ភ្នំពេញ: លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងជាអ្នកតំណាងរាស្ត្រវ័យក្មេងរបស់កម្ពុជា បាន ថ្លែងសុន្ទរកថាក្នុងកម្មវិធីប្រគល់ពានរង្វាន់សន្តិភាពអន្តរជាតិ GUSI ប្រចាំឆ្នាំលើកទី១៤ Plenary Hall, PICC, ទីក្រុង Pasay ថ្ងៃពុធ ទី២៥ ខែវិចិ្ឆកា ឆ្នាំ២០១៥ ថា ” ខ្ញុំសូមថ្លែងអំណរគុណ និងសូមឧទ្ទិសភាពជោគជ័យនេះជូនដល់គ្រួសារខ្ញុំ ដែលតែងផ្តល់ការគាំទ្រ ការជឿជាក់ និងទំនុកចិត្តជានិច្ចកាល ហើយកត្តាទាំងនេះ បានបន្តជំរុញឲ្យខ្ញុំតាំងចិត្តខ្ពស់ជាមួយនឹងសេចក្តីស្រឡាញ់ដ៏ជ្រាលជ្រៅ ចំពោះការងារស្ម័គ្រចិត្ត។ ជាពិសេស ខ្ញុំសូមថ្លែងនូវគុណូបការៈដ៏ជ្រាលជ្រៅ ជូនចំពោះលោកឪពុករបស់ខ្ញុំ ដែលតែងជំរុញទឹកចិត្តខ្ញុំឲ្យស្គាល់ពីភារកិច្ច ភាពសាមញ្ញ រាក់ទាក់ និងការទទួលខុសត្រូវចំពោះប្រជាពលរដ្ឋ សង្គម និងប្រទេសជាតិរបស់យើង”។
ទន្ទឹមនោះ លោក ហ៊ុន ម៉ានី បានលើកឡើងនូវគោលការណ៍គ្រឹះចំនួន៥ចំណុច។គោលការណ៍គ្រឹះទាំងនោះបានស្តែងចេញ
ឲ្យឃើញអំពីសមិទ្ធផលជោគជ័យ និងការទទួលស្គាល់ ដែលយើងសម្រេចបាននៅពេលនេះ នឹងមិនអាចកើតមានឡើងបានឡើយ ប្រសិនបើគ្មានការព្យាយាម ភាពអង់អាច ថាមពល គំនិតច្នៃប្រឌិតបង្កើតថ្មីនិងការតាំងចិត្តរបស់យុវជនស្ម័គ្រចិត្ត
របស់យើងរាប់ម៉ឺននាក់ ក្នុងសកម្មភាពមិនគិតប្រយោជន៍ខ្លួនដើម្បីសង្គមជាតិ។
លោក ហ៊ុន ម៉ានី បានបញ្ជាក់ថា សមិទ្ធផលជោគជ័យ និងការទទួលស្គាល់ ដែលយើងសម្រេចបាននៅពេលនេះ នឹងមិនអាចកើតមានឡើងបានឡើយ ប្រសិនបើគ្មានការព្យាយាម ភាពអង់អាច ថាមពល គំនិតច្នៃប្រឌិតបង្កើតថ្មី និងការតាំងចិត្ត របស់យុវជនស្ម័គ្រចិត្តរបស់យើងរាប់ម៉ឺននាក់ ក្នុងសកម្មភាពមិនគិតប្រយោជន៍ខ្លួនដើម្បីសង្គមជាតិ៖ ១- មិនថាជាការអប់រំយុវជនយើង ឲ្យទទួលព័ត៌មានគ្រប់គ្រាន់ ចេះត្រិះរិះពិចារណាគ្រប់ជ្រុងជ្រោយ និងមានទំនួលខុសត្រូវ
២- ឬក៏ដោយលើកកម្ពស់ការយល់ដឹងពីហានិភ័យនៃជំងឺមហារីកមាត់ស្បូន
៣- យុទ្ធនាការលប់បំបាត់អំពើហិង្សាលើស្ត្រី និងកុមារី តាមរយៈយុទ្ធនាការពណ៌ទឹកក្រូចនៅ ថ្ងៃទី២៥ ជារៀងរាល់ខែ
៤- ជំរុញ “ ឯកភាព និងសាមគ្គីភាព៖ កម្លាំងក្នុងវប្បធម៌ចម្រុះ” ដែលបង្កើនការយោគយល់គ្នាទៅវិញទៅមករវាងវប្បធម៌ និងជំនឿផ្សេងៗ ព្រមទាំងកាត់បន្ថយជាអប្បបរមានូវការមិនយល់ពីគ្នា
៥- ក៏ដូចជាការថែរក្សាបេតិកភណ្ឌវប្បធម៌។
ក្នុងន័យនេះ ជ័យលាភីដ៏ឧត្តុង្គឧត្តមនេះស័ក្កិសមបានទៅពួកគេទាំងអស់គ្នាផងដែរ។ ក្នុងឱកាសដ៏ថ្លៃថ្លាជាពិសេសនេះ ខ្ញុំសូមផ្តាំផ្ញើជូនដល់យុវជនកម្ពុជាយើងទាំងអស់គ្នាថា ប្រសិនបើខ្ញុំអាចធ្វើបានអ្នកទាំងអស់គ្នាក៏អាចធ្វើបានដូចខ្ញុំដែរ!។
ជាយុវជនកម្ពុជាមួយរូប ជាមួយនឹងកិត្តិយស ទទួលបានពានរង្វាន់ GUSI ដ៏អស្ចារ្យនៅពេលនេះ ខ្ញុំមិនអាចបំភ្លេចនូវវីរៈភាព ដែលបង្ហាញឲ្យឃើញតាមរយៈការលះបង់គ្រប់បែបយ៉ាង ការតស៊ូជំនះ ការប្តេជ្ញាចិត្ត និងសមិទ្ធផលនានា សម្រេចបានដោយយុវជនជំនាន់មុន ក៏ដូចជាថ្នាក់ដឹកនាំជំនាន់នេះ និងដែលបានផ្តល់ឱកាសឲ្យយើងទាំងអស់គ្នា ទទួលបានសង្គមកម្ពុជាមួយប្រកបដោយសន្តិភាព និងជាជាតិមួយប្រកបដោយភាពទាក់ទាញ ស្រស់ស្រាយ និងរីកចម្រើន ដូចដែលយើងបានឃើញនាពេលបច្ចុប្បន្ននេះ។
“យើងជឿជាក់លើកម្ពុជា និងនៅបន្តជឿជាក់ និងគាំទ្រជាតិយើង ក៏ដូចជាបន្តគាំទ្រសន្តិភាពនៅទូទាំងពិភពលោក។ សន្តិភាព គឺអាចសម្រេចបាន! ទាំងអស់គ្នា ពួកយើងអាចសម្រេចអ្វីៗបានទាំងអស់! អ្វីដែលយើងត្រូវការ គឺភាពជឿជាក់លើសន្តិភាព!”។
ប្រទេសកម្ពុជាមានមទនភាពក្រៃលែង ដែលលោក ហ៊ុន ម៉ានី អ្នកតំណាងរាស្ត្សអាណត្តិទី៥ និងជាបុត្រារបស់សម្តេចតេជោ បានទទួលពានរង្វាន់សន្តិភាពអន្តរជាតិGusi ៕
