ខេត្តសៀមរាប៖ ក្នុងដំណើរអញ្ជើញមកដល់ លើទឹកដីប្រវត្តិ សាស្ត្រ អង្គរ-សៀមរាប របស់គណៈប្រតិភូជាន់ខ្ពស់ អនុប្រធានាធិប តី នៃសាធារណរដ្ឋឥណ្ឌា ដឹកនាំដោយ ឯកឧត្តម ម៉ូហាម៉ត់ ហាមីឌ អានសារី និងលោកជំទាវ អមដំណើរដោយឯក ឧត្តម ខៀវ កញ្ញារិទ្ធ រដ្ឋមន្ត្រីក្រសួងព័ត៌មាន និងលោកជំទាវ និងអញ្ជើញចាំទទួលបដិសណ្ឋា កិច្ចស្វាគមន៍ របស់នាយ ឧត្តមសេនីយ៍កិត្តិព្រឹទ្ធបណ្ឌិត ហ៊ីង ប៊ុនហៀង និង ឯកឧត្តម ឃឹម ប៊ុនសុង អភិបាលនៃគណៈអភិបាល ខេត្តសៀមរាប ព្រមទាំងគណៈប្រតិភូសំខាន់ ជាច្រើនរូបទៀត នៅអាកាសយាន ដ្ឋានអន្តរជាតិខេត្តសៀមរាប នៅវេលាម៉ោង ១០ និង៤០នាទី នាព្រឹកថ្ងៃទី១៧ ខែកញ្ញា ឆ្នាំ២០១៥ ។
ក្នុងដំណើរទស្សនកិច្ច របស់ឯកឧត្តម ម៉ូហាម៉ត់ហាមីន អានសារី និង លោកជំទាវ នៅលើទឹកដីប្រវត្តិសាស្ត្រ ខេត្ត សៀមរាប នៃព្រះរាជាណាចក្រកម្ពុជា ក៏បានអញ្ជើញចូលទស្សនា នូវសារៈមន្ទីរ វាយនភណ្ឌប្រពៃណីអាស៊ីរបស់ឥណ្ឌា និង ទស្សនាប្រាសាទអង្គរវត្ត ដែលជាមរតកដ៏មានតម្លៃ នៃដួងព្រលឹងជាតិខ្មែរយើង ព្រមទាំងការដ្ឋានជួសជុល ប្រាសាទ តាព្រហ្ម របស់ក្រុមវិស្វករបូរាណវិទ្យាឥណ្ឌា ផងដែរ ។
បន្ទាប់ពីគណៈប្រតិភូជាន់ខ្ពស់ បានអញ្ជើញពិសាអាហារថ្ងៃត្រង់ នៅសណ្ឋាគារអង្គរផាលេស ខេត្តសៀមរាប រួចមក នៅ វេលាម៉ោង ១៥ និង ២០នាទី នារសៀលថ្ងៃខាងលើ គណៈប្រតិភូ បានធ្វើមាតុភូមិនិវត្តពីខេត្តសៀមរាប ឆ្ពោះមកកាន់រាជធានីភ្នំពេញ តាមច្រកអាកាសយានដ្ឋាន អន្តរជាតិសៀមរាប តាមជើងហោះហើរក្រុមហ៊ុន អាកាសចរអង្គរអ៊ែរ ប្រកបដោយសុវត្ថិភាព ៕
ប៊ុនធឿន (សៀមរាប )
