ខេត្តឧត្តរមានជ័យ នៅថ្ងៃទី ០៧ ខែ ឧសភា ឆ្នាំ ២០១៤ មានប្រជាពលរដ្ឋប្រមាណជាង ៣០០នាក់ បាននាំគ្នាទៅលើកបដាតវា នៅតាមដងផ្លូវ ខាងមុខផ្ទះជួលមួយកន្លែង ដែលក្រុមសមាជិកសមាជិការ គណបក្សសង្គ្រោះជាតិជួបជុំគ្នារៀបចំទទួល លោក សម រង្សី និង លោក គឹមសុខា ដែលមានគោលបំណងមកបើកវេទិការសំណេះសំណាល និងសមាជិកគណបក្ស របស់ខ្លួន នៅថ្ងៃអាទិត្យ ទី ៨ ខែ មិថុនា ឆ្នាំ ២០១៤ នៅចំណុចផ្ទះជួល មួយកន្លែងក្នុង ភូមិអូរជញ្ជៀន ឃុំអន្លង់វែង ស្រុកអន្លង់វែង ខេត្តឧត្តរមានជ័យ ។
នៅក្នុងឱកាសនោះដែរ ក្រុមប្រជាពលរដ្ឋបានស្រែកតវា នៅខាងមុខផ្ទះជួលខាងលើ ទៅកាន់ក្រុមសមាជិកសមាជិការគណបក្សសង្គ្រោះជាតិថា ទឹកដីស្រុកអន្លង់វែង មិនស្វាគមន៍ លោក សម រង្សី និង លោក កឹម សុខា ព្រមទាំងសមាជិការគណបក្សសង្គ្រោះជាតិទាំងអស់ ។ ពីព្រោះទឹកដីស្រុកអន្លង់វែង ជាទឹកដីដែលទទួលសមាហរណកម្មក្រោយគេ ដែលសព្វថ្ងៃ មានការអភិវឌ្ឍន៍បោះជំហានទៅមុខជាលំដាប់ ក្រោមការដឹកនាំ របស់អគ្គមហាសេនាបតីតេជោ ហ៊ុន សែន ប្រមុខរាជរដ្ឋាភិបាល ដ៏ខ្ពង់ខ្ពស់ ។ ដោយក្រុមប្រជាពលរដ្ឋ ទាំងអស់បានធ្វើសកម្មភាព ស្រែកប្រឆាំងតវា ចំពោះមុខសមាជិកសមាជិការគណបក្សសង្គ្រោះជាតិ ដែលកំពុងតែជួបជុំគ្នានៅក្នុងផ្ទះជួលខាងលើ ធ្វើយ៉ាងណា ឲ្យពួកគេនាំគ្នាចេញឲ្យផុតពីទឹកដីស្រុកអន្លង់វែង បើពុំនោះទេ ពួកគាត់ទាំងអស់គ្នាមិនបញ្ឈប់ការតវានោះឡើយ
ក្នុងឱកាសនោះដែរ សកម្មភាពខាងលើ មិនបានធ្វើឲ្យមានការប៉ះទង្គិច ពាក្យសំដី និងអំពើហិង្សាណាមួយ រវាងក្រុមប្រជាពលរដ្ឋ និងសមាជិកសមាជិការគណបក្សសង្គ្រោះជាតិ ព្រោះសមាជិកសមាជិការរបស់គណបក្សសង្គ្រោះជាតិបានដកខ្លួនចេញតាមសំណូមពររបស់ប្រជាពលរដ្ឋ ។
រហូតមកដល់ថ្ងៃទី ០៨ ម្សិលមិញនេះ ក្រុមប្រជាពលរដ្ឋស្រុកអន្លង់វែង នៅតែបន្តជួបជុំគ្នា នៅក្នុងសាលាស្រុកអន្លង់វែង និងតាមដងផ្លូវសាធារណៈ ដើម្បីរងចាំធ្វើការរារាំងមិនឲ្យ លោក សម រង្សី និងលោក កឹម សុខា ក៏ដូចជាសមាជិកសមាជិការគណបក្សសង្គ្រោះជាតិទាំងអស់ ចូលមកទឹកដីស្រុកអន្លង់វែង ក៏ដូចជាខេត្តឧត្តរមានជ័យបានជាដាច់ខាត ។
អ្វីដែលពួកគាត់មានការព្រួយបារម្ភ គឺ លោក សម រង្សី និងលោក កឹម សុខា មិនដែលបានជួយអភិវឌ្ឍប្រទេស លើវិស័យណាមួយជាផ្លូវការ ឲ្យប្រជាពលរដ្ឋខ្មែរទទួលយកបាន មានតែដើរញុះញង់ឲ្យប្រជាពលរដ្ឋខ្មែរ និងប្រជាពលរដ្ឋខ្មែរ ឈ្លោះប្រកែក បែកបាក់សាមគ្គីគ្នា ដើម្បីឆ្លៀតឱកាស ជ្រែនយោបាយចូល ។ ព្រោះតែបញ្ហាទាំងអស់ខាងលើនេះហើយ ទើបពួកគាត់មានការព្រួយបារម្ភ ទើបពួកគាត់សាមគ្គីគ្នាទប់ស្កាត់ ដើម្បីមិនឲ្យមានអ្នកទីពីរ មកធ្វើការដឹកនាំ ជំនួស ប្រមុខរាជរដ្ឋាភិបាលរបស់ សម្តេចអគ្គមហាសេនាបតីតេជោ ហ៊ុន សែន ដែល លោកកំពុង់មមាញិក ក្នុងការអភិវឌ្ឍន៍ប្រទេស មានការរីកចម្រើនបោះជំហានទៅមុខជាលំដាប់ ដែលសម្តេចមិនដែលមានពេលទំនេរ ដូច លោក សម រង្សី និងលោក កឹម សុខា ដើរញុះញង់ប្រជាពលរដ្ឋគ្រប់ខេត្តក្រុងនោះទេ ។
ដោយ សាន យ័ន
