វាយប្រហារ តែតាមដែនអាកាសគ្មានដីគោក លើក្រុមអិស្លាមបង្កើតរដ្ឋ នឹងមិនទទួលបានជោគជ័យឡើយ

ការវាយប្រហារទៅលើ ក្រុមអិស្លាមបង្កើតរដ្ឋពិបាកទទួលបានជោគជ័យខ្លាំងណាស់ ប្រសិនបើគ្មានការវាយប្រហារពីដីគោកទេនោះ។តាមការប្រកាសរបស់ ប្រធានខុទ្ទកាល័យប្រធានាធិបតីរុស្ស៊ីលោកSergei Ivanovបញ្ចាក់ថា បើទោះបីទម្លាក់គ្រាប់ច្រើនប៉ុណ្ណា ក៏ពិបាកយកឈ្នះដែរបើគ្មានការវាយប្រហារតាមដីគោកទេនោះ។ លោកបន្តទៀតថា សកម្មភាពនៅលើដែនអាកាសរបស់រុស្ស៊ី នៅក្នុងប្រទេសស៊ីរី មិនមែនប្រឆាំងទៅនឹងក្រុមអិស្លាមសាន់នីនោះឡើយ ឬក៏គាំទ្រប្រធានាធិបតីអាលអាសាដទេ នោះគឺជាការវាយប្រហារទៅលើក្រុមភេរវកម្មតែប៉ុណ្ណោះ។
រដ្ឋាភិបាលទីក្រុងមូស្កូរសង្ឃឹមថា ជំនួបរវាងរដ្ឋមន្ត្រីការបរទេសរុស្ស៊ី Sergey Lavrovនិងរដ្ឋមន្ត្រីការបរទេសអាមេរិក John Kerry គឺជាជំហានវិជ្ជមានមួយ អាចបង្កើតសម្ព័ន្ធមិត្តធំទូលាយជាងនេះ ក្នុងប្រទេសស៊ីរី។ សម្ព័ន្ធមិត្តប្រឆាំងក្រុមភេរវកម្ម គឺត្រូវតែមានរុស្ស៊ី ទួគី អារ៉ាប៊ី ហ្ស៊កដង អីរ៉ាក់ អាមេរិក និងអឺរ៉ុប។ មេដឹកនាំរុស្ស៊ីបញ្ចាក់ថា រុស្ស៊ីបានត្រៀមលក្ខណសហការ ជាមួយអាមេរិកនៅក្នុងសង្គ្រាមវាយប្រហារ ក្រុមភេរវកម្ម អិស្លាមបង្កើតរដ្ឋ៕