គ្រួសារកងទ័ពនៅអង្គភាពកងពលតូចថ្មើរជើងលេខ៤១ ក្រោមការផ្តួចផ្តើមពីសំណាក់លោកជំទាវ គី គឹមរួន នាងឃីម បានដឹកនាំនាយទាហាន នាយទាហានរង និងពលទាហាន រួមទាំងគ្រួសារកងទ័ព និងមានការចូលរួមរបស់ប្រជាពុទ្ធបរិស័ទចំណុះជើងវត្តផងដែរ បានអញ្ជើញកាន់បិណ្ឌទី១ នៅវត្តចុងកាល់ ភូមិ!ឃុំ! ស្រុកចុងកាល់ ខេត្តឧត្តរមានជ័យ ។
នៅក្នុងថ្ងៃកាន់បិណ្ឌវេនទី១ ថ្ងៃ១រោជខែភទ្របទ ! ត្រូវនិងថ្ងៃទី២៨ ខែកញ្ញា ឆ្នាំ២០១៥ លោកជំទាវ គី គឹមរួន នាងឃីម រួមនឹងកងទ័ព និងគ្រួសារកងទ័ព ដោយបាននាំយក ត្រៃ ស្លាដក់ ទេយ្យទាន និងគ្រឿង ឧបភោគបរិភោគយកមកវេប្រគេនដល់ព្រះសង្ឃដែលកំពុងគង់ចាំព្រះវស្សាអស់កាលត្រីមាស
ដើម្បីឧទ្ទិសកុសលដល់មាតាបិតាញាតិការ ទាំងប្រាំពីរសណ្តាន ដែលបានចែកដ្ឋានទៅកាន់ វរលោក សូមមកទទួលយក មៈផលកុសល្យផលបុណ្យដែលកូនចៅបានធ្វើ បុណ្យបញ្ជូនទៅឱ្យ និងសូមឱ្យផុតទុក្ខផុតទោសអំពីកម្មពារទាំងឡាយផងដែរ ។
នៅក្នុងថ្ងៃកាន់បិណ្ឌវេនទី១នេះ បានរៀបចំទៅតាមប្រពៃណីយ៍ទំនៀមទំលាប់ព្រះពុទ្ធសាសនាធ្វើការជួប ជុំញាតិមិត្តជិតឆ្ងាយ និងពុទ្ធបរិស័ទ្ធចំណុះជើងវត្ត ។ ហើយនៅព្រឹកថ្ងៃបញ្ចប់កាន់បិណ្ឌវេនទី១ ក៏បានមានរៀបចំពិធីរាប់បាត ដល់ព្រះសង្ឃ និងចំរើនព្រះរតនៈត្រៃយ៍ ប្រគេនយាគូរ ស្លាកដក់ ដល់ព្រះសង្ឃ ព្រមទាំងបានកម្កល់ថវិកា ១លានរៀល សំរាប់កសាងទីសេនាសនៈផ្សេងៗ ផងដែរ នៅក្នុងវត្តតាមតម្រូវការ របស់ព្រះសង្ឃ ។
មានប្រសាសន៍នាឱកាសនោះ លោកទំទាវ គី គឹម រួន នាង ឃីម បានលើកឡើងថា នេះជាវេនទី១ ដើម្បី រំលឹកដល់ ប្រជាពលរដ្ឋដែលកាន់សាសនាព្រះពុទ្ធថេរវាទ
ហើយវាជាសញ្ញាណបញ្ជាក់ថា ភ្ជុំបិណ្ឌបានមកដល់ហើយ ម៉្យាងវិញ ទៀតជាការ រក្សាវប្បធម៌ ប្រពៃណីជាតិឲ្យបានគង់វង្សយូរអង្វែងនិងលើកកំពស់ផ្នែកវិស័យ
ព្រះពុទ្ធសាសនានៅកម្ពុជា ឲ្យមានការរីកចម្រើនជាបន្តបន្ទាប់បន្ថែមទៀត ហើយទីអារ៉ាម គឺជាកន្លែងប្រជាពុទ្ធបរិស័ទទូទៅគោរពប្រតិបត្តិ និងជា កន្លែង
អប់រំផ្នែកពុទ្ធចក្រ ផ្លូវកាយ ផ្លូវចិត្ត ឲ្យចេះធ្វើអំពើល្អទៀតផង ។
ជាងនេះទៅទៀត គេសង្កេតឃើញមានមនុស្សម្នាជាច្រើនកុះករបាននាំគ្នាទៅវត្ត ដោយក្រោកពីយប់ទៀបភ្លឺ ប្រដាប់ទៅដោយ បាយ នំចំណី ផ្លែឈើផ្សេងៗ និងអុជទៀនធូប ទៅបោះបាយបិណ្ឌនៅតាមវត្តអារ៉ាមនានាផងដែរ ។
គួរបញ្ជាក់ផងដែរ បិណ្ឌវេនទី១នេះ នៅតាមវត្តអារាមនានា គេសង្កេតឃើញមានប្រជាពលរដ្ឋ មន្រ្តីរាជការ ជាពិសេស កងកម្លាំងប្រដាប់អាវុធទាំងបីប្រភេទ ដូចជា ប៉ូលីស កងរាជអាវុធ និងមន្រ្តីយោធា ក៏បានចុះរៀបចំការពារសន្តិសុខ សណ្ឋាប់ធ្នាប់សាធារណៈនៅតាមផងផ្លូវ ដែលធ្វើឱ្យភ្ជុំបិណ្ឌប្រកបទៅដោយរលូន ៕
ប៊ុនធឿន (សៀមរាប)
