ខេត្តកំពង់ធំ ៖ កម្លាំងអាវុធហត្ថខេត្តកំពង់ធំ ដឹកនាំដោយលោកអនុសេនីយ៍ឯក ឡុង វឿន បានចុះបង្រ្កាបបទល្មើសនេសាទឆក់ត្រី (ឆក់ត្រជាក់) នៅចំណុចព្រែកឆ្កោក ស្ថិតក្នុងឃុំផាត់សណ្តាយ ស្រុកកំពង់ស្វាយ ខេត្តកំពង់ធំ នៅថ្ងៃទី៩ ខែកុម្ភៈ ឆ្នាំ២០២៥។ ប្រតិបត្តិការនេះ កម្លាំងមូលដ្ឋានកងរាជអាវុធហត្ថស្រុកកំពង់ស្វាយ ចំនួន ០៣ នាក់ ការពារជាមួយកាណូត ០១ គ្រឿង បានអនុវត្តតាមបទបញ្ជាលោកឧត្តមសេនីយ៍ត្រី មាស យ៉ត មេបញ្ជាការខេត្ត។
ជាលទ្ធផល ឃាត់ខ្លួនជនសង្ស័យ ០២ នាក់ ៖ ឈ្មោះ ឌឹម រស្មី ភេទប្រុស អាយុ៣០ឆ្នាំ រស់នៅភូមិនាងសាវ ឃុំផាត់សណ្តាយ។ ឈ្មោះ អ៊ុំ រម្យ ភេទប្រុស អាយុ២៩ឆ្នាំ រស់នៅភូមិកំពង់ចម្លង ឃុំផាត់សណ្តាយ។វត្ថុតាងដែលត្រូវបានចាប់យករួមមាន ៖ កាណូត ០១ គ្រឿង (បាឡាស្មាច់ + ម៉ាស៊ីនសាំង ១៨ សេស)ដុំភ្លើងឆក់ត្រី ០១ គ្រឿងអាគុយ ៧០ អំពែ ០១ ធុងខ្សែកាប ០២ ដុំកន្រ្តងដងត្រី ០១ កន្ត្រងកាំបិតផ្គាក់ ០១ ដើមសាងផ្លែប្រាំ ០១ ដើមក្បាលពិលបំភ្លឺ ០១ ត្រីចម្រុះ ១៥ គីឡូក្រាម។ ជនសង្ស័យ និងវត្ថុតាងត្រូវបានប្រគល់ជូនក្រុមការងាររដ្ឋបាលជលផលឃុំផាត់សណ្តាយ ដើម្បីដំណើរការតាមនីតិវិធី៕
