អន្តរជាតិ ៖ នាយករដ្ឋមន្ត្រីអូស្ត្រាលី លោក Anthony Albanese បានជំរុញឱ្យប្រជាពលរដ្ឋគាំទ្រផលិតផលក្នុងស្រុក បន្ទាប់ពីសហរដ្ឋអាមេរិក បន្តដាក់ពន្ធទៅលើការនាំចូលអាលុយមីញ៉ូម និងដែក ។
លោក Albanese បាននិយាយថា ខ្ញុំសូមជំរុញប្រជាជនអូស្ត្រាលី ជួយទិញផលិតផល ឬទំនិញក្នុងស្រុក។ ដោយនេះជាមធ្យោបាយមួយដែលជំរុញការងារក្នុងស្រុក និងជួយដល់ឧស្សាហកម្មក្នុងស្រុករបស់យើង ។
លោកលើកឡើងបែបនេះ នៅពេលអ្នកសារព័ត៌មានសួរថា តើប្រទេសអូស្ត្រាលី នឹងចាត់វិធានការបែបណាចំពោះពន្ធថ្មីរបស់សហរដ្ឋអាមេរិក ២៥ ភាគរយ លើអាលុយមីញ៉ូម និងដែក ។
ទន្ទឹមនោះ លោកបានពណ៌នាវិធានការរបស់សហរដ្ឋអាមេរិកដែលចូលជាធរមាន នៅថ្ងៃទី ១២ ខែមីនា ថាមិនសមហេតុផល និងគួរឲ្យខកចិត្តយ៉ាងខ្លាំង៕
