ភ្នំពេញ ៖ សាកសពជនរងគ្រោះសង្ស័យបាត់ខ្លួនក្នុងករណីបាក់ទំនប់រណ្តៅដីរបស់លោកឩញាញ៉ឹក ផន ហៅកៅ ដែលកើតឡើងកាលពីវេលាម៉ោង៨និង៣០នាទីយប់ថ្ងៃទី១០វិច្ឆកាកន្លងមក២០១៥ ។ ត្រូវបានក្រុមគ្រួសារសាច់ញាតិរបស់ខ្លួន ប្រទះឃើញនាវេលាម៉ោង៤និង១៥នាទីទាបភ្លឺព្រឹកថ្ងៃទី១៣ខែវិច្ឆកាឆ្នាំ២០១៥នេះ ស្ថិតនៅក្នុងទីរណ្តៅដី ភូមិផ្សារលិខ សង្កាត់ព្រែកព្នៅ ខណ្ឌព្រែកព្នៅ ។
សាកសពជនរងគ្រោះក្នុងហេតុការណ៏ បាក់ទំនប់រណ្តៅដីដែលគេប្រទះឃើញនោះ ឈ្មោះទូច ស្លឹក ភេទប្រុស អាយុ៣៣ឆ្នាំ មុខរបរនេសាទ មានប្រពន្ធឈ្មោះឃុន ភាព អាយុ៣៨ឆ្នាំ មានកូន៦នាក់ មានទីលំនៅភូមិដីឥដ្ឋ ឃុំដីឥដ្ឋ ស្រុកកៀន ស្វាយ ខេត្តកណ្តាល ។ និងជនរងគ្រោះម្នាក់ទៀតឈ្មោះខន រ៉េត អាយុ២៧ឆ្នាំ ស្នាក់នៅភូមិត្រពាំងរាំងចាស់ សង្កាត់ឃ្មួញ ខណ្ឌសែនសុខ មានស្រុកកំណើតនៅ ភូមិព្រែកតាមែម ឃុំព្រែកស្ពឺ ស្រកកោះធំ ខេត្តកណ្តាល។
តាមសម្តីក្រុមគ្រួសារសពអោយដឹងថា ជនរងគ្រោះបានបាត់ខ្លួនតាំងពីវេលាម៉ោង៨និង៣០នទីយប់ថ្ងៃទី១០វិច្ឆកា២០១៥ រហូតមកដល់វេលាម៉ោងខាងលើទើបគេប្រទះឃើញ ។ ក្រុមគ្រួសារនិយាយថា តាំងពីបាត់ជនរងគ្រោះមក ក្រុមគ្រួសាររបស់គាត់បានទៅកន្លែងកើតហេតុ ដោយនៅយាមចាំសពជនរងគ្រោះអណ្តែត ពិព្រោះខាងម្ខាស់រណ្តៅដី បានដាកកំលាំងយាមមិនអោយប្រជាពលរដ្ឋចូលទៅរកត្រីនៅម្តុំកន្លែងកើតហេតុនោះទៀតទេ ។ ទើបក្រុមគ្រួសារខ្លាចខាងម្ចាស់រណ្តៅដី ឃើញសាកសពជនរងគ្រោះ ហើយអូសចេញចោលពីទីតាំងកើតហេតុ ពួកគាត់ឃ្លាំចាំមើល ទាល់តែប្រទះឃើញបែបនេះតែម្តងទើបអស់ចិត្ត។ សាកសពជនរងគ្រោះ ត្រូវបានមេការរណ្តៅដីខាងលើ ចេញថ្លៃសាហ៊ុយរថយន្ត ដឹកយកទៅធ្វើបុណ្យនៅឯស្រុកកំណើតតាមប្រពៃណី។
បើតាមការរៀបរាប់ពីប្រពន្ធជនរងគ្រោះអោយដឹងថា រូបគាត់និងប្តីទើបតែមកធ្វើនេសាទនៅតំបន់ខាងលើ
បានកន្លះខែតែប៉ុណ្ណោះ ដែលប្តីរបស់គាត់បានចេញទៅរកកំពឹសក្បែរកន្លែងកើតហេតុនោះ មិនដឹងជាយ៉ាងម៉េច ត្រូវទំនប់បាក់ចូលក្នុងរណ្តៅដី គួចប្តីរបស់គាត់និងអ្នកឯទៀតបាត់ខ្លួនអស់តែម្តង។ ប្រជាពលរដ្ឋនិយាយថាក្នុងករណីនោះ គេមិនទាន់ដឹងនៃការបាត់ខ្លួនប៉ន្មាននាក់នៅឡើយទេ ព្រោះកន្លែងនោះគឺមានក្រុមរថយន្តដឹកដីផ្សេងទៀត ដែលសំរាកក្នុងរណ្តៅនោះដែរ ។
ក្នុងហេតុការណ៏បាក់ទំនប់រណ្តៅដីរបស់លោកឩញាញ៉ឹក ផន ហៅកៅខាងលើនោះ នៅចំណុចបឹងកប់ស្រូវ សង្កាត់ព្រែកព្នៅ ខណ្ឌព្រែកព្នៅ កាលពីវលាម៉ោង៨និង៣០នាទីយប់ ថ្ងៃទី១០ខែវិច្ឆិកាឆ្នាំ២០១៥ ។ គេអះអាងថាមានមនុស្សម្នាក់បានស្លាប់ និងម្នាក់ទៀតរបួសធ្ងន់ ហើយគេពុំដឹងថាតាកៅជួយសងការខូចខាតឲ្យជនរងគ្រោះប៉ុន្មាននោះឡើយ៕
