ខេត្តសៀមរាប ៖ កម្លាំងកងរាជអាវុធហត្ថខេត្តសៀមរាបបានធ្វើសកម្មភាពចុះអន្តរាគមន៍ឃាត់ខ្លួនបុរសបែកថ្នាំម្នាក់ កាន់កាំបិតគម្រាមកំហែងដល់អ្នកជិតខាងនៅចំណុចភូមិបឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាប ។
មន្ត្រីសមត្ថកិច្ចបានអោយដឹង ថ្ងៃទី០៣ ខែមីនា ឆ្នាំ២០២៥ ថា ពោលគឺបន្ទាប់ពីបានទទួលបណ្តឹងរបស់ប្រជាពលរដ្ឋតាមរយះប្រព័ន្ធទូរស័ព្ទ ១២៩៦ កងរាជអាវុធហត្ថខេត្តសៀមរាប។
សមត្ថកិច្ចបន្តថា ៖ ជនសង្ស័យមានឈ្មោះ យ៉ិន លិវ ហៅ កែប ភេទប្រុសអាយុ៣៣ឆ្នាំ មុខរបរមិនពិតប្រាកដ ស្នាក់នៅភូមិបឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាប បច្ចុប្បន្នត្រូវបានឃាត់ខ្លួនបញ្ជូនទៅការិយាល័យប្រឆាំងបទល្មើសគ្រឿងញៀន នៃមន្ទីរស្រាវជ្រាវ និងបង្រ្កាបបទល្មើស កងរាជអាវុធហត្ថខេត្តសៀមរាប ដើម្បីធ្វើការសាកសួរបន្ត ៕
