កំពង់ធំ ៖ ឈើចំនួន៣៣ម៉ែត្រគូបគឺមានប្រភេទឈើទាល ឈើផ្តៀក នឹងឈើកកោះត្រូវបានលោកគុជគីមឡុង ព្រះរាជអាជ្ញារងដឹកនាំកម្លាំងចុះប្រតិបត្តិការណ៏បង្ក្រាបបាន នៅទីតាំងស្តុបឈើ លក់ឈើមួយកន្លែងស្ថិតនៅភូមិត្រពាំងជ្រៃ ឃុំបល្ល័ង្ក ស្រុកបារាយណ៏ ខេត្តកំពង់ធំ នឹងបញ្ជូនទៅកាន់ផ្នែករដ្ឋបាលព្រៃឈើកំពង់ថ្ម នៅល្ងាចថ្ងៃទី២៤ខែឧសភាឆ្នាំ២០១៤ ។
លោកគុជគីមឡុង ព្រះរាជអាជ្ញារងអមសាលាដំបូងខេត្តកំពង់ធំ បានឲ្យដឹងថាលោកបានទទួលបញ្ជានឹងព័ត៍មានពីព្រះរាជអាជ្ញា ថាមានទីតាំងស្តុបឈើនៅចំនុចខាងលើនេះ ហើយខណៈពេលភ្លាមៗនោះ លោកបានដឹកនាំសមត្ថកិច្ចចំរុះចុះដល់ទីតាំងនោះភ្លាម ហើយក៏ប្រទះឃើញគំនរឈើចំនួនបីកន្លែងជាម្ចាស់តែ១ព្រមទាំងឃាត់ខ្លួនស្ត្រីម្នាក់ជាប្រព័ន្ធ យោងតាមសមត្ថកិច្ចមូលដ្ឋានបានឲ្យដឹងថាម្ចាស់ផ្ទះឈ្មោះ យ៉ាន់ផេង នឹងប្រព័ន្ធឈ្មោះគួនឡេក រស់នៅភូមិត្រពាំងជ្រៃ ឃុំបល្ល័ង្ក ស្រុកបារាយណ៏ ខេត្តកំពង់ធំ ។
ចំណែកឈើបីគំនរធំៗនោះដឹកយកមករក្សាទុកនៅផ្នែករដ្ឋបាលព្រៃឈើកំពង់ថ្ម ដើម្បីធ្វើកំណត់ហេតុវាស់វែង ហើយចំនួនឈើសរុបមាន៣៣ម៉ែត្រគូប ហើយស្ត្រីជាម្ចាស់ផ្ទះបញ្ជូនទៅតុលាការខេត្តកំពង់ធំ ។ ចំណែកបុរសជាប្តី សមត្ថកិច្ចបើកការស្រាវជ្រាវ បន្តរ។
ដោយ ៖ សុផាត កំពង់ធំ
