បាត់ដំបង៖ ពលករឆ្លងដែនខុសច្បាប់ទៅប្រទេសថៃតាមច្រករបៀងខុស ច្បាប់ រាល់ថ្ងៃ នៅខែតុលា ឆ្នាំ២០១៥ បន្ទាប់ពីភ្ជុំបិណ្ឌរួច តាមច្រករបៀងប៉ុស្តិ៍ អូរល្វា ក្នុងភូមិអូរល្វា ឃុំជ្រៃសីមាស្រុកសំពៅលូន ខេត្តបាត់ដំបង លោក ស្រី សុខុន នាយនគរបាលវរៈការពារព្រំដែនគោក ៨១៧ និងមន្ត្រីយោធាសឹករងស្រុកសំពៅលូន ឃុបឃិតគ្នាយកប្រាក់ធ្វើមើលមិនឃើញ ។
ប្រភពមន្ត្រីសមត្ថកិច្ចស្រុកសំពៅលូនបានអោយដឹងថាស្រីសុខុននាយនគរបាលវរៈការពារព្រំដែនគោក៨១៧ និងកម្លាំងយោធា សឹករងស្រុកសំពៅលូនបានបើកភ្លើងខៀវ ឲ្យឈ្មួញដឹកជញ្ជូនពលករធ្វើចំណាក់ស្រុកឆ្លងដែនខុសច្បាប់តាមអូរព្រំដែន ដោយថ្នូរនិងប្រាក់មួយចំនួន ចូលហោប៉ៅមិនគិតតួរនាទីនិងភារកិច្ចប្រចាំនៅទីនោះ ។
បើតាមសេចក្តីប្រកាសព័តិមានពីក្រសួងមហាផ្ទៃក៏ដូចអគ្គៈស្នងការដ្ឋាននគរបាលជាតិ ឲ្យសមត្ថកិច្ចតាមខ្សែបន្ទាត់ព្រំដែនធ្វើយ៉ាងណារឹតបណ្តឹងរាល់ការលួចឆ្លងដែនខុសច្បាប់ខានតែបាន ។ ប៉ុន្តែផ្ទុយទៅវិញ សមត្ថកិច្ចដែលមានតួនាទីការពារ ព្រំដែនគោក បែរជាឃុបឃិតគ្នាបើកដៃឲ្យមេខ្យល់នាំពលករឆ្លងដែនដោយខុសច្បាប់យ៉ាងដូច្នោះទៅវិញ៕
មេបញ្ជាការនគរបាលការពារព្រំដែនគោកវរៈសេនាតូចលេខ៨១៧លោក ស្រី សុខុន ដែលឈរជើងក្នុងទឹកដីស្រុកសំពៅលូនខេត្តបាត់ដំបងត្រូវបានរងការចោទប្រកាន់ពីប្រជាពលរដ្ឋថាបាននិងកំពុងឃុបឃិតជាមួយមន្ត្រីយោធាតំបន់ប្រតិបត្តិការសឹករងស្រុកសំពៅលូនបើកដៃឲ្យពលករខ្មែរឆ្លងដែនខុសច្បាប់តាមច្រករបៀងប៉ុស្តិ៍អូរល្វាស្ថិតក្នុងភូមិអូរល្វាឃុំជ្រៃសីមាស្រុកសំពៅលូនខេត្តបាត់ដំបងដោយយកម្នាក់៣ម៉ឺនរៀល ។
សេចក្តីរាយការណ៏ពីអ្នកភូមិបានឲ្យដឹងថា៖ទីតាំងច្រករបៀងដែលលួចលាក់នាំពលករឆ្លងដែនចូលដីថៃនោះមានសមត្ថកិច្ចចំនួន២អង្គភាពបានឈរជើងប្រចាំការចាំប្រមូលលុយពីមេខ្យល់ឬកម្លាំងពលករ ។
ព័ត៌មាន ពីពលករបានឲ្យដឹងថាពួកគាត់ត្រូវបានមេខ្យល់ដែលមិនស្គាល់ឈ្មោះ នាំចូលទៅរកការងារធ្វើនៅតាមខេត្តមួយចំនួនក្នុងប្រទេសថៃដោយតម្រូវឲ្យបង់ប្រាក់ក្នុងម្នាក់ៗចំនួន២៥០០បាតប្រាក់ថៃដោយក្នុងមួយថ្ងៃៗមានពលករមិនក្រោមពី៣០០នាក់ឡើយដែលឆ្លងដែនតាមច្រករបៀងខាងលើ។ចំណែកការបង់ឲ្យសមត្ថកិច្ចដែលយាមនៅព្រំដែននោះវិញគឺលើមេខ្យល់ជាអ្នកបង់ឲ្យ។បើតាមពលករដែលបានឆ្លងដែនទៅប្រទេសថៃនៅទីនោះ បានឲ្យដឹងថាគឺមេខ្យល់បង់ឲ្យសមត្ថកិច្ចពីរអង្គរភាពក្នុង១អង្គភាព៣០០០០រៀលសម្រាប់ពលករម្នាក់ ។
សូមបញ្ជាក់ដែថាកន្លងមកលោកនាយឧត្តមសេនីយ៏ ខេង សាមេធ អគ្គស្នងការរងនគរបាលជាតិនៃទទួលបន្ទុក ទិសភូមិភាគទី០៤និងទី០៥ បានដាក់បំរាមដល់កងកម្លាំងនគរបាលនិង ហាមឃាត់ជាដាច់ខាតមិនឲ្យសមត្ថកិច្ចដែលឈរជើងនៅការពារព្រំដែនប្រព្រឹត្តផ្ទុយពីសារាចរណ៏ណែនាំរបស់អគ្គស្នងការនគរបាលជាតិស្តីពីការលួចបើកច្រករបៀងខុសច្បាប់នោះឡើយ ។ ប៉ុន្តែបទបញ្ជារលោក ខេង សុមេធដែលបានណែនាំដល់នាយប៉ុស្តិ៍និងមេបញ្ជាការធ្វើយ៉ាងណារឹតបន្តឹងរាល់ការលួចឆ្លងដែនពីសំណាក់ពលករខ្មែរទៅរកការងារធ្វើនៅប្រទេសថៃដែលគ្មានច្បាប់នោះឲ្យខានតែបាននោះមិនត្រូវបានលោកស្រីសុខុនមេបញ្ជាការវរនគរបាលលេខ៨១៧ស្តាប់ឡើយបើយោងតាមសកម្មភាពខាងលើនេះ។ ផ្ទុយទៅវិញសមត្ថកិច្ចដែលមានតួនាទីការពារព្រំដែន បែរជាឃុបឃិតគ្នា បើកដៃឲ្យមេខ្យល់នាំពលករឆ្លងដែន ដោយខុសច្បាប់ យ៉ាងដូច្នោះទៅវិញ ។គួរបញ្ជាក់ថា ពាក់ពន្ធ័និងការចោទប្រកាន់ខាងលើ លោក ពុំ ចាន់ ដែលទទួលបន្ទុកការងារព្រំដែន ខេត្តបាត់ដំបង មិនអាចទំនាក់ទំនង ការបំភ្លឺបានទេ ចំណែកលោក ស្រី សុខុន វិញ ដែលប្រចាំការ នៅស្រុកសំពៅលូន ក៏មិនអាចទាក់ទងបានដែរ ៕
