ភ្នំពេញ៖ កាលពីវេលាម៉ោង០៩និង៤០នាទីព្រឹក ថ្ងៃទី១៣ខែវិច្ឆិកាឆ្នាំ២០១៥បុរសជាភ្ញៀវទេសចរជនជាតិវៀតណាមចំនួន៣នាក់
ត្រូវបានកម្លាំងការពារព្រះបរមរាជវាំង បានសហការជាមួយកម្លាំងនគរបាលប៉ុស្តិ៏ជ័យជំនះ ខណ្ឌដូនពេញធ្វើការចាប់
ឃាត់ខ្លួន ជាមួយនិងវត្ថុតាង បញ្ជូនទៅកាន់នាយកដ្ឋានសន្តិសុខផ្ទៃក្នុងក្រសួងមហាផ្ទៃ បនា្ទប់ពីបង្ហោះយន្តហោះ Drone បំពាក់កាមេរ៉ា ថតទិដ្ឋភាពព្រះបរមរាជវាំង ។
តាមមន្រ្តីនគរបាលខណ្ឌដូនពេញឲ្យដឹងថា ជនជាតិវៀតណាមទាំង៣នាក់ដែលឃាត់ខ្លួននោះ ទី១មានឈ្មោះTran Minh hung ភេទប្រុសអាយុ២៧ឆ្នាំ មុខរបរទេសចរណ៏ កាន់លិខិតឆ្លងដែនលេខc1035879។ ទី២ឈ្មោះ Nong Minh buong ភេទប្រុស អាយុ២៤ ឆ្នាំមុខរបរទេសចរណ៏ ។ទី៣ ឈ្មោះ Nguyen dung anm ភេទប្រុស អាយុ២៣ឆ្នាំ មុខរបរទេសចរណ៏ កាន់លិខិតឆ្លងដែនB2418979។ ព្រមទាំងស្នាក់នៅផ្ទះសំណាក់ឈ្មោះ TaT TaTToo អាស័យដ្ឋានលេខ៥២E1 ផ្លូវ១២៥ សង្កាត់វាល់វង់ ខណ្ឌ៧មករា។
ក្រោយការចាប់ខ្លួន កម្លាំងនគរបាល បានដកហូតយន្តហោះ Drone មួយគ្រឿងនិងត្រូវបញ្ជូនទៅកាន់នាយកដ្ឋាន
សន្តិសុខផ្ទៃក្នុង ក្រសួងមហាផ្ទៃ ដើម្បីចាត់ការបន្តទៀតទៅតាមនីតិវិធី៕
