សៀមរាប៖ កាលពីវេលាម៉ោង ៥ ភ្លឺ ថ្ងៃទី ២៨ ខែឧសភា ស្ថិតនៅខាងក្រោយរោងសិប្បកម្មផ្សារដែកអ៊ីណុក (យីហោស៊ុនឡាយ) ក្នុងក្រុមទី ១ ភូមិជន្លង់ សង្កាត់សាលាកំរើក ក្រុងសៀមរាប បុរសជាកូនជាងផ្សារដែកអ៊ីណុកម្នាក់ត្រូវបានខ្សែរភ្លើងឆក់រហូត ដល់ស្លាប់ ខណៈពេលដែលចប់ពីផឹកស៊ីនៅក្នុងរោងសិប្បកម្មអ៊ីណុករួចដើរទៅរកកន្លែងដេក ។ ហេតុការធ្វើឲ្យមានការភ្ញាក់ផ្អើល ដល់ប្រជាពលរដ្ឋ ។
តាមសាក្សីដែលឃើញហេតុការណ៍នេះ ឈ្មោះបែន មករា ភេទប្រុសអាយុ២៤ឆ្នាំមុខរបរមេជាងមានស្រុកកំណើតភូមិព្រែកទាល់ ឃុំកោះជីវាំង ស្រុកឯកភ្នំ ខេត្តបាត់ដំបង
បច្ចុប្បន្នស្នាក់នៅក្នុងភូមិសង្កាត់កើតហេតុខាងលើបានប្រាប់អ្នកសារព័ត៌មាន នៅកន្លែងកើតហេតុថាភ្លឺឡើងខ្ញុំដើរទៅក្រោយដើម្បីលុបមុខស្រាប់តែប្រទះឃើញសពមិត្តរួមការងារជាមួយឃើញមានខ្សែរភ្លើងឆក់ជាប់នឹងជើងខាងស្តាំហើយមានខ្លោចម្រាមជើង២ផងរួចក៏ដើមកមុខវិញប្រាប់បុគ្គលិកដែលធ្វើការនៅទីនេះទាំងអស់ហើយទូរស័ព្ទប្រាប់ថៅកែថាអាបារាំងឆក់ខ្សែរភ្លើងស្លាប់ហើយ ។
សាក្សីបន្តថាពេលនោះថៅកែស្រីដែលដេកនៅក្នុងរោងសិប្បកម្មនេះដែរ ក៏បើកទ្វារចេញមកមើល ឃើញក៏ទូរសព្ទ័ទៅប្រាប់ប៉ូលីសប៉ុស្តិ៍សង្កាត់សាលាកំរើកមកជួយដឹងឮរួចហើយក៏ឃើញប៉ូលីសប៉ុស្តិសាលាកំរើកចុះមកដល់នៅម៉ោង៧និង៣០នាទីព្រឹកថ្ងៃទី ២៨ ខែឧសភា ឆ្នាំ២០១៤ ។
លោកវរៈសេនីយ៍ត្រី តូច ម៉ាល័យនាយរងការិយាល័យបច្ចេកទេស នៃស្នងការដ្ឋាននគរបាលខេត្ត បានប្រាប់អ្នកសារព័ត៌មានយើងថា នៅកន្លែងកើតហេតុថា សាកសពជនរងគ្រោះឈ្មោះ ហ៊ុន បារាំង ភេទប្រុសអាយុ ២៦ ឆ្នាំមុខរបរកូនជាងផ្សារដែកអ៊ីណុ មានស្រុកកំណើតភូមិព្រែកទាល់ ឃុំកោះជីវាំងស្រុកឯកភ្នំខេត្តបាត់ដំបងសព្វថ្ងៃស្នាក់នៅភូមិកើតហេតុខាងលើ ។
ម្ចាស់សិប្បកម្មផ្សារដែកអ៊ីណុកនេះមានឈ្មោះ ស៊ុនឡាយភេទស្រីអាយុ២៧ឆ្នាំស្រុកកំណើតភូមិ ជៀស ឃុំថ្មពេជ្រស្រុកត្បូងឃ្មុំខេត្តកំពង់ចាមបច្ចុប្បន្នជាថៅកែសិប្បកម្មរស់នៅភូមិកើតហេតុខាង លើ។
លោកបន្តថាក្រោយពីមានការចូលរួមពីព្រះរាជអាជ្ញារងព្រមទាំងសមត្ថកិច្ចចំរុះរួចក៏នាំគ្នាពិនិត្យ និង ធ្វើកោសល្យវិនិច្ឆ័យសាកសពនេះបានស្លាប់ដោយសារឆក់ខ្សែរភ្លើងស្លាប់ដោយខ្លួនឯងពិតប្រាកដមែនឬពុំមានជាករណីអំពើឃាតកម្មទេ ។ ពីព្រោះពិនិត្យទៅនៅកន្លែងកើត ឃើញមានតុដាក់ដែកពេញពីលើ ហើយវាដួល នឹងឃើញមានខ្សែរភ្លើងទាក់ជាប់នឹងជើងខាងស្តាំធ្វើឲ្យម្រាមជើងខាងស្តាំខ្លោច២និងខ្លោចកជើងផងដែរ។
កម្លាំងជំនាញក៏ប្រគល់សាកសពឳ្យទៅម្ចាស់សិប្បកម្មទុកដើម្បីរកចាំខាងសាច់ញ្ញាតិមកទទួលយកទៅធ្វើបុណ្យតាមប្រពៃណីរបស់ខ្មែរ ៕
