ខេត្តបន្ទាយមានជ័យ ៖ សាខាកាកបាទក្រហមកម្ពុជាខេត្តបន្ទាយមានជ័យ និង អនុសាខា កាកបាទក្រហម ស្រុកម៉ាឡៃ នៅរសៀលថ្ងែពុធ ទី២៨ ខែកុម្ភៈ ឆ្នាំ២០២៤ ដឹកនាំដោយលោក ស្វាយ ជា ប្រធានគណៈកម្មាធិការអនុសាខា ស្រុកម៉ាឡៃ បាននាំយកអំណោយរបស់អនុសាខាទៅសួរសុខទុក្ខគ្រួសាររងគ្រោះដោយភ្លើងឆេះផ្ទះ`ដែលមានឈ្មោះ កែវ ផាត ភេទស្រី អាយុ៧០ឆ្នាំ មានបន្ទុកគ្រួសារចំនួន៣នាក់រស់នៅភូមិបឹង៧៥ ឃុំទួលពង្រ ស្រុកម៉ាឡៃ។
អំណោយដែលអនុសាខានាំយកជូនគ្រួសារជនរងគ្រោះរួមមាន៖ អង្ករ២៥គីឡូក្រាម, មី១កេស, ត្រីខ១យួរ,ទឹកត្រី១យួរ,ប្រេងឆា១ដប,ឆ្នាំង២, ចាន៥,ស្លាបព្រា ១ឡូតិ៍,ក្រមាពោះគោ១,តង់ប្លាស្ទិក១,កន្ទេលជ័រ១,សាប៊ូដុំ៤,សាប៊ូម្សៅ១ថង់, ។
ទន្ទឹមនោះ ក្រុមការងារក៏បានបន្តដំណើរទៅសួរសុខទុក្ខគ្រួសារក្រីក្រចំនួន២គ្រួសារបន្ថែមទៀត ស្ថិតនៅក្នុងឃុំអូរស្រឡៅស្រុកម៉ាឡៃ។
អំណោយដែលអនុសាខាយកមកផ្តល់ជូនក្នុងមួយគ្រួសារៗទទួលបាន៖អង្ករ២៥គីឡូក្រាម,មី១កេស,ត្រីខ១យួរ,ទឹកត្រី១យួរ,ទឹកស៊ីអ៊ីវ១យួរ, ប្រេងឆា១ដប,ភួយ១,មុង១,ក្រមាពោះគោ១,សាប៊ូដុំ៤,សាប៊ូម្សៅ១ថង់៕
