ខេត្តសៀមរាប៖ ដើមី្បធានាឲ្យបាននូវសន្តិសុខ សុវត្ថិភាព សណ្តាប់ធ្នាប់ នៅក្នុងឱកាសព្រះរាជពិធីបុណ្យអុំទូក បណ្តែត ប្រទីប សំពះព្រះខែ និងអកអំបុក នៅលើទឹកដីប្រវត្តិសាស្ត្រ នៅដងស្ទឹងសៀមរាប នាថ្ងៃទី ២៤ និង ២៥ ខែវិច្ឆិកា ឆ្នាំ២០១៥ខាងមុខនេះ អាជ្ញាធរខេត្តសៀមរាប រួមសហការជាមួយខណ្ឌ័រដ្ឋបាលព្រៃឈើ និងសាលាក្រុងសៀមរាប បានកាត់មែកឈើ ឫមែកឈើ ងាប់ពុកផុយ នៅអមសង្ខាងផ្លូវ ស្របដងស្ទឹងសៀមរាប ក្នុងការការពារ កុំឲ្យមានបញ្ហា ណាមួយកើតមានឡើង នៅក្នុងព្រះរាជពិធីនេះ ។
ការកាត់សម្អាតមែកឈើទាំងនេះ ដើមី្បកុំឲ្យមានប្រការអាក្រក់ណាមួយ នៅពេលដែលប្រជាពលរដ្ឋ ភ្ញៀវជាតិ និងភ្ញៀវទេសចរណ៍អន្តរជាតិ ដែលបានចូលរួមទស្សនាកម្សាន្ត ក្នុងព្រះរាជពិធីបុណ្យអុំទូក ព្រមទាំងធ្វើឲ្យមាន បរិយាកាស នៃបរិស្ថានល្អ និង បង្កឲ្យមានទីកន្លែងធំទូលាយ សម្រាប់បងប្អូនប្រជាពលរដ្ឋ ក៍ដូចជាភ្ញៀវទេសចរណ៍ អន្តរជាតិទស្សនាកម្សាន្ត ប្រកបដោយសុវត្ថិភាពខ្ពស់ផងដែរ ។
តាមរបាយការណ៍របស់រដ្ឋបាលព្រៃឈើ បានបញ្ជាក់ថា ការកាត់មែកឈើងាប់ពុកផុយ និងមែកឈើដែល គ្មានផលប្រយោជន៍ ងាយទទួលរងការបាក់ធ្លាក់ ដោយមិនដឹងមូលហេតុ ហើយវារំខានដល់ការចិញ្ចឹមនៃដើមឈើមិនឲ្យធំធាត់ ដើមី្បធានានូវសុខភាពដើមឈើរស់បានយូអង្វែង ក្នុងការទ្រទ្រង់ផែនដី ព្រមទាំងធ្វើឲ្យទឹកដី នៃដងស្ទឹងប្រវត្តិសាស្ត្រ គ្របដណ្តប់ទៅដោយតំបន់បៃតងទៀតផង ។
ដូច្នេះការរៀបចំកន្លែងប្រារព្ធព្រះរាជពិធីបុណ្យអុំទូក បណ្តែតប្រទីប សំពះព្រះខែ និង អកអំបុក នៅតាម ដងស្ទឹងប្រវត្តិសាស្ត្រសៀមរាប គឺ ដើមី្បលើកស្ទួយវប្បធម៌ ទំនៀមទំលាប់ប្រពៃណីជាតិ ក៏ដូចជាការផ្សព្វ ផ្សាយ និងទាក់ទាញនូវអារម្មណ៍ភ្ញៀវទេសចរណ៍ជាតិ អន្តរជាតិ ដែលជាក្រុងគោលដៅនៃភ្ញៀវទេសចរណ៍លើពិភពលោក ចូលមកទស្សនាកម្សាន្ត ៕
ប៊ុនធឿន (សៀមរាប)
