បាត់ដំបង ៖ កាលពីវេលាម៉ោង៩និង៣០នាទីព្រឹកថ្ងៃទី២៨ ខែឧសភា ឆ្នាំ២០១៤២ នាក់ប្តីប្រពន្ធនិងថ្នាំញៀន២១៨គ្រាប់ប្រើប្រាស់ និងលក់ចែកចាយដុះស្នឹមត្រូវកម្លាំងនគរបាល ស្រុក សំពៅលូនឃាត់ខ្លួននៅផ្ទះពេលកំពុងចែកចាយ ក្នុងភូមិអូរឃុំសន្តិភាពស្រុកស្រុកសំពៅលូនខេត្តបាត់ដំបង។
លោក ឈិត សេង អធិការរងស្រុកសំពៅលូនបានអោយដឹងថាជនសង្ស័យ២នាក់ប្តីប្រពន្ធដែលសមត្ថកិច្ចឃាត់ខ្លួនមានឈ្មោះ ចយ តឿ អាយុ២៤ឆ្នាំ ជាប្តីនិងឈ្មោះ ជឿន មឿន អាយុ២៦ឆ្នាំជាប្រពន្ធ មានទីលំនៅភូមិឃុំកើតហេតុ ។វត្ថុតាងដកហូតបានមានថ្នាំញៀនយ៉ាម៉ា២១៨គ្រាប់។
ជនសង្ស័យជា២នាក់ប្រពន្ធប្តីបានសារភាពថាពួកខ្លួនបានទិញថ្នាំញៀនពីស្រុកម៉ាឡៃខេត្តបន្ទាយមានជ័យ មកលក់បន្តចំណេញ ប្រាក់ជួយទប់ទល់ថ្លៃការប្រើប្រាស់ របស់ប្តី ។ ការលក់ថ្នាំញៀនយូរគ្រាន់ដែរ ។
លោកអធិការរងស្រុកសំពៅលូនបានបញ្ជាក់ថាជនសង្ស័យ២នាក់ប្តីប្រពន្ធជាមុខសញ្ញាចាស់ ពេលសមត្ថកិច្ចបង្ក្រាបទីតាំងផ្សេងៗពួកគាត់បានផ្អាកធ្វើសកម្មភាពលក់ដូរហើយសភាពការ បង្ក្រាបស្ងប់ស្ងាត់ពួកគាត់ធ្វើសកម្មភាលក់ចែកចាយថ្នាំញៀនវិញសមត្ថកិច្ចដឹងចំណុចនេះបានដាក់កម្លាំងសម្ងាត់ចូលទិញហើយឃាត់ខ្លួនជនសង្ស័យតែម្តង។បច្ចុប្បន្នជនសង្ស័យនិងវត្ថុតាងកំពង់រៀបចំកសាងសំណុំរឿងបញ្ជូនទៅស្នងការដ្ឋាននគរបាលខេត្តចាត់ការតាមផ្លូវច្បាប់៕
