ខេត្តសៀបរាប៖ សួនច្បារលម្អដងស្ទឹងសៀមរាប នៅម្តុំផ្សារចាស់ បានក្លាយជាទីតាំង ធ្វើអាជីវកម្មយ៉ាងអាណាធិបតេយ្យ ដូចជាផ្ញើម៉ូតូ ផ្ញើរថយន្ត លក់កម្រងផ្កាសម្រាប់បុណ្យសពជាដើម ។ តំបន់ផ្សារចាស់នៃក្រុងសៀមរាប គឺជា តំបន់ដែលភ្ញៀវទេសចរអន្តរជាតិនិយមដើរកំសាន្ត ទិញវត្ថុអនុស្សាវរីយ៍ ឬក៏យកខ្យល់អាកាសនៅទីនោះ ។
ស្ថានភាពដែលមិនគួរមាននៅទីនោះ ត្រូវបានរក្សាសកម្មភាពនេះបង្អួតភ្ញៀវទេសចរ អន្តរជាតិជាយូរ ឆ្នាំណាស់ មកហើយ គ្មានសមត្ថកិច្ច ឫមន្រ្តីមួយណា ចេញមុខឡើយ ! ដោយមិនហ៊ានបើកភ្នែកមើលទៀតផង ។
កាលពីមុនទីតាំងផ្ញើរម៉ូតូ -រថយន្តមួយនេះ មានតែលើសូន្យច្បារនោះទេ ប៉ុន្តែឥឡូវដាក់ផ្ញើរលើផ្លូវតែម្តង ។
អ្នកដាក់សំបុត្រផ្ញើម៉ូតូ រថយន្ត នៅទីនោះនិយាយថា ម្ចាស់អាជីវកម្មផ្ញើម៉ូតូ និងផ្ញើរថយន្តខាងលើ ឈ្មោះ សំ ភេត្រា ។ អ្នកដាក់សំបុត្ររូបនោះ និយាយថា ការបើកអាជីវកម្មផ្ញើម៉ូតូ-រថយន្តរបស់ពួកគេ គឺមាន ច្បាប់អនុញ្ញាតិត្រឹមត្រូវ ដែលចេញដោយសាលាក្រុងសៀមរាប ។
មានសម្លេងមហាជនបាន ខ្សឹបខ្សៀវ បូញមាត់ ញាក់ចិញ្ចើម បង្ហាញថា ការធ្វើអាជីវកម្មផ្ញើម៉ូតូ-រថយន្ត នៅទីនោះ គឺចាប់តាំងពីតំណរចៅហ្វាយក្រុង ឫ ចៅហ្វាយខេត្ត ជាច្រើនមកហើយ គឺមានន័យថា ដុះស្លែ មិនមានសមត្ថកិច្ចណាហ៊ាន ចេញមុខមក រំខាននោះឡើយ មិនដឹងថា មានខ្នងក្រាស់ប៉ុណ្ណានោះទេ ។
លោក សូ ផ្លាតុង អភិបាលក្រុងសៀមរាប បានបំភ្លឺតាមទូរស័ព្ទកាលពីវេលាម៉ោង ០៩ និង ៥៤នាទី ព្រឹកថ្ងៃទី ១៨ ខែតុលានេះថា លោកបានដឹងអំពីបញ្ហាខាងលើនេះរួចហើយ ហើយលោកនឹងចាត់វិធានការ ចុះទៅណែនាំ ដល់ម្ចាស់ទីតាំងអាជីវកម្មទាំងនោះ ដើម្បីរក្សាសណ្តាប់ធ្នាប់ និងសោភ័ណភាពក្រុងទេសចរណ៍ សៀមរាប-អង្គរ ។
គួរបញ្ជាក់ថា រិធានការចុះទៅណែនាំជាសំដីរបស់ លោក សូ ផ្លាតុង តែងតែនិយាយអញ្ចឹងកន្លងមក ៕
ប៊ុនធឿន (សៀមរាប)
