ជួបសំណេះសំណាល ជាមួយលោកគ្រូ អ្នកគ្រូ ដែលខិតខំបង្រៀនសិស្ស បានល្អ

ជួបសំណេះសំណាល ជាមួយលោកគ្រូ អ្នកគ្រូ ដែលខិតខំបង្រៀនសិស្ស បានល្អ
ខេត្តសៀមរាប៖ ដោយសាការសន្យា ជាមួយលោកគ្រូ!អ្នកគ្រូថាជូនរង្វាន់លើកទឹកចិត្ត កាលពីឆ្នាំសិក្សា (២០១៣-២០១៤ ) កន្លងទៅ នៅព្រឹកថ្ងៃទី ២៦ ខែកញ្ញា ឆ្នាំ២០១៥ ឯកឧត្តមអ្នកឧកញ្ញា សៀង ណាំ តំណាងរាស្រ្តមណ្ឌលសៀមរាប ជួបសំណេះ សំ ណាលជាមួយលោកគ្រូ ! អ្នកគ្រូ (៧៥)នាក់មកពី (៤)បួន វិទ្យាល័យដែលមានស្នាដៃ ក្នុងការខិតខំបង្រៀនសិស្ស បានល្អ ជាថ្មីម្តងទៀត និងសិស្សដែលទទួលបានជ័យលាភី និទ្ទេសA ១៤នាក់ផងដែរ ក្រោយពីប្រឡងសញ្ញាបត្រមធ្យមសិក្សា ទុតិយភូមិឆ្នាំសិក្សា ២០១៤-២០១៥ ដែលបាន ប្រាររព្វធ្វើឡើងនៅសណ្ឋាគារ អង្គរស៊ីធី ខេត្ត សៀមរាប ។

លោក អ៊ុង សិរីឌី ប្រធានមន្ទីរអប់រំយុវជន និងកីឡាខេត្ត បានបញ្ជាក់ថា សិស្សជាប់និទ្ទេស A សម្រាប់ខេត្តសៀមរាប មានចំនួន ១៤នាក់ ស្រី ៦នាក់ ។ លោកបន្តទៀតថា ខេត្តសៀមរាបក្នុងឆ្នាំសិក្សា ( ២០១៤-២០១៥ ) សិស្សមានឈ្មោះ ប្រឡងសញ្ញាបត្រមធ្យម សិក្សាទុតិយភូមិ សរុបចំនួន ៥ពាន់៥៩៤នាក់ ស្រី ២ពាន់៩១៤នាក់ សិស្សប្រឡងជាប់ មាន ចំនួន ៣ពាន់១៨៥នាក់ ស្រី១ពាន់៧២២នាក់ ស្មើនឹង ៥៧.៩៧% ។ ក្នុងនោះនិទ្ទេស A ១៤នាក់ និទ្ទេសB ១០២នាក់ , និទ្ទេសC ២៣៤នាក់ និទ្ទេសD ៤២៥នាក់ និងនិទ្ទេសE ២ពាន់៤១០នាក់ ហើយសិស្សជាប់បាននិទ្ទេសA មកពីវិទ្យាល័យ ១០មករាចំនួន ៧នាក់ស្រី២នាក់, វិទ្យាល័យអង្គរ ៤នាក់ស្រី៣នាក់, វិទ្យាល័យ ហ៊ុន សែនវត្តស្វាយ ១នាក់, វិទ្យាល័យពួក ២នាក់ ស្រី១នាក់ ។

ការជួបសំណេះសំណាល និងលើកទឹកចិត្តជូនរង្វាន់ ដល់លោកគ្រូ ! អ្នកគ្រូ និងសិស្សប្រឡងជាប់ និទ្ទេស A ឯកឧត្តមអ្នកឧកញ្ញា សៀង ណាំ បានកោតសរសើរយ៉ាងក្រៃលែង ពីការខិតខំប្រឹងប្រែងរបស់លោកគ្រូ! អ្នកគ្រូ ដែលបាន យកចិត្តទុក្ខដាក់ខ្ពស់ក្នុងការបង្រៀនសិស្សអស់ពីសមត្ថភាពមិនគិតពីការនឿយហត់របស់ខ្លួន និងការខិតខំព្យា យាមរៀនសូត្រ របស់ក្មួយៗទាំងអស់ផងដែរ ទើបប្រឡងទទួលបានជ័យលាភី និទ្ទេស A បែបនេះ ។

ឯកឧត្តមអ្នកឧញ្ញាបានបន្តទៀតថា នេះជាឆ្នាំទី២ (ពីរ)ហើយ ដែលក្រសួងអប់រំ យុវជន និង កីឡា ធ្វើការកំណែ ទម្រង់ លើវិស័យអប់រំរបស់ខ្លួន ដើមី្បធានាឲ្យបាននូវគុណភាពអប់រំសិក្សានៅកម្ពុជា លើការបណ្តុះបណ្តាលនូវធនធានមនុស្ស ដើមី្បតម្រូវការក្នុងពេលចូលសមាហរណកម្មអាស៊ាននាចុងឆ្នាំ២០១៥ នេះ ។
ឯកឧត្តមអ្នកឧកញ្ញាបានគួសបញ្ជាក់ថា យុវជនយើងមានតួនាទីដ៏សំខាន់ក្នុងការរួមចំណែក កសាងសហគមន៍ អាស៊ាន ក៏ដូចជាការអភិវឌ្ឍន៍ប្រទេសជាតិ និងការធ្វើសមាហរណកម្មសេដ្ឋកិច្ចពេញលេញរបស់កម្ពុជាក្នុងសហគមន៍អាស៊ាន ។ ឯកឧត្តមអ្នកឧញ្ញា សៀង ណាំ បានផ្ដាំផ្ញើរ ដល់ លោកគ្រូ!អ្នកគ្រូត្រូវ ខិតខំប្រឹងប្រែងបង្រៀនសិស្សឲ្យខ្លាំងឡើងទ្វេដងបន្ថែមទៀត ! ជាពិសេសក្មួយៗត្រូវបន្តការព្យាយាម និង ខិតខំរៀនសូត្របន្តទៀត ដើម្បីយកចំណេះដឹងទាំងនោះ មកបម្រើប្រទេសជាតិ សហគមន៍ គ្រួសារ និង ខ្លួនឯងផ្ទាល់ ទៅពេលអនាគត និងជាគំរូល្អ សម្រាប់សង្គមជាតិរបស់យើងផងដែរ ៕

ក្នុងឱកាសនោះឯកឧត្តមអ្នកឧកញ្ញា និងក្រុមការងារបានផ្តល់រង្វាន់លើកទឹកចិត្ត ដល់លោកគ្រូ ! អ្នកគ្រូ៧៥នាក់ ក្នុង១នាក់ ទទួលបាន១០0$ និងសិស្សនិទ្ទេស A ទាំង ១៤នាក់ ក្នុងម្នាក់ទទួលបានថវិកា ២៥០$ ផងដែរ ៕
ប៊ុនធឿន (សៀមរាប)