នេះ មានរយៈពេល២១ឆ្នាំហើយ ខេត្តប្រវត្តិសាស្រ្ត អង្គរ-សៀមរាបមួយនេះ ! បានប្រារព្ធពិធីអបរសាទរ ព្រះរាជពិធីបុណ្យអុំទូក បណ្តែតប្រទីប និង សំពះព្រះខែ អកអំបុកបាន ចំនួន១៩លើក ។ ក្នុងនោះការខកខាននៅក្នុងឆ្នាំ២០១១ ដោយសាខេត្តសៀមរាបបាន ជួបប្រទះគ្រោះទឹក ជំនន់ធ្ងន់ធ្ងរ និងក្នុងឆ្នាំ២០១២ ខកខានម្តងទៀត គឺប្រជារាស្រ្តកម្ពុជា មានទុក្ខជាទម្ងន់ នៃការយាងសោយ ព្រះទីវង្គត របស់ព្រះមហាក្សត្រ ! ព្រះបរមរតនកោដ្ឋ នៃយើង ។

ជាក់ស្តែងនៅរសៀលថ្ងៃទី២៤ ! ២៥ ខែវិច្ឆិកា ឆ្នាំ២០១៥ ពិធីអុំប្រណាំងទូក ង ក្រៅពីមានវត្តភ្ញៀវជាតិ គេសង្កេតឃើញមានវត្តមាន ! ភ្ញៀវទេសចរបរទេសចូលរួមទស្សនាជាច្រើនផងដែរ ! ។ រីឯកីឡាករ កីឡាការិនី អុំទូកប្រណាំងទាំងនោះ ក៏មានការចូលរួមពីសំណាក់ កីឡាករ កីឡាការិនីបរទេសផងដែរ ! អ្នកទាំងនោះ គឺជាបុគ្គលិកបំរើការងារ និងជាធុរជន នៅក្នុងខេត្តសៀមរាប ! ក៍ប៉ុន្តែពុំមានទូក ( ង ) មកពីបណ្តាវត្តអារាមមួយណា ចូលរួមក្នុងព្រះរាជពិធី នោះឡើយ ។
តាមរបាយការណ៍របស់គណកម្មការរៀបចំការប្រកួតប្រណាំងអុំទូក ង នោះថា គ្រប់បណ្តាទូក ង ដែលបានចូលរួមចំនួន៣០ទូក(ង)
ក្នុងនោះទូកនារី០៨ទូក(ង) គឺមកពីបណ្តាអង្គភាព ស្ថាប័ន ស្រុក ក្រុង ជុំវិញខេត្ត និងបណ្តាអង្គការក្រៅរដ្ឋាភិបាល ព្រម ទាំងផ្នែកវិស័យឯកជនផងដែរ ដូចជាភោជនីយដ្ឋាន និងសណ្ឋាគារ ជា ដើម ។

ដោយឡែកឆ្នាំនេះខេត្តសៀមរាប បានរៀបចំការប្រណាំងអុំទូក ង ល្អជាងបណ្តាឆ្នាំកន្លងមកទាំង បច្ចេកទេសនិងស្តង់ដារប្រភេទទូក ង ព្រោះថាទូក ង នីមួយៗ មានចំណុះកីឡារ ២២នាក់ ស្មើៗគ្នាទៀតផង ។ វាជាការចាប់អារម្មណ៍ផងដែរ នៅពេលកំពុងដំណើរការប្រណាំងទូក ង នោះ គឺមានសប្បុរសជនចូលរួមឧបត្ថម្ភ ជាបន្តបន្ទាប់ ដើម្បីលើកទឹកចិត្តដល់ក្រុមអ៊ុំប្រណាំងទូក ង ជាបន្តបន្ទាប់ នោះសរបញ្ជាក់ថា ពិធីនេះ គឺមានការគាំទ្រយ៉ាងពេញទំហឹង ពីសំណាក់ប្រជាជនគ្រប់ៗរូបផងដែរ ៕
ប៊ុនធឿន (សៀមរាប)