រាជធានីភ្នំពេញ ៖ នៅព្រឹកថ្ងៃទី ៨ ខែកញ្ញា ឆ្នាំ២០២៥ សម្ព័ន្ធសហគ្រាសធុនតូចនិងមធ្យមកម្ពុជា សហការជាមួយក្លឹបអ្នកសារព័ត៌មានកម្ពុជា បានបើកវេទិកាសារព័ត៌មានលើប្រធានបទ ជំរុញការផលិត និងការគាំទ្រផលិតផលខ្មែរ។ យុទ្ធនាការនេះបានធ្វើឡើងបន្ទាប់ពីពួកសៀមបានបង្ករករឿងនិងឈ្លានពានមកលើបូរណភាពទឹកដីខ្មែរ។ ប្រជាជននិងវិរ:កងទ័ពជាតិក្រោកឡើងតស៊ូប្រឆាំងដាច់ខាតនិងការឈ្លានពានរបស់សត្រូវ ទាំងនៅលើសមរភូមិ និងការទូតអន្តរជាតិ ជាពិសេសប្រជាជនខ្មែរបានងាកមកប្រើប្រាស់ផលិតផលក្នុងស្រុក ដោយធ្វើពហិកាមិនប្រើផលិតផលមកពីប្រទេសថៃ។
នេះជាឧកាសជំរុញ ការផលិត និងការគាំទ្រផលិតផលខ្មែរ» ដើម្បីផ្តល់ឱកាសដល់ថ្នាក់ដឹកនាំ FASMEC បានលើកទ្បើងពីការជំរុញ ការផលិតផលិតផលក្នុងស្រុកទាំងបរិមាណ គុណភាព សុវត្ថិភាព។
លោក ពុយ គា ប្រធានក្លិបអ្នកកាសែតកម្ពុជា (ក.អ.ក) ឱ្យដឹងថា ដោយមានការគាំទ្រពីសមាគមមូលនិធិសម្ដេចតេជោ ដើម្បីអភិវឌ្ឍន៍សហគ្រាសធុនតូច និងមធ្យមនៅកម្ពុជា (FASMEC) ក.អ.ក បានរៀបចំវេទិកាសារព័ត៌មានដូចប្រធានបទខាងលើ ដើម្បីផ្តល់ឱកាសដល់ថ្នាក់ដឹកនាំ FASMEC បានលើកទ្បើងពីការជំរុញ ការផលិតផលិតផលក្នុងស្រុកទាំងបរិមាណ និងគុណភាព សុវត្ថិភាព ធ្វើយ៉ាងណាបំពេញតម្រូវការប្រើប្រាស់អំទ្បុងពេលពហិការមិនប្រើប្រាស់ផលិតផលប្រទេសថៃ ឱកាស និងបញ្ហាប្រឈម រួមទាំងដំណោះស្រាយ និងសន្ទុះនៃការគាំទ្រផលិតផលក្នុងស្រុកក៏នឹងត្រូវបានលើកទ្បើងក្នុងវេទិកាសារព័ត៌មាននេះផងដែរ។
ឧកញ៉ា តែ តាំងប៉ ប្រធានសមាគមមូលនិធិសម្តេចតេជោ ដើម្បីអភិវឌ្ឍន៍សហគ្រាសធុនតូច និងមធ្យម និងជាប្រធានសម្ព័ន្ធសមាគមសហគ្រាសធុនតូច និងមធ្យមកម្ពុជា (FASMEC) បានលើកឡើងពីគម្រោងរៀបចំពិព័រណ៍ផលិតផលខ្មែរ ដើម្បីជំរុញគាំទ្រការប្រើប្រាស់ផលិតផលខ្មែរនៅលើទីផ្សារក្នុងស្រុក ដោយអោយដឹងថាមាន
សហគ្រាសក្នុងស្រុកជាង ១០០ នឹងចូលរួមក្នុងកម្មវិធីពិព័រណ៍ជំរុញការប្រើប្រាស់ផលិតផលខ្មែរនៅកោះពេជ្រនាពេលខាងមុខនេះ។
សូមបញ្ជាក់ក្នុងកម្មវិធីនេះមានអ្នកសារព័ត៌មានមកពីជាង ៤០អង្គភាព ដែលចូលរួមដើម្បីស្វែងយល់ពីដំណើរការសមាគមសហគ្រាសធុនតូចនិងមធ្យម ដែលកំពុងដំណើរការផលិតផលិតផលក្នុងស្រុកដើម្បីបំរើសេចក្តីត្រូវការរបស់ប្រជាពលរដ្ឋ៕
