ខេត្តសៀមរាប ៖ នៅក្នុងពិធីបុណ្យឡើងមាឃឆ្នាំ ២០២៥ នេះ ប្រជាជននៅតំបន់អង្គរ តាមទំនៀមទម្លាប់បុរាណ ដោយបន្ដធ្វើពិធីចាប់ត្រីរួមគ្នា។ ពិធីនេះមិនត្រឹមតែជាសិល្បៈប្រពៃណីបុរាណប៉ុណ្ណោះទេ ប៉ុន្តែជាវិធីសាស្ត្រសម្រាប់ការរួមរស់ក្នុងសហគមន៍ និងជាទំនៀមទម្លាប់មួយដែលបន្ដរៀងរាល់ឆ្នាំមិនខាន។
នៅព្រឹកថ្ងៃទី ៩ កុម្ភៈ ឆ្នាំ ២០២៥ ប្រជាពលរដ្ឋក្នុងភូមិបង្កោង ឃុំអំពិល ស្រុកប្រាសាទបាគង បានមកជួបជុំគ្នា ដើម្បីចូលរួមពិធីចាប់ត្រីសាធារណៈនៅបឹងសហគមន៍។ ពិធីនេះចាប់ផ្តើមនៅម៉ោង ៧ ព្រឹក ដោយមានការបាញ់កាំជ្រួចជាសញ្ញាចាប់ផ្តើម។ អ្នកចូលរួមមានទាំងមនុស្សចាស់ ក្មេង ប្រុស និងស្រី ដោយយកឧបករណ៍បុរាណដូចជា សំណាញ់ អង្រុត និងឈ្នាង ដើម្បីចាប់ត្រី។
លោក ពេជ្រ ឃិន មេភូមិបង្កោង ឃុំអំពិល បានឲ្យដឹងថា ត្រីដែលចាប់បាន នឹងត្រូវយកទៅធ្វើម្ហូបអាហារដល់ភ្ញៀវបុណ្យឡើងមាឃ។ លោកបានបញ្ជាក់ថា ទឹកក្នុងបឹងសហគមន៍ឆ្នាំនេះមានត្រីច្រើនជាងឆ្នាំមុន ដោយសារស្ថាប័នពាក់ព័ន្ធបានព្រលែងកូនត្រីប្រមាណ ១០,០០០ ក្បាលនៅក្នុងបឹងនេះ កាលពីរដូវវស្សាកន្លងមក។
លោក សូរ ប្លាតុង អភិបាលស្រុកប្រាសាទបាគង បានលើកឡើងថា ពិធីចាប់ត្រីនេះ មានតួនាទីសំខាន់បីយ៉ាង៖
រក្សាប្រពៃណី និងសិល្បៈបុរាណរបស់សហគមន៍ បង្កើតឱកាសចំណូល សម្រាប់ប្រជាពលរដ្ឋក្នុងសហគមន៍។លោកបន្តថា ការចាប់ត្រីនៅក្នុងបឹងនេះ បានទាក់ទាញអ្នកចូលរួមច្រើនជាងអស់ឆ្នាំមុនៗ ពោលគឺមិនត្រឹមតែអ្នកក្នុងភូមិបង្កោងទេ តែមានអ្នកមកពីតំបន់ជិតឆ្ងាយ និងភ្ញៀវទេសចរបរទេសផងដែរ។
អាជ្ញាធរមូលដ្ឋានមានគម្រោងបន្ដលេងកូនត្រីបន្ថែម និងត្រៀមដាក់ព្រួលការពារក្នុងរដូវទឹកឡើង ដើម្បីបង្ការកុំឲ្យត្រីរត់ចេញទៅខាងក្រៅ។ លើសពីនេះ អាជ្ញាធរនឹងស្វែងរកវិធីឲ្យប្រជាពលរដ្ឋមានប្រភពចំណូលបន្ថែមតាមរយៈការអភិរក្សបឹងនេះជារយៈពេលវែង។
ពិធីចាប់ត្រីរួមគ្នានៅក្នុងបឹងសហគមន៍ភូមិបង្កោង មិនត្រឹមតែជាពិធីបុណ្យបុរាណប៉ុណ្ណោះទេ ប៉ុន្តែថែមទាំងជាសិល្បៈនៃការរួមរស់ក្នុងសហគមន៍ ដែលមានភាពរីករាយ និងជាមូលហេតុនាំឱ្យមានការចូលរួមរបស់ទេសចរជាច្រើន។ ក្នុងអនាគត ពិធីនេះអាចក្លាយទៅជាទំនៀមទម្លាប់អន្តរជាតិនៅតំបន់អង្គរ ដែលមានសារៈសំខាន់ក្នុងការអភិរក្សវប្បធម៌ និងបំពេញតំរូវការសេដ្ឋកិច្ចរបស់ប្រជាពលរដ្ឋ៕
