ខេត្តស្វាយរៀង ៖ សមត្ថកិច្ចខេត្តស្វាយរៀង បានឃាត់ខ្លួនជនសង្ស័យជាជនជាតិវៀតណាម ប្រុសស្រី ចំនួន៥នាក់ ករណីជួញដូរ រក្សាទុក ប្រើប្រាស់ និងកែឆ្នៃដោយខុសច្បាប់នូវសារធាតុញៀន។ ការឃាត់ខ្លួននោះ ធ្វើទ្បើងនៅចំណុចបន្ទប់ជួល ស្ថិតក្នុងភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង។
ប្រតិបត្តិការខាងលើនេះ សមត្ថកិច្ចបានរើបអូសនូវគ្រឿងញៀន បានមួយចំនួនធំ។ បច្ចុប្បន្នជនសង្ស័យទាំង៥រួមជាមួយវត្ថុតាងត្រូវបានបញ្ជូនទៅកាន់សាលាដំបូងខេត្តដើម្បីចាត់ការបន្តតាមច្បាប់៕
