បាត់ដំបង ៖ ស្ថិតនៅចំណុចដីឡូត៍មួយកណ្តាលវាលស្រែ ក្រុមទី២២ភូមិសំរោងតាកុក ឃុំសំរោងក្នុង ស្រុកឯកភ្នំ ខេត្តបាត់ដំបងប្រជាពលរដ្ឋប្រទះឃើញ សពបុរសម្នាក់មិនស្គាល់អត្តសញ្ញាណស្លាប់ ហើមស្អុយ ក្នុង ស្រះទឺករាយការណ៍ជូន សមត្ថកិច្ច កាលពីវេលាម៉ោង៥និង៤០នាទី ល្ងាចថ្ងៃទី១២ខែមិថុនាឆ្នាំ២០១៤ ។
សពបុរសរងគ្រោះមិនស្គាល់អត្តសញ្ញាណត្រូវឃាតករវាយសម្លាប់ចងជាប់គល់ស្ពានក្នុងស្រះទឹកលើដីដីឡូត៍អស់ជាច្រើនថ្ងៃ។ម្ចាស់ដីឡូត៍ឈ្មោះ លី ហ្វារី អាយុ៤២ឆ្នាំ ជាជនជាតិខ្មែរអ៊ិស្លាម មានលំនៅភូមិនរា១ ឃុំនរា ស្រុកសង្កែខេត្តបាត់ដំបង។
នៅកន្លែងវាលស្រែមានដីប្រហែល១ហិកតានេះ មានក្រុមហ៊ុនរថយន្តដឹកដីឈ្មោះ ស៊ីវ ម៉េង រក្សាចូលកាយដីក្បែរកន្លែងកើតហេតុ តាមលោក ចង់ សោភ័ណ អធិការរងស្រុកឯកភ្នំបានអោយដឹង កាលពីព្រឹកថ្ងៃទី១២ ខែមិថុនា ឆ្នាំ២០១៤ថា ។
ក្រុមហ៊ុនរថយន្តដឹកដីឈ្មោះ ស៊ីវ ម៉េង រក្សាបានប្រាប់សមត្ថកិច្ចថា រថយន្តរបស់ពួកខ្លួន ទើបមកដេកស្នាក់នៅចំណុចនេះ បាន១សប្តាហ៍ប៉ុណ្ណោះ ហើយកាយបកដីស្រែមិនមានជីកស្រះទេ ។
បើតាមប្រភពប្រជាពលរដ្ឋវិញថា ក្រុមហ៊ុន ស៊ីវ ម៉េង រក្សានេះបានមកកាយដីស្រែតាំងពីខែ ៥ ឆ្នាំ២០១៤ មានរថយន្តដឹកដីជាច្រើនគ្រឿងថែមទាំងកាយស្រះ និងដឹកជ្រុះពេញផ្លូវជាតិ ។ ពេលកើតហេតុមានមនុស្សស្លាប់បានយករថយន្តចេញពីកន្លែងកើតហេតុអស់ ។
មន្ត្រីនគរបាលការិយាល័យកោសល្យវិច័យនិងបច្ចេកទេសខេត្ត ពីព្រឹកថ្ងៃទី១២ ខែមិថុនា ឆ្នាំ២០១៤ បានអោយដឹងថា សពបុរសរងគ្រោះមានភិនភាគកំពស់១,៨០ម៉ែត្រអាយុចន្លោះ២៥ឆ្នាំទៅ៣០ឆ្នាំពាក់ខោខាវប៊យជើងវែងខោខ្លីក្នុងយឺតពណ៌ខ្មៅ។សពត្រូវគេប្រទះឃើញអណ្តែតជើងឆ្វេងក្នុងស្រះទឺកមានខ្សែក្រវ៉ាត់ចងជាប់ចង្កេះនិងសសរជណ្តើរស្ពានហើយផ្នែកកមានអាវយឺតពណ៌ខ្មៅចងជាប់សសរជណ្តើរស្ពានដែររីឯក្បាលជ្រុះសាច់ជ្រុះសក់អស់សល់តែឆ្អឹងលលាដ៏។ស្លាកស្នាមវាយត្រូវនិងវត្ថុរឹងចំកខាងក្រោយចំស្មាស្តាំចំកមុខ៣កន្លែងបាក់ក្តោងច្រមុះក្បាលបែកផុងលលាដ៏។
សពបានកប់នៅវត្តព្នៅឃុំសំរោងក្នុងស្រុកឯកភ្នំបើសាច់ញាតិណាបាត់សមាជិកគ្រួសារមានភិនភាគខាងលើមេត្តាទៅទំនាក់ទំនងនៅប៉ុស្តិ៍រដ្ឋសំរោងក្នុង ហើយ សន្និដ្ឋានថាជាអំពើឃាតកម្មគ្រោងទុកជាមុនដោយឃាតកមិនបន្សល់ដានអ្វីសោះ ៕
