កំពង់ធំ៖ ប្រជាពលរដ្ឋរិះគន់ថា បទល្មើសព្រៃឈើ នៅតែបន្តដឹកចេញ តាមច្រកស្រុកប្រាសាទសំបូរ ដូចមេឃភ្លៀងរលឹម ដោយមានការឃុបឃិតគ្នាពី សមត្ថកិច្ចអាជ្ញាធរនិងសមត្ថកិច្ចរដ្ឋបាល ព្រៃឈើនៅសង្កាត់នោះ ក្នុងរូបភាពដឹកឈើធ្វើផ្ទះ ប៉ុន្តែឈ្មួញដែលដឹកឈើគឺមុខដដែលៗ ដឹកជាប់ជាប្រចាំ។
មតិរិះគន់ពីប្រជាពលរដ្ឋបានបន្តថា បទល្មើសព្រៃឈើ ដឹកតាមរថយន្តនិង គោយន្ត កន្ត្រៃ ភាគច្រើនជាប្រភេទឈើគ្រឿង ហើយដឹកជញ្ជូន ពុំលោះថ្ងៃ ចេញពីស្រុកសណ្ដាន់ ដែលសំបូរ ទៅដោយរឿងអាស្រូវបទល្មើសព្រៃឈើដែលប្រព្រឹត្តដោយសមត្ថកិច្ច
ប្រដាប់អាវុធនោះ។
បទល្មើសព្រៃឈើ ដែលដឹកជញ្ជូនឆ្លងកាត់ និងចូលមកស្រុកប្រាសាទ សំបូរនេះ គឺបានត្រូវរ៉ូវគ្នាជាមួយសមត្ថកិច្ចអាជ្ញាធរ
និងសមត្ថកិច្ចមេព្រៃសង្កាត់ប្រាសាទសំបូរនេះ ហើយទោះជា បទល្មើសព្រៃឈើនេះ បង្កគ្រោះថ្នាក់ចរាចរក្ដីក៏សមត្ថកិច្ចនៅកន្លែង
កើតហេតុនេះ គ្មាន អើពើដែរ បណ្ដោយឲ្យរំដោះវត្ថុតាងបទល្មើសចេញអស់ទៀតផង ទុកតែរឿងគ្រោះថ្នាក់ចរាចរ តែប៉ុណ្ណោះ។
កាលពីថ្មីៗនេះ ករណីគ្រោះថ្នាក់ចរាចរ១បានកើតឡើង ដោយគោយន្តកន្ត្រៃ ដឹកបទល្មើស ព្រៃឈើជ្រុលចង្កូតទៅបុកផ្ទះ
ប្រជាពលរដ្ឋក្ដី ក៏សមត្ថកិច្ចនគរបាលប៉ុស្តិ៍ និងសមត្ថកិច្ចមេព្រៃ នៅ កន្លែងកើតហេតុនោះបើកភ្លើងខៀវ ឲ្យជនប្រព្រឹត្ត
រំដោះវត្ថុតាង អស់ទៀតផង។
លោក ហាក់ សុធី នាយសង្កាត់រដ្ឋបាលព្រៃឈើ ប្រាសាទសំបូរ បានប្រាប់អ្នកសារព័ត៌ មានថា បទល្មើសព្រៃឈើទាំងនោះ គឺជារបស់ប្រជាពលរដ្ឋយកទៅធ្វើផ្ទះ ហើយចំពោះករណី បទល្មើស ព្រៃឈើបង្កគ្រោះថ្នាក់ចរាចរ ជ្រុលចង្កួតបុកផ្ទះប្រជាពលរដ្ឋ ហើយរំដោះវត្ថុតាងចេញអស់ទៀតនោះ គឺលោកមិនបានដឹងរឿងនេះទេ៕
