ក្នុងឱកាសទទួលជួបពិភាក្សាការងារជាមួយ ឯកឧត្តម គុយ ម៉េង អគ្គនាយកសាលា AMERICAN ENGLISH INSTITUTE ( AET ) អន្តរជាតិ នៅព្រឹកថ្ងៃទី០៦ ខែមករា ឆ្នាំ២០២៥ នាទីស្តីការក្រសួងព័ត៌មាន ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន បានគូសបញ្ជាក់ថា ការចូលរួមរបស់វិស័យឯកជនក្នុងការបណ្តុះបណ្តាលធនធានមនុស្សចាប់ពីវ័យកុមារឡើងទៅ គឺជាការកិច្ចការងារសំខាន់បំផុតសម្រាប់ប្រទេសជាតិ ព្រោះប្រទេសជាតិត្រូវការធនធានមនុស្សដែលប្រកបទៅដោយសមត្ថភាព ចំណេះដឹង និងជំនាញ ព្រមទាំងប្រកបដោយគុណធម៌ សីលធម៌ និងសុខភាពមាំមួន ។
ឯកឧត្តម គុយ ម៉េង អគ្គនាយកសាលា AET អន្តរជាតិ បានជម្រាបជូនពីប្រវត្តិសង្ខេបនៃសាលានេះ ត្រូវបានបង្កើតឡើងនៅថ្ងែទី២០ ខែសីហា ឆ្នាំ ២០០០ ដែល មានឈ្មោះដើមជា មជ្ឍមណ្ឌល KIC (Khmer International Centre) ដោយមានការគាំទ្រពីសំណាក់មាតា បិតាសិស្សនិងការជឿទុកចិត្តលើសេវាកម្មក៏ដូចជាគុណភាពអប់រំ នៅឆ្នាំ២០០៣ KIC បានប្រែក្លាយទៅជាវិទ្យាស្ថាន អេអ៊ីធី (AMERICAN ENGLISH INSTITUTE ) ។ ដោយឈរលើគុណភាព និងការប្រកាន់ខ្ជាប់នៅ វិន័យ និងចក្ខុវិស័យវែងឆ្ងាយជាមួយគោលដៅច្បាស់លាស់ សាលា AET បច្ចុប្បន្ននេះ មាន ៥សាខា កំពុងដំណើរការបណ្តុះបណ្តាលដល់សិស្សានុសិស្សជាច្រើនាក់ ៕ ប្រភពអាកាប៉េ
