កាលពីថ្ងៃទី១៦ខែកញ្ញាប្រទេសអារ៉ាបរួម UAE បានប្រកាសថា នឹងចំណាយប្រាក់១ពាន់លានដុល្លារជួយដល់ជនភៀស ខ្លួនស៊ីរីនិងសង្គ្រាមវាយ ប្រហារទៅលើក្រុមអីស្លាមបង្កើតរដ្ឋIS ដែលកំពុងតែគ្រប់គ្រងតំបន់ធំនៅក្នុងប្រទេសអីរ៉ាក់និងស៊ីរី ។ តាមការប្រកាសរបស់រដ្ឋមន្ត្រីការបរទេសអារ៉ាប់លោកAnwar Gargash បញ្ចាក់ថា អារ៉ាប់និងចំណាយប្រាក់ដល់សកម្មភាពខាងលើ។
ការចំណាយនោះកើតឡើងក្រោយពេលដែលប្រទេសលោកខាងលិចថ្កោលទៅថាអារ៉ាបមិនបានចូលរួមក្នុងសកម្មភាពប្រឆាំងក្រុមភេរវកម្ម និងជួយដល់ជនភៀសខ្លួនរាប់លាននាក់។
នៅពេលនេះពលរដ្ឋស៊ីរីរាប់រយពាន់នាក់កំពុងតែភៀសខ្លួនដោយសារសង្គ្រាមទៅកាន់តំបន់អឺរ៉ុប។ តាមមន្ត្រីការបរទេសអារ៉ាប ជំនួយមនុស្សធម៌ដែលUAE បានជួយដល់ស៊ីរីចាប់តាំងពីសង្គ្រាមស៊ីវិលផ្ទុះឡើងនៅឆ្នាំ២០១១មកទលពេលនេះមានទឹកប្រក់រហូតដល់ទៅ៥៨១លានដុល្លារ។ ក្រៅពីនេះ អារ៉ាបនិងផ្តល់ជំនួយបន្ថែម៤២០លានដុល្លារទៀតនៅក្នុងសង្គ្រាមប្រឆាំងក្រុមអិស្លាមបង្កើតរដ្ឋនៅក្នុងប្រទេសស៊ីរីនិងអីរ៉ាក់។
តាមតួលេខជាផ្លូវការរបស់អារ៉ាបបានបញ្ចាក់ថា អារ៉ាបបានទទួលជនភៀសខ្លួនស៊ីរីដលទៅ២៤៣ពាន់នាក់។
អារ៉ាបមានពលរដ្ឋសរុបតែជាង៩លាននាក់ប៉ុណ្ណោះភាគច្រើនជាជនបរទេសរស់នៅស្រប់ច្បាប់ក្នុងប្រទេសនេះ។
ជាមួយគ្នានេះដែរអាមេរិកក៏បានត្រៀមលក្ខណទទួលជនភៀសខ្លួន ១០ពាន់នាក់ឲ្យចូលរស់នៅអាមេរិកដោយស្រាប់ច្បាប់ដើម្បីសម្រាលបន្ទុករបស់អឺរ៉ុប។ ការសម្រេចខាងលើរបស់អាមេរិកកើតឡើងក្នុងពេលដែលពិភពលោកថ្កោលទោសអាមេរិកថាជាអ្នកបង្ករឲ្យមានវិបត្តិនៅស៊ីរីប៉ុន្តែអាមេរិកបែជាធ្វើប្រងើយចំពោះជនភៀសខ្លួនទៅវិញ ខណៈដែលអឺរ៉ុបកំពុងប្រឈមនិងបញ្ហាជាច្រើនពាក់ព័ន្ធជនភៀសខ្លួន៕
