ខេត្តសៀមរាប៖ នៅភូមិគោកធ្លក ឃុំកណ្តែក ស្រុកប្រាសាទបាគង ខេត្តសៀមរាប មានប្រជាពលរដ្ឋ ជាច្រើននាក់ បានជួបជុំគ្នាដើម្បី ទទួលយកអត្តសញ្ញាណប័ណ្ណសញ្ជាតិខ្មែរគំរូថ្មី និងបំពាក់ឯកសណ្ឋានប្រជាការពារ ដែលអាជ្ញាធរមូលដ្ឋានបានរៀបចំប្រគល់ ជូននាព្រឹកថ្ងៃទី០៤ ខែវិច្ឆិការ ឆ្នាំ២០១៥ ក្រោមវត្តមានរបស់លោក ខាំ លឿ ប្រធានក្រុមប្រឹក្សាឃុំកណ្តែក និងលោក ធ្លក សេដា នាយប៉ុស្តិ៍នគបាលឃុំកណ្តែកផងដែរ ។
លោក ខាំ លឿ ប្រធានក្រុមប្រឹក្សាឃុំកណ្តែក បានលើកឡើងថា កន្លងមកមានបញ្ហាមួយចំនួន ប្រជាពលរដ្ឋពួកគាត់មិន យល់ពីការប្រើប្រាស់អត្តសញ្ញាណ ប័ណ្ណមានសារៈសំខាន់ប៉ុណ្ណានោះទេ ! ដឹងតែប្រើប្រាស់ប៉ុណ្ណោះ រហូតមានពេលខ្លះ ពួកគាត់ចែករំលែក គ្នាប្រើប្រាស់ និងមានខ្លះទៀតឲ្យគេខ្ចី យកទៅបញ្ចាំទៀតផង ។ ប្រជាពលរដ្ឋដែលបានចូលរួមលើកនេះ ត្រូវពាំនាំយកដំណឹង ដើម្បីបន្តដល់បងប្អូនដែលជាសាច់ញ្ញាតិរស់នៅ ជិតខាង ភូមិរបងជាប់គ្នា កុំយកអត្តសញ្ញាណប័ណ្ណគំរូថ្មី នេះយកទៅបញ្ចាំ ឫឲ្យគេខ្ចីដើម្បីបញ្ចាំ ធ្វើឲ្យឧសច្បាប់ មិនថាប្រជាពលរដ្ឋ ឫក៍ហាងបញ្ចាំ និងត្រូវមានទោស ហើយឧុសច្បាប់ដូចគ្នា បើសិនបាត់បង់ ឫចោលួចបាត់ ត្រូវរាយការណ៍ជូន សមត្ថកិច្ចមូលដ្ឋានឲ្យបានទាន់ពេលវេលា ជៀសវាងនូវបញ្ហាដោយប្រការណាមួយ ។
ដើម្បីអនុវត្ត គោលនយោបាយភូមិឃុំមានសុវត្ថិភាព លោកមេឃុំបានផ្តាំផ្ញើរដល់ប្រជាពលរដ្ឋ ត្រូវរួមចំណែកជាមួយអាជ្ញាធរ ជាការរក្សាសុវត្ថភាពក្នុងមូលដ្ឋាន ជាពិសេសការជូញដូរគ្រឿងញៀង ឥឡូវនេះមានប្រជាការពារនៅជិតខ្លួនពួកគាត់ ដើម្បីរួម គ្នាអនុវត្តឲ្យបានល្អប្រសើរ ជៀសវាងប្រជាពលរដ្ឋក្នុងមូលដ្ឋាន ជួបបញ្ហាដោយប្រការណាមួយ ព្រោះវាជាការ ចូលរួម តាមរយៈនៃសកម្មភាព ប្រជាពលរដ្ឋ រួមសហការជាមួយអាជ្ញាធរមូលដ្ឋានផងដែរ ៕
ប៊ុនធឿន ( សៀមរាប )
