ខេត្តសៀមរាប៖ មន្ត្រីជំនាញបាននឹងកំពុងបើកភ្លើងខៀវ ឲ្យប្រេងសាំងគេចពន្ធដែលនាំមកពីប្រទេសថៃ ចូលក្រុងសៀមរាបយ៉ាងរលូន យកមកស្តុកទុកនៅផ្លូវបាក់ខែង (ខាងជើង វត្តស្វាយដង្គំ)ទីតាំងដីឡូតិ៏មួយកន្លែង នៅជាប់និងភូមិគ្រឹះ សុខាណារី ស្ថិតក្នុង សង្កាត់ ស្វាយដង្គំ ក្រុង-ខេត្តសៀមរាប ។
មហាជនបានកោតសសើរយ៉ាងខ្លាំងចំពោះមន្ត្រីជំនាញ(គយ) ដែលបានខិតខំប្រឹងប្រែងយ៉ាងខ្លាំងពីការផាកពិន័យពន្ធ! រថយន្ត !និង ម៉ូតូគ្រប់ប្រភេទដើម្បីប្រមូលថវិការចូលរដ្ឋ ! រីឯសាំងគេចពន្ធវិញ ពួកគេមិនគិតពីការប្រមូលថវិការជាចំណូល ចូលរដ្ឋ ឫក៍សេចក្តីសុខសាន្តរបស់ ប្រជាពលរដ្ឋ នោះឡើយ ! ព្រោះថាការស្តុកប្រេងសាំង វាអាចបង្កនូវបញ្ហាផ្សេងៗ ឫការឆាបឆេះដោយ ប្រការណាមួយ ។
ជាក់ស្តែងទីតាំងស្តុកសាំងគេចពន្ធខាងលើ ដែលមិនមានជំនាញមួយណាហ៊ានបញ្ចេញឈ្មោះ លោក ថៅ កែ មួយនេះឈ្មោះអ្វីនោះឡើយ ! និងមន្រ្តីជំនាញឫអាជ្ញាធរនោះឡើយ ។
ប្រភពព័ត៌មានបានឲ្យដឹងថា មានរថយន្តគ្រប់ប្រភេទដឹកប្រេងសាំងចូលក្នុងទីតាំងដីឡូចំនុចខាងលើនេះ ! រៀងរាល់យប់ រួចហើយចាក់សោ របងជិតឈឹង ក្រោយពីរថយន្ត រឺម៉ក ជាច្រើនមកទទួលយកទៅចែកចាយបន្ត ដើម្បីយកទៅលក់នៅតាមដងផ្លូវគ្រប់ទីកន្លែងនានានៅក្នុង ក្រុង-ខេត្តសៀមរាប ។
ប្រភពព័ត៌មានបានបន្តថា រថយន្តដឹកប្រេងសាំងគេចពន្ធ យកមកស្តុកនៅចំនុចខាងលើ ឈរជើងយួរឆ្នាំមកហើយ អាចនិយាយបានថាដុះស្លែរទៀតផង ប្រហែលជាមានខ្នងក្រាស់ហើយ ! ឫលោកនោះជាមន្រ្តីជាន់ខ្ពស់ បានជាមិន ដែលឃើញមានមន្ត្រីគយ ឫ សមត្ថកិច្ចជំនាញរូបណាចុះមកធ្វើការបង្រ្កាបម្តងណានោះ ប្រហែលជាសំងំ ប្រមូលយកផល ! ទទួលលាភសក្កាៈដាក់ហោប៉ៅ ផ្ទាល់ខ្លួនពីឈ្មួញហើយមើលទៅ ។
ចំណែក លោក សុខ សុដារ៉ា មេគយប្រចាំខេត្តសៀមរាបបានបំភ្លឺប្រាប់អ្នកយកព័ត៌មានតាម ទូរសព្ទ័នៅចុង សប្តាហ៍នេះថា ប្រេងសាំងគេចពន្ធ ដែលមេឈ្មួញនាំចូលយកមកស្តុកទុកនៅទីតាំងខាងលើ លោកមិនបានដឹងនោះទេ ! ហើយរូបលោកកំពុង តែតាមដាន តើប្រេងសាំងគេចពន្ធនៅចំនុចមួយនេះចូលមកតាមប្រភពណា ! កន្លងមក មានគេរាយកាណ៏ប្រាប់ លោកកាលពីពេលថ្មីៗនេះដែរ ។
អ្នកយកព័ត៌មានបានសុំការបំភ្លឺទៅឯកឧត្តម ឃឹម ប៊ុនសុង អភិបាលខេត្តសៀមរាប តាមទូរសព្ទ័កាលពីចុង សប្តាហ៍នេះដែរថា កន្លងមកឯកឧត្តមបានបញ្ជាអោយសមត្ថកិច្ចជំនាញ ចុះត្រួតពិនិត្យមើលនៅតាមដងផ្លូវនានាផងដែរ ដើម្បី ធ្វើការណែនាំដល់ប្រជាពលរដ្ធ និងបានហាមមិនអោយឲ្យពួកគាត់លក់ប្រេងសាំងគេចពន្ធទៀតផង ៕
ប៊ុនធឿន (សៀមរាប)
