ខេត្តកំពង់ធំ ៖ នៅវេលាម៉ោង១៥,១៩នាទី ថ្ងៃទី៣០ ខែសីហា ឆ្នាំ២០២៥ បានទទួលព័ត៌មានពីលោកនាយប៉ុស្ដិ៍នគរបាលរដ្ឋបាលដំរីជាន់ខ្លា ដោយបានទទួលបញ្ជាពីលោកអធិការ កម្លាំងផ្នែកពិនិត្យហេតុក្រុង បានសហការជាមួយកម្លាំងការិយាល័យនគរបាលបច្ចេកទេស កម្លាំងប៉ុស្ដិ៍នគរបាលរដ្ឋបាល គ្រូពេទ្យខេត្ត អាជ្ញាធរភូមិ-ឃុំ ដឹកនាំសម្របសម្រួលពីលោក ផៃ តុងហួ ព្រះរាជអាជ្ញារងនៃអយ្យការអមសាលាដំបូងខេត្តកំពង់ធំ កម្លាំងបានចុះទៅដល់កន្លែងកើតហេតុ និងពិនិត្យសាកសពស្លាប់ដោយសារឆក់ចរន្តអគ្គិសនី ។
នៅថ្ងៃទី៣០ ខែសីហា ឆ្នាំ២០២៥ វេលាម៉ោង ១៤,១៥នាទី ឈ្មោះសូបុត្រា ភេទប្រុសអាយុ 32 ឆ្នាំ(សព)មុខរបរកម្មករនៅភូមិពោធិ៍បាក់ករ សង្កាត់ដំរីជាន់ខ្លា ក្រុងស្ទឹងសែន ខេត្តកំពង់ធំ។ ចេញពីធ្វើការបានមកដល់ផ្ទះហូបបាយ បានលឺឪពុកម្ដាយបង្កើតនិយាយថាដាច់ភ្លើង ឈ្មោះសូបុត្រាបានដើរចេញពីផ្ទះក្នុងគោលបំណងទៅមើលប្រអប់ឌីសង់ទ័រដែលដាក់ភ្ជាប់នឹងបង្គោលភ្លើងស្ថិតនៅក្នុងទឹកស្រែមុខផ្ទះ នៅចំណុចបង្គោលភ្លើងប្រអប់ឌីសង់ទ័រ លេខP 48 V13 ប៉ុន្តែអត់ឃើញដើរត្រឡប់មកផ្ទះវិញសោះ។បន្ទាប់មកឈ្មោះម៉េងទូចភេទប្រុសអាយុ ៤២ឆ្នាំជាអ្នកភូមិជាមួយគ្នាបានជិះម៉ូតូឆ្លងកាត់កន្លែងកើតហេតុបានឃើញឈ្មោះ សូ បុត្រា ដេកផ្ងារនៅក្នុងទឹកក្បែរបង្គោលភ្លើង ក៏បានស្រែកហៅឪពុកម្ដាយរបស់ឈ្មោះសូ បុត្រា ឱ្យមកមើលនិងជួយសង្គ្រោះប៉ុន្តែឈ្មោះសូបុត្រាបានស្លាប់បាត់ទៅហើយ ។ខណនោះក៏ចុចទូរស័ព្ទរាយការណ៍ជូនសមត្ថកិច្ចនគរបាល ឲ្យចុះមកពិនិត្យ។
១/យោងតាមការបំភ្លឺរបស់ឈ្មោះម៉ែនសុភាព ភេទស្រីអាយុ៦២ឆ្នាំ (ម្ដាយបង្កើតសាកសព)បានឲ្យដឹងថា: នៅថ្ងៃទី ៣០ ខែសីហាឆ្នាំ២០២៥ វេលាម៉ោង ១៤,១៥ នាទី ខ្លួននិងប្ដីកំពុងនៅក្នុងផ្ទះ
ស្រាប់តែកូនប្រុសបង្កើតឈ្មោះសូ បុត្រា ភេទប្រុសអាយុ ៣២ឆ្នាំចេញពីធ្វើការមកដល់ផ្ទះ បានលឺពួកខ្លួននិយាយថាភ្លើងដាច់ ស្រាប់តែកូនប្រុសដើរចេញពីផ្ទះក្នុងបំណងទៅមើលប្រអប់ឌីសង់ទ័រ
ដែលដាក់ភ្ជាប់និងបង្គោលភ្លើងមុខផ្ទះ បាត់មិនឃើញដើរត្រឡប់មកផ្ទះវិញសោះ។រហូតដល់ម៉ោង ១៤,០០នាទីស្រាប់តែឈ្មោះទូចភេទប្រុសដើរមកប្រាប់ខ្លួនថាកូនប្រុសរបស់ខ្លួនឆក់ខ្សែភ្លើងនៅមុខផ្ទះ ទើបពួកខ្លួនជួយលើកយកកូនទៅមន្ទីរពេទ្យខេត្តកំពង់ធំ ពេលទៅដល់គ្រូពេទ្យប្រាប់ថាកូនរបស់ខ្លួនស្លាប់បាត់ហើយ។
ការពិនិត្យសពរបស់សមត្ថកិច្ចបានអោយដឹងថា-សពដួលស្លាប់នៅក្នុងទឹកក្បាលទៅទិសខាងជើង ជើងទៅទិសខាងត្បូង ក្នុងស្ថានភាពដេកផ្ងាដងខ្លួន មានស្នាមកកិតរបកស្បែកក្រោមឆ្អឹងជំនីខាងស្ដាំ និងមានស្នាមកោសរបកស្បែកក្រោមឆ្អឹងជំនីខាងឆ្វេង មានស្នាមរលាកខ្លោចពណ៌ក្រម៉ៅលាយលឿងនៅលើបាតដៃស្ដាំចំនួន០១កន្លែងនិងនៅលើបាតដៃខាងឆ្វេង ក្រៅពីនេះពុំមានស្លាកស្នាមអ្វីគួរឱ្យកត់សម្គាល់ឡើយ។តាមការស្រាវជ្រាវ ស៊ើបអង្កេត ព័ត៌មានកន្លែងកើតហេតុ និងការពិនិត្យសាកសព ស្លាប់ដោយសារឆក់ចរន្តអគ្គិសនី ហើយបានធ្វើកំណត់ហេតុ ប្រគល់សពជូនក្រុមគ្រួសារធ្វើបុណ្យតាមប្រពៃណី ៕
