ខេត្តព្រះវិហារ៖ នៅព្រឹក ថ្ងៃទី២៦ ខែតុលា ឆ្នាំ២០១៥ ការិយាល័យគ្រប់គ្រងអាវុធជាតិផ្ទុះ នៃស្នងការ ដ្ឋាននគរបាលខេត្តព្រះវិហារ បានធ្វើពិធីដុតកំទេចអាវុធកែឆ្នៃ ក្រោមអធិបតីភាព ឯក ឧត្ដម ឡុង ផល អនុរដ្ឋលេខាធិការក្រសួងមហារផ្ទៃ ឯកឧត្ដម អ៊ុំ ម៉ារ៉ា អភិបាលនៃគណៈអភិបាលខេត្តព្រះវិហារ និងកងកម្លាំងប្រដាប់អាវុធទាំងបីប្រភេទ ព្រមទាំងមានការចូលរួម ពីតុលាការ មន្ត្រីរាជការជុំវិញខេត្តព្រះវិហារផងដែរ។
អាវុធកែច្នៃដែល កម្លាំងការិយាល័យគ្រប់គ្រងអាវុធជាតិផ្ទុះ នៃស្នងការដ្ឋាននគរបាល ខេត្តព្រះវិហារ ដកហូតបានពីប្រជាពលរដ្ឋតាមមូលដ្ឋាន និងការស្ម័គ្រចិត្តពីប្រជាពលរដ្ឋ យកមកប្រគល់អោយសមត្ថកិច្ច ក្នុងឆ្នាំ២០១៤ឈានចូលឆ្នាំ២០១៥ ។
សូមបញ្ជាក់ផងដែរថា អាវុធកែច្នៃនេះ បានធ្វើអោយវិនាសសត្វព្រៃ និងឈានដល់ការ បាញ់សម្លាប់មនុស្សជាញឹកញាប់ផងដែរ ហេតុនេះហើយទើបអាជ្ញាធរខេត្តនិង សមត្ថកិច្ចបានអំពាវនាវ ដល់ប្រជាពលរដ្ឋ នៅទូទាំងខេត្តព្រះវិហារទាំងអស់ សូមអោយបញ្ឈប់ផលិតនិងកែច្នៃ បន្តទៅទៀត ហើយបើសិនជានៅមានសេសសល់នោះ សូមអោយយកមកប្រគល់អោយ សមត្ថកិច្ចដើម្បីជៀសវាងការផ្ដន្ទាទោសតាមច្បាប់ នៅពេលដែលសមត្ថកិច្ចចាប់បាន។
តាមច្បាប់បទល្មើសក្នុងវិស័យអាវុធ គ្រឿងផ្ទុះ គ្រាប់រំសេវ តាមមាត្រាលេខ៤៨៨ បទផលលិត រឺធ្វើចរាចរណ៍អាវុធ គ្រឿងផ្ទុះ គ្រាប់រំសេវគ្រប់ប្រភេទ ដោយគ្មានការ អនុញ្ញាតពីអាជ្ញាធរមានសមត្ថកិច្ច ត្រូវផ្ដន្ទាទោស ដាក់ពន្ធនាគារចាប់ពី៥ឆ្នាំ ទៅ១០ឆ្នាំផងដែរ។
