នៅប្រទេសអ៊ុយក្រែន ផ្ទុះឃ្លាំងផ្ទុកគ្រាប់៣៥០០តោន

យ៉ាងហោចណាស់ ក៏មានមនុស្ស២នាក់ស្លាប់និង៤នាក់រងរបួស នៅក្នុងហេតុការផ្ទុះឃ្លាំងស្តុកគ្រាប់រំសែវរហូតដល់៣៥០០តោន បណ្តាលឲ្យមានគ្រោះ អគ្គិភ័យជាទ្រងទ្រាយធំ ។ ការផ្ទុះនោះធ្វើឲ្យគគ្រើកស្រុកSvatovo ស្ថិតនៅភាគអាគ្នេយ៍នៃប្រទេសអ៊ុយក្រែន។

ការផ្ទុះគ្រាប់ចេះតែកើតឡើងបន្តបន្ទាប់ បង្ករផលលំបាក់យ៉ាងខ្លាំងនៅក្នុងការពន្លត់អគ្គីភ័យ។ ឃ្លាំងមានទំហ៊ុំប្រមាណ៣០០ម៉ែត្រក្រឡា គ្រប់ដណ្តប់ដោយអគ្គិភ័យ។ ពលរដ្ឋនៅជិតកន្លែងកើតហេតុក៏បានជម្លៀស ទៅកាន់តំបន់មានសុវត្ថភាពផងដែរ។

ក្រសួងសន្តិសុខអ៊ុយក្រែនបានឲ្យដឹងថា ការផ្ទុះខាងលើ ដូចជាសកម្មភាពវាយប្រហារភេរវកម្ម ដោយសារតែមុនពេលផ្ទុះ គេបានមើលឃើញគ្រាប់ផ្លោងពីរគ្រាប់ ធ្លាក់ចំកណ្តាលឃ្លាំងគ្រាប់។
បុគ្គលិកបម្រើការនៅក្នុងហាងក្បែរនោះ បានបាត់បង់ជីវិតដោយសារតែបំណែកគ្រាប់បែក គ្រាប់កាំភ្លើងហោះចំ និងមានបុរសម្នាក់ទៀតស្លាប់ ដោយហេតុការដូចគ្នានិង ៤នាក់រងរបួស។ ការផ្ទុះនោះធ្វើឲ្យប៉ះពាល់ដល់ទីប្រជុំជន៩កន្លែង ក្នុងនោះមានអាគាផ្ទះរួម៦ជាន់មួយ៤ខ្នង និងអាគា៣ជាន់២០ខ្នងផងដែរ។

មន្ត្រីទទួលសន្តិសុខ ត្រូវបានជម្លៀសពលរដ្ឋជាង២០ពាន់នាក់ ទៅកាន់តំបន់មានសុវត្ថិភាព ចំណែកគ្រួរសារមួយចំនួនក៏បានភៀសខ្លួននៅក្នុងផ្ទះរបស់ខ្លួន ដែលមានត្រង់សេការពារគ្រាប់។
អ្នកនាំពាក្យប្រធានាធិបតីអ៊ុយក្រែន បញ្ចាក់ថារដ្ឋាភិបាលបានបញ្ចូនក្រុមពិសេស ទៅកាន់ទីនោះបើកការស្រាវជ្រា វពីមូលហេតុបណ្តាលឲ្យមានហេតុការ ផ្ទុះខាងលើកើតឡើង៕