ខេត្តកោះកុង ៖ រោងចក្រទឹកកក និងអាជីវកម្មអគ្គិសនីពីរក្នុងឃុំថ្មស ស្រុកបូទុមសាគរ ខេត្តកោះកុង ទីមួយមាន ឈ្មោះ កែវ ណារ៉ា ហៅរោងក្រោម និងទីពីរឈ្មោះ តា យ៉េង ហៅរោងលើ តាមប្រជាពលរដ្ឋរស់នៅក្នុងឃុំថ្មស ប្រាប់ អ្នកសារព័ត៌មានថា រោងអគ្គិសនីទាំងពីរនេះ បានធ្វើអាជីវកម្មជាយូរឆ្នាំមកហើយ ហើយតម្លៃភ្លើង ៤០០០០ រៀល ក្នុងមួយគីឡូវ៉ាត់ម៉ោង បើផ្ទះប្រជាពលរដ្ឋណាប្រើប្រាស់អគ្គិសនីអស់ បីគីឡូវ៉ាត់ គឺត្រូវបង់ ១៥០០០រៀល ស្មើនឹង ៥០០០រៀល ក្នុងមួយគីឡូវ៉ាត់ម៉ោង ប្រជាពលរដ្ឋរស់នៅក្នុងឃុំថ្មស មិនហ៊ានតវ៉ាទេ បើសិនផ្ទះណាហ៊ាន និយាយពី តម្លៃភ្លើងហើយចង់តវ៉ា គឺរោងអគ្គិសនី (ម្ចាស់អាជីវកម្ម)និងផ្តាច់អគ្គិសនីប្រើប្រាស់ ភ្លាម ឱ្យតែអ្នកណា ហ៊ាន ។
កន្លងមកមានរោងអគ្គិសនី តា យ៉េង (រោងលើ)បានខឹងសម្បារ និងកូនរបស់គាត់ដែល បានទៅលេងបុកប៊ីយ៉ែ នៅ ផ្ទះប្រជាពលរដ្ឋម្នាក់ (សូមមិនបញ្ចោញឈ្មោះ)ក៏បានផ្តាច់អគ្គិសនីប្រើប្រាស់មួយយប់មួយ ថ្ងៃ ធ្វើឱ្យខកពេលរក ស៊ីរបស់ប្រជាពលរដ្ឋ បើសិនគាត់ហ៊ានតវ៉ា គេនិងផ្តាច់ភ្លើងអគ្គិសនីចោលតែម្តង ប្រជាពលរដ្ឋ នៅក្នុងឃុំថ្មស ទាំង អស់ បានប្រាប់អ្នកសារព័ត៌មានយើងថា ចំណែកកុងទ័រភ្លើងវិញ គឺឧស្សាហ៍តម្រូវឱ្យប្តូរជាប្រចាំ នៅពេលដែលប្រើ ប្រាស់ថាមពលអគ្គិសនីអស់តិច ហើយកុងទ័រដែលតម្រូវឱ្យប្តូរមានតម្លៃ ៩៥០០០រៀល មានប្រជាពលរដ្ឋ ក្នុងផ្សារ ម្នាក់ប្រាប់ថា គាត់តម្រូវឱ្យប្តូរដូរកុងទ័រ ពីរទៅបីដងក្នុងមួយឆ្នាំ ប្រជាពលរដ្ឋដែលប្រើប្រាស់អគ្គិសនីទាំងអស់ សូម សំណូមពរដល់ស្រុកដល់ខេត្ត និងអាជ្ញាធរអគ្គិសនីខេត្ត-ក្រុង ឱ្យជួយចុះមើលអគ្គិសនីថ្មសផង ចាប់តាំងពីប្រើ ប្រាស់ អគ្គិសនីថ្ងៃណាមក មិនដែលឃើញអាជ្ញាធរថ្នាក់លើចុះមក មើលទេ ទុកឱ្យរោងអគ្គិសនីទាំងពីរនោះ គាប សង្កត់ប្រជាពលរដ្ឋតាមអំពើចិត្ត ។
ប្រជាពលរដ្ឋសុំឱ្យលោកអភិបាលខេត្តជួយមើលពួកគាត់ផង អំពីតម្លៃភ្លើងអគ្គិសនីក្នុងឃុំថ្មស នេះថ្លៃណាស់ គឺ ៤០០០រៀល ក្នុងមួយគីឡូវ៉ាត់ម៉ោង ពួកគាត់ចង់តម្លៃអគ្គិសនីចុះថោកជាងនេះ ដែលអាចទទួលយកបាន ហើយប្រ ជាពលរដ្ឋបានបន្ថែមទៀតថា មិនដែលឃើញអាជ្ញាធរអគ្គិសនីមកប្រជុំ ឬផ្តល់មតិជូនប្រជាពលរដ្ឋឱ្យបាន ដឹងម្តង ណាឡើយ ចាប់តាំងពីមានអគ្គិសនីថ្ងៃណាមក មិនដែលឃើញអស់លោកមកប្រជុំរឿងភ្លើងអគ្គិសនីទេ ។
ចំណែករោងអគ្គិសនីនៅស្រុកស្រែអំបិល គឺរោងអគ្គិសនី តាធី មួយឆ្នាំគេមកប្រជុំម្តង ហើយតម្លៃភ្លើង អគ្គិសនីនៅ ស្រែអំបិល ត្រឹមតែ ២៧០០រៀល ក្នុងមួយគីឡូវ៉ាត់ម៉ោងប៉ុណ្ណោះ គឺនៅក្នុងខេត្តកោះកុងដូចគ្នា ឬមួយអាជ្ញាធរ អគ្គិសនីស្រុកខេត្តត្រូវថ្នាំពុលរោងចក្រអគ្គិសនីនៅថ្មសនេះហើយ បានជាមើលមិនឃើញទុកឱ្យធ្វើ តាមចិត្ត ដើម្បី ប្រមូលលុយចូលហោប៉ៅឆាប់មានឡានថ្មីទុកឱ្យប្រជាពលរដ្ឋរងគ្រោះ ៕
