រាជធានីភ្នំពេញ ៖ កុមអ្នក តវ៉ាដីធ្លី បឹងកក់ ដែលគេឃើញមុខដដែលៗបានប្រមូលផ្តុំគ្នា នៅមុខធនាគារពិភពលោក លើកំណាត់ ផ្លូវមហាវិថីព្រះនរោត្តម ក្នុងសង្កាត់បឹងរាំង ខណ្ឌដូនពេញ កាលពីព្រឹកថ្ងៃទី ២៤ ខែមេសា បន្ទាប់ពី គ្មានដំណោះ ស្រាយម្តងហើយម្តងទៀតពីសាលារាជធានីភ្នំពេញ ។
គោលបំណងរបស់ក្រុមអ្នកតវ៉ាបឹងកក់ គឺដើម្បីដាក់ញត្តិស្នើសុំវត្តមានតំណាងធនាគារពិភពលោកមួយរូប ដើម្បី ចូល រួមរាល់កិច្ចប្រជុំរឿងដីធ្លីជាក់ស្តែងជាមួយសាលារាជ ធានីភ្នំពេញ។
នៅវេលាម៉ោង១១នាថ្ងៃដដែល តំណាងសហគមន៍បឹងកក់៧នាក់ត្រូវបានគេអនុញ្ញាតឱ្យចូលជួប តំណាងធនាគារ ពិភពលោករហូតដល់ម៉ោង១២ថ្ងៃត្រង់ ទើបឃើញចេញមកវិញ ។ តែលទ្ធផលបែបណានោះ មិនត្រូវបានគេឱ្យ ដឹង ឡើយ រួចនាំគ្នាឡើងជិះរ៉ឺម៉កម៉ូតូទៅផ្ទះរៀងៗខ្លួន ដោយគ្មានការរារាំងពីសមត្ថកិច្ចឡើយ ។
យោងតាមញត្តិរបស់សហគមន៍បឹងកក់ និងមានការចូលរួមពីអតីតអ្នកភូមិបឹងកក់ បុរីកីឡា និងថ្មគោលនោះ បាន ឱ្យដឹងថា ហេតុដែលសុំឱ្យមានតំណាងធនាគារពិភពលោកមានវត្តមានចូលរួម ក្នុងកិច្ចប្រជុំនោះ គឺដើម្បីពង្រឹង ជំហរ នៃការដោះស្រាយរបស់អាជ្ញាធរសាលារាជធានី ភ្នំពេញ ឱ្យមានលទ្ធភាពពិតប្រាកដ និងជួយអន្តរាគមន៍ចូល រួមស្វែងរកដំណោះស្រាយលើជម្លោះដីធ្លីរ៉ាំរ៉ៃ យូរឆ្នាំមកហើយនោះផង ។ ការគ្មានដំណោះស្រាយ មិនច្បាស់លាស់ បានធ្វើឱ្យអ្នកភូមិបឹងកក់ជួប ការលំបាក និងប៉ះពាល់ដល់ជីវភាពប្រចាំថ្ងៃផងដែរ ។
អ្នកភូមិបឹងកក់មួយរូបនិយាយថា កាលពីថ្ងៃទី២២ មេសា សាលារាជធានីភ្នំពេញបានអញ្ជើញខាង ប្រជាពលរដ្ឋ បឹងកក់ ភូមិ១ លើវាលខ្សាច់ចំនួន១៤គ្រួសារចូលដោះស្រាយ តែមិនមានលទ្ធផលអ្វីបន្តិចសោះដល់ប្រជា ពលរដ្ឋ ។
លោក ប៉ា សុជាតិវង្ស អភិបាលរាជធានីភ្នំពេញ បានលើកឡើងថា ក្នុងចំណែកដី១២,៤៤ហិកតា គ្មានសល់ដី សម្រាប់ ចែកឱ្យប្រជាពលរដ្ឋទៀតទេ តែដោយផ្អែកលើមនោសញ្ចោតនារបស់អភិបាលរាជធានីភ្នំពេញ គឺផ្តល់ឱ្យ ដី មួយ ល្វែងទំហំ៤ម៉ែត្រគុណនឹង១៨ម៉ែត្រ បើទោះបីពលរដ្ឋមានទំហំដីធំប៉ុណ្ណាក៏ដោយ ក៏ត្រូវទទួល គោល ការណ៍នេះដែរ ។ ដោយសារតែដំណោះស្រាយរបស់សាលារាជធានីមិនអាចទទួលយកបាន ទើបប្រជាពលរដ្ឋ សហគមន៍បឹងកក់នាំគ្នាដាក់ញត្តិដល់ធនាគារពិភពលោក ដើម្បីជួយអន្តាគមន៍ ។ ការលើកគ្នាមក ដាក់ញត្តិ នៅទី ស្នាក់ ការធនាគារពិភពលោកនេះ ខណៈពេលដែលអ្នកស្រី ទេព វន្នី ធ្លាប់តែជាអ្នកដឹកនាំនោះ ស្ថិតនៅ ឯសហរដ្ឋ អាមេរិក ។
វិបត្តិដីធ្លីនៅកម្ពុជាមានសភាពការណ៍មិនទាន់ធូរស្រាលានៅឡើយ ចំណែកបក្សប្រឆាំងឆ្លៀតយកឱកាស នេះ ហក់ចូលដើម្បីយកចំណេញខាងផ្លូវនយោបាយសភាពការណ៍នយោបាយមកទល់ពេលនេះ គេសង្កេតឃើញមាន និន្នាការនយោបាយ ? គឺក្រុមមួយរបស់រាជរដ្ឋាភិបាលបានស្វះស្វែងគៀងគររកជំនួយ និងវិនិយោគទុនបរទេស និងមួយក្រុមទៀតរបស់បក្សប្រឆាំងចេញទៅបរទេសយកជើងរាទឹក សុំឱ្យម្ចាស់ជំនួយផ្អាក ឬកាត់ជំនួយ ដែល គ្រោង ឱ្យប្រទេសកម្ពុជា ដោយចង្អុលមូលហេតុថា សិទ្ធិមនុស្ស និងលទ្ធិប្រជាធិបតេយ្យ នៅកម្ពុជាកំពុង ត្រូវបាន គំរាម កំហែង ដោយគណបក្សកាន់អំណាច ៕
