អន្តរជាតិ ៖ អ្នកនាំពាក្យនៃក្រុមប្រដាប់អាវុធជនជាតិភាគតិច បានប្រាប់ឲ្យដឹងនៅថ្ងៃសុក្រនេះថា ការវាយប្រហារតាមអាកាសរបស់យោធាមីយ៉ាន់ម៉ា នៅភាគខាងជើងរដ្ឋ Shan សម្លាប់ជនស៊ីវិល ១១ នាក់ និង ១១ នាក់ទៀតរងរបួស។
របបយោធាដែលកំពុងប្រយុទ្ធប្រដាប់អាវុធយ៉ាងទូលំទូលាយ ក្រោយរដ្ឋប្រហារ ឆ្នាំ ២០២១ របស់ខ្លួន ដែលត្រូវបានចោទប្រកាន់ពីបទបង្ហូរឈាម នឹងប្រើប្រាស់ការវាយប្រហារតាមអាកាស និងកាំភ្លើងធំដើម្បីដាក់ទណ្ឌកម្មសហគមន៍ជនស៊ីវិល។
ទន្ទឹមនោះ លោកស្រី Lway Yay Oo នៃកងទ័ពរំដោះជាតិ Ta’ang (TNLA) បាននិយាយថា ពួកគេទម្លាក់គ្រាប់បែកនៅតំបន់ ២ ក្នុងទីក្រុង Namhkam នៅថ្ងៃសុក្រនេះ ប្រហែលម៉ោង ១ (ម៉ោងក្នុងស្រុក) ។
លោកស្រី បន្ថែមថា ការវាយប្រហារនេះសម្លាប់មនុស្ស ១១ នាក់ និងរបួស ១១ នាក់ ខណការិយាល័យរបស់គណបក្សនយោបាយក្នុងស្រុកមួយ ត្រូវបានបំផ្លាញ។
គួរបញ្ជាក់ថា ទីក្រុង Namhkam ស្ថិតនៅចម្ងាយប្រហែល ៥ គីឡូម៉ែត្រ ពីព្រំដែនជាមួយខេត្ត Yunnan របស់ប្រទេសចិន ដោយក្រុមយុទ្ធជន TNLA បានទាមទារគ្រប់គ្រងទីក្រុងនេះ បន្ទាប់ពីមានការប្រយុទ្ធគ្នាជាច្រើនសប្តាហ៍ កាលពីឆ្នាំមុន៕
