ខេត្តរតនគិរី ៖ ទីតាំងជញ្ជីងថ្លឹងរថយន្តផ្ទុកលើសទម្ងន់ របស់មន្ទីរសាធារណការ និងដឹកជញ្ជូនខេត្តរតនគិរី ស្ថិតក្រោមការគ្រប់គ្រង ដោយផ្ទាល់របស់លោក ខឹម រមណី កំពុងក្លាយជាទីតាំងជញ្ជីងប្រមូលលុយយ៉ាងសប្បាយដៃនេះបើតាមការវាយតម្លៃរបស់ប្រជាពលរដ្ឋជាអាជីវករដឹកជញ្ជូន និងថ្លឹងតៃកុងឡានយកលុយតាមតែទំនើងចិត្តមិនដែលខ្វល់ខ្វាយ ពីការ ដឹកជញ្ជូនលើសទម្ងន់ បំផ្លាញផ្លូវស្ពាននោះទេ ។
លោក ខឹម រមណី អនុញ្ញាតអោយរថយន្តដឹកជញ្ជូនលើសទម្ងន់ មិនដែលក្រែងញញើតពីច្បាប់ទម្លាប់ ឬការរឹតបន្តឹងរបស់ថ្នាក់លើនោះទេ ធ្វើយ៉ាងណាឲ្យតែ អាចប្រមូលលុយយកមកចែកគ្នា ធ្វើមានធ្វើបានផ្ទាល់ខ្លួនដោយមិនខ្វល់ពីការខូចផ្លូវនោះឡើយ។
ក្រុមអ្នករកស៊ីដឹកជញ្ជូនកសិផល មានដំឡូងមីជាដើម ចេញទៅលក់នៅស្រុកយួន តាមច្រកអន្តរជាតិអូរយ៉ាដាវ បានលើកឡើងថា ទីតាំងជញ្ជីងថ្លឹងរថយន្ត របស់លោក ខឹម រមណី បានដាក់ប៉ុស្តិ៍ជជុះទាលុយពីរថយន្តដឹកទំនឹញ ឡើងដុះស្លែទៅហើយ នៅក្បែរ ច្រកអន្តរជាតិអូរយ៉ាដាវ ចាំប្រមូលលុយពីក្បាលឡានដឹកទំនិញ ផ្ទុកលើសទម្ងន់ ជាពិសេសនាពេលកន្លមកឡានក្រុមឈ្មួញ ដឹកឈើប្រណីតខុសច្បាប់ ត្រូវមន្ត្រីរបស់លោក ខឹម រមណី កោសរូសបង្ខំឲ្យបង់លុយ តាមតែទំនើងចិត្ត។
ក្រសួងសាធារណការ និងដឹកជញ្ជូន ក៏ដូចជាគណៈបញ្ជាការឯកភាពខេត្ត បានសម្រេចឲ្យមានទីតាំងជញ្ជីងថ្លឹងរថយន្ត ចល័តចុះឡើងនៅតាមដងផ្លូវ ដែលប្រឈមនឹងការដឹកជញ្ជូន លើសទម្ងន់ដោយចាត់វិធានការដាក់ពិន័យ បង្ខំឲ្យធ្វើកិច្ចសន្យាឈប់ផ្ទុកលើសទម្ងន់ ។
ផ្ទុយទៅវិញមន្ត្រីរបស់លោក ខឹម រមណី បានត្រឹមតែកំណត់តម្លៃឲ្យរថយន្តផ្ទុកលើសទម្ងន់ បង់លុយថ្លៃក្បាលឡាន ជាហូរហែទៅតាមរថយន្តតូចឬធំ ដូចជារថយន្តយីឌុបភ្លៅ៥ ត្រូវបង់ឲ្យក្រុមជញ្ជីងចាប់ពី ១០ម៉ឺនរៀលឡើងទៅ ទោះបីជាផ្ទុកលើសទម្ងន់ ឬមិនលើសទម្ងន់ក៏ដោយ សុទ្ធតែជាប់កាតព្វកិច្ច ចូលបង់លុយទាំងអស់ បើចង់រកសីផ្លូវនោះ។
ប្រជាពលរដ្ឋនិយាយាយថា ក្រុមជញ្ជីងថ្លឹងរថយន្ត របស់លោក ខឹម រមណី បានធ្វើសកម្មភាព មិនខុសពីកុងត្រូលជជុះប៉ុន្មាន ទេ ក្នុងការកោសរូសបង្ខំឲ្យ ប្រជាពលរដ្ឋរកស៊ី ដឹកជញ្ជូនកសិផលចេញទៅលក់ នៅស្រុកយួន បង់លុយទៅតាមតែបបូរមាត់ របស់ពួកគេ មិនមានលិខិតស្នាមឬវិក្កយបត្រ បញ្ជាក់ត្រឹមត្រូវនោះទេដែលបញ្ជាក់ថាក្រុមជញ្ជីងនេះមិនដែលក្រែងញញើត ពីចំណាត់ការរបស់ អង្គភាពប្រឆាំង អំពើពុករលួយនោះទេ ។
បញ្ហានេះ គួរតែលោកអភិបាលខេត្ត រតនគីរី នឹងលោករដ្ឋមន្ត្រីក្រសួង សាធារណការ ពិនិត្យបញ្ហាខាងលើនេះផងពុំអាចសំការបំភ្លឺពីប្រធានស្ថានីយចលតបានឡើយ ៕
