រាជធានីភ្នំពេញ៖ លោក ផៃ ស៊ីផាន អ្នកនាំពាក្យទីស្តីការគណៈរដ្ឋមន្ត្រី បានឲ្យដឹងថា ក្នុងកិច្ចប្រជុំគណៈរដ្ឋមន្ត្រី នៅព្រឹកថ្ងៃទី៦ ខែវិច្ឆិកានេះ សម្តេចអគ្គមហាសេនាបតីតេជោ ហ៊ុន សែន បានសម្រេចបង្កើតសហគ្រាសសាធារណៈ ដើម្បីធុរៈកិច្ចគ្រប់គ្រងរមណីយដ្ឋានបេតិកភណ្ឌអង្គរវត្ត ដែលមានក្រសួងទេសចរណ៍ និងក្រសួងសេដ្ឋកិច្ច និងហិរញ្ញវត្ថុ ជាអន្តរក្រសួងរៀបចំគណៈកម្មាធិការនេះ។
គួរបញ្ជាក់ថា ក្នុងកិច្ចប្រជុំពេញអង្គគណៈរដ្ឋមន្ត្រី នាព្រឹកថ្ងៃសុក្រ ទី៦វិច្ឆិកាឆ្នាំ២០១៥ សម្តេចនាយករដ្ឋមន្ត្រី ហ៊ុនសែន បានប្រកាសថា រាជរដ្ឋាភិបាល បានសម្រេចដកសិទ្ធិ ពីក្រុមហ៊ុនសុខគង់ ហើយរដ្ឋាភិបាលគ្រប់គ្រងវិញនូវការលក់សំបុត្រ ដើម្បីចូលទស្សនាប្រាសាទអង្គរវត្ត។
រាជរដ្ឋាភិបាល ត្រូវទទួលរងនូវការរិះគន់យ៉ាងខ្លាំង ក្នុងការប្រគល់សិទ្ធឲ្យក្រុមហ៊ុន សុខ គង់ លក់សំបុត្រចូលទស្សនាប្រាសាទអង្គរវត្ត នាពេលកន្លងមក ហើយនៅមានផ្លូវជាតិលេច៤ទៀត ដែលនៅក្រុមហ៊ុនអេហ្សេតគ្រប់គ្រងនៅឡើយ៕
