ខេត្តកំពង់ឆ្នាំង ៖ ដោយមានការសម្របសម្រួលពីឯកឧត្តម ឯក ស៊ុនរស្មី ព្រះរាជអាជ្ញាអមសាលាដំបូងខេត្តកំពង់ឆ្នាំង និងអនុវត្តតាមបទបញ្ជាយ៉ាងម៉ឺងម៉ាត់របស់លោកឧត្តមសេនីយ៍ត្រី សាន្ត ប៊ុនថាន មេបញ្ជាការកងរាជអាវុធហត្ថខេត្តកំពង់ឆ្នាំង នៅថ្ងៃទី២៣ ខែសីហា ឆ្នាំ២០២៤ កម្លាំងមូលដ្ឋានកងរាជអាវុធហត្ថស្រុកកំពង់លែង ដឹកនាំដោយលោក វ.ត្រី សេង តារា មេបញ្ជាការមូលដ្ឋានកងរាជអាវុធហត្ថស្រុកកំពង់លែងបានចុះបង្ក្រាបករណីហិង្សាដោយចេតនា និងបានឃាត់ខ្លួនជនសង្ស័យចំនួន០៥នាក់ ដែលមានឈ្មោះដូចខាងក្រោម ÷
ទី១-ឈ្មោះ យ៉ន យិន ភេទប្រុស អាយុ៤៤ឆ្នាំ សញ្ជាតិខ្មែរ
ទី២-ឈ្មោះ យ៉ឺន យ៉េត ភេទប្រុស អាយុ៤០ឆ្នាំ សញ្ជាតិខ្មែរ
ទី៣-ឈ្មោះ យ៉ឺន ញីវ ភេទប្រុស អាយុ៥០ឆ្នាំ សញ្ជាតិខ្មែរ
ទី៤-ឈ្មោះ យ៉ន លីហូវ ភេទប្រុស អាយុ២៧ឆ្នាំ សញ្ជាតិខ្មែរ អ្នកទាំងបួនមាន អាស័យដ្ឋានបច្ចុប្បន្ននៅភូមិកោះក្អែក ឃុំកំពង់ហាវ ស្រុកកំពង់លែង
ទី៥-ឈ្មោះ ជា សុភ័ណ្ឌ ភេទប្រុស អាយុ៤០ឆ្នាំ សញ្ជាតិខ្មែរ មានអាស័យដ្ឋានបច្ចុប្បន្ននៅភូមិកំពង់បឹង ឃុំកំពង់ហាវ ស្រុកកំពង់លែង។
មូលហេតុ÷ដោយសារទំនាស់(ពាក្យសម្ដី) ហេីយបក្សពួកជនសង្ស័យចំនួន០៣នាក់ ក៏បានមកវាយលើជនរងគ្រោះ និងយកដាវ កាំបិតផ្គាក់មកធ្វើសកម្មភាពដេញកាប់ជនរងគ្រោះតែម្ដង។
បច្ចុប្បន្នជនសង្ស័យទាំង០៥នាក់ ត្រូវបានការិយាល័យជំនាញកសាងសំណុំរឿងបញ្ជូនទៅតាមនីតិវិធី៕
