ក្រចេះ ៖ កាលពីថ្ងៃទី២៣ ខែមេសា ឆ្នាំ២០១៤ រថយន្តលុចស៊ីស RX300ពណ៌ស្ករ ដឹកឈើប្រណីតខុស ច្បាប់មួយ គ្រឿងក្រឡាប់ បណ្តាលឱ្យមនុស្សម្នាក់ស្លាប់ និងម្នាក់ទៀតរងរបួសធ្ងន់នៅចំណុច ទួលប្រឡី ភូមិឃ្សឹមក្រៅ ឃុំ ឃ្សឹម ស្រុកស្នួល ខេត្តក្រចេះ។
មុនពេលកើតហេតុគេបានឃើញរថយន្តលុចស៊ីសគ្មានពាក់ស្លាកលេខ បានបើកបរផ្តាច់ព្រលឹង បោះពួយយ៉ាង លឿនចេញពីទិសខាងជើង ទៅទិសខាងត្បូង ឆ្ពោះទីកាន់ស្រុកស្នួល។ លុះដល់ចំណុចកើតហេតុ ស្រាប់តែរថយន្ត មួយគ្រឿងនោះបានឡាគួរជ្រុលចង្កូតក្រឡាប់បីបួនត្រឡប់ រួចក្អួតចេញសុទ្ធតែឈើប្រណីត ដែលក្រុម ឈ្មួញ ទុច្ចរិត បានលួចដឹកបម្រុងនឹងយកទៅលក់នៅប្រទេសវៀតណាម។
ប្រភពព័ត៌មានឱ្យដឹងថា ក្នុងហេតុការណ៍គ្រោះថ្នាក់ ក្រឡាប់រថយន្តដឹកឈើបណ្តាល ឱ្យបុរសពីរនាក់បងប្អូន ដែល ស៊ីឈ្នួលបើកឡានដឹកឈើស្លាប់និងរងរបួសធ្ងន់។ ជនរងគ្រោះដែលស្លាប់ក្នុងហេតុការណ៍នោះទី១.ឈ្មោះ ហ៊ុប ស្រស់ ភេទប្រុស អាយុ ៤៤ ឆ្នាំ មានទីលំនៅក្នុងភូមិ ជ្រោយបន្ទាយ ឃុំ ជ្រោយបន្ទាយ ស្រុកព្រែកប្រសព្វ ខេត្តក្រ ចេះ និងជនរងគ្រោះរបួសធ្ងន់ទី២. មានឈ្មោះ ហ៊ុប ម៉ារ៉ាឌី ភេទប្រុស អាយុ ៣២ ឆ្នាំ ដែលជាប្អូនមាន ទីលំនៅដូច គ្នា។
បច្ចុប្បន្ននេះ សកម្មភាពដឹកឈើប្រណិតខុសច្បាប់តា មរថយន្តទំនើបៗកំពុងតែសម្រុកពេញ ទំហឹងក្នុងការ នាំយក ទៅ លក់នៅ ប្រទេសវៀតណាមឆ្លងតាមស្រុកស្នួល ដែលជាស្រុកពោរពេញ ដោយបទល្មើសដឹកឈើខុស ច្បាប់ ឆ្លង កាត់ព្រោះនៅជាប់ព្រំប្រទល់ប្រទេសវៀតណាម។ ចំណែកសមត្ថកិច្ច ដែលឈរជើងនៅទីនោះ ក៏ត្រូវប៉ាន់ខ្លាំង ផងដែរក្នុងការប្រមូលលាភសក្ការៈពីបទល្មើសព្រៃឈើ។
បច្ចុប្បន្នរថយន្តលុចស៊ីស ត្រូវបាននគរបាលនាំយកទៅរក្សាទុកនៅប៉ុស្តិ៍ឃ្សឹម ចំណែកឈើត្រូវបាន សមត្ថកិច្ច ជំនាញ នាំយកទៅរក្សាទុកនៅសង្កាត់រដ្ឋបាលព្រៃឈើឃ្សឹម រីឯជនរងគ្រោះពីរនាក់ បងប្អូនត្រូវបាន ប្រគល់ជូន ក្រុមគ្រួសារ។
តាមប្រភពបានឱ្យដឹងទៀតថា ឈើប្រណិតទាំងនេះ គឺជាកម្មសិទ្ធិរបស់មេឈ្មួញរកស៊ីឈើដុះស្លែម្នាក់ ដែលជាកូន អ្នកធំធ្វើការនៅខេត្តក្រចេះ ៕
