ឯកឧត្តម ថោង ខុន រដ្ឋមន្ត្រីក្រសួងទេសចរណ៏ដឹកនាំក្រុមការងារថ្នាក់ជាតិ ថ្នាក់ខេត្ត ចុះមូលដ្ឋានខេត្តកំពង់ធំ ធ្វើវេទិការសាធារណៈ នៅស្រុកសន្ទុក នៅព្រឹកថ្ងៃទី១៩ខែឧសភា ឆ្នាំ២០១៤ និងនៅស្រុកបារាយណ៏នារសៀលថ្ងៃដដែល ដោយមានការចូលរួមពីមន្ត្រីរាជការ និងប្រជាពលរដ្ឋសរុបចំនួនជាង១០០០នាក់! បន្ទាប់ពីលោកអភិបាលស្រុកសន្ទុក និងស្រុកបារាយណ៏បានអានរបាយការណ៍សង្ខេបស្តីអំពីបញ្ហាប្រឈមនិងការីកចំរើននៅក្នុងស្រុក ពីគោលបំណង និងសំនូមពររបស់ប្រជាពលរដ្ឋរួចមក ។ ប្រជាពលរដ្ឋដែលមានសំណួរ ពាក់ព័ន្ធទៅនឹងបញ្ហាប្រឈម និងសំនូមពរ សុំឲ្យក្រុមការងារថ្នាក់ជាតិ និងថ្នាក់ខេត្តឲ្យជួយដោះស្រាយជូនពួកគាត់! នូវបញ្ហាពាក់ព័ន្ធចំនុចសំខាន់ៗជាច្រើនរួមានៈ ដីតំបន់៣ បញ្ហាផ្តល់ប័ណ្ណកម្មសិទ្ធិ បញ្ហាពាក់ព័ន្ធជាមួយក្រុមហ៊ុន១ចំនួនឈូសឆាយដីព្រៃ ក្រុមហ៊ុនធ្វើផ្លូវ បញ្ហាកុងទ័រភ្លើងអគ្គិសនីដើរលឿនខុសប្រក្រតី បញ្ហាអត្តសញ្ញាប័ណ្ណ ចោលួច ចោរប្លន់ ល្បែងស៊ីសងគ្រប់ប្រភេទ រួមជាមួយបញ្ហាអ្នកកាសែត និងទូរទស្សន៏១ចំនួន ដែលដើរធ្វើសកម្មភាពជំរិតទារលុយពីប្រជាពលរដ្ឋដឹកឈើផងដែរ…ល ។ ដែល បងប្អូនប្រជាពលរដ្ឋជួបប្រទះ នៅក្នុងមូលដ្ឋាននិងសហគមន៏ពួកគាត់! ពួកគាត់សួរថា ហេតុអ្វីបានជាប្រព័ន្ធច្បាប់ រួមមានតុលាការ អាជ្ញាធរខេត្ត បែរជាព្រងើយកន្តើយ មិនព្រមចាត់ការជនកំហូច ដែលយកតួនាទីជាអ្នកសារព័ត៌មានដើរធ្វើព្យុះធ្វើភ្លៀង កៀបសង្កត់ជំរិតទារប្រាក់ ពីប្រជាពលរដ្ឋដល់ណាទៀត ដែលធ្វើផ្ទុយពីក្រមសីលធម៌ និងវជ្ជាជីវៈសារពត៌មាន ធ្វើឲ្យអាប់ឱនកិត្តិយស និងសេចក្តីថ្លៃថ្នូរ របស់សារពត៌មាន វេទិការសាធារណៈពេលណាតែ ងតែលើកយកបញ្ហានេះ មកនិយាយដដែលៗជ្រាំដែលៗ វាហាក់ដូចជាគ្មានប្រសិទ្ធិភាព និងគ្មានចំណាត់ការសោះចំ ពោះករណីនេះនៅក្នុងទឹកដីនៃខេត្តកំពង់ធំ ! ។
ឯកឧត្តម ប្រធានអង្គប្រជុំ បានសុំឲ្យប្រធានមន្ទីរដែលពាក់ព័ន្ធនានា រួមជាមួយអភិបាលខេត្តដោះស្រាយនូវសំណួរនិងឆ្លើយបំភ្លឺ រាល់បញ្ហាដែលកើតឡើង ព្រមទាំងផ្តល់លេខទូស័ព្ទដល់ប្រជាពលរដ្ឋសំរាប់រាយការណ៍ប្តឹងពីភាពមិនប្រក្រតីមិនត្រឹមត្រូវរបស់មន្ត្រីណាប្រព្រឹត្តខុសច្បាប់ កៀបសង្កត់ជុំរិតទាប្រាក់ពីប្រជាពលរដ្ឋ ធ្វើឲ្យប៉ះទង្គិច ដល់សតិអារម្មណ៏ប្រជាពលរដ្ឋដែលបានជួបប្រទះកន្លងមក !។
ឯកឧត្តម ផាន់ សុផេង ស្នងការរដ្ឋាននគរបាលខេត្តកំពង់ធំបានធ្វើសេចក្តីរាយការណ៏អំពីបញ្ហាផ្តល់អត្តសញ្ញាណប័ណ្ណ និងសៀវភៅគ្រួសារ ឯកឧត្តម បានដាក់កំរិតហាមដាច់ខាតមិនឲ្យយកលុយពីប្រជាពលរដ្ឋដាច់ខាត បញ្ហាចោរលួច និងប្លន់កំលាំងនគរបាលយើងបានបង្ក្រាបបានមេចោរប្លន់ ចាប់ជំរិត ឈ្មោះ តុង ហួន និងបក្សពួកបញ្ជូនទៅកាន់ពន្ធនាគារ ចំណែកមេចោរ ប្លន់ ចាប់ជំរិត រំលោភ ឈ្មោះ តុង ហីម ដែលត្រូវ ជាប្អូនបង្កើតរបស់ តុង ហួន ព្យាយាមតដៃមិនព្រមទំលាក់អាវុធ ចូលសារភាពនោះ ត្រូវបានកំទេចនៅនឹងកន្លែង រីឯមុខសញ្ញាលួចគោក្របីចាប់ដាក់រថយន្តជាច្រើនក្បាល ក៏ត្រូវបានកំលាំងនគរបាលរបស់យើង បង្ក្រាបបានរួមជាមួយរថយន្តយីឌុប និងរថយន្តឃ្លុបសម្រាប់ធ្វើសកម្មភាពដឹកជញ្ជូនគោក្របី ដែលលួចបាននាំយកទៅកាន់កុងស៊ីកាប់គោនៅចំនុចគល់ស្ពានជ្រោយចង្វារក្រុងភ្នំពេញផងដែរ ! ។
ឯកឧត្តម ប្រធានមានប្រសាសន៏កោតសសើរយ៉ាងជ្រាលជ្រៅចំពោះការខិតខំប្រិងប្រែងរបស់កងកំលាំងនគរបាលជាតិនៃស្នងការដ្ឋាននគរបាលខេត្ត ព្រមទាំងមន្ទីរ អង្គភាពពាក់ព័ន្ធនានា រួមជាមួយឯកឧត្តម លោកជំទាវដែលជាក្រុមការងារថ្នាក់ជាតិចុះមូលដ្ឋានខេត្តកំពង់ធំ ក្រុង និងស្រុក ដែលបានរួមសហការគ្នាដោះស្រាយនូវរាល់បញ្ហាស្មុកស្មាញជូនប្រជាពលរដ្ឋ និងសូមប្រកាសបិទវេទិការសាធារណៈ ចាប់ពីពេលនេះតទៅ ។
មតិមហាជននិយាយរិះគន់ផងដែរថា ក្នុង១រយៈពេលកន្លងមកនេះពួកគាត់សង្កេតឃើញថា នៅក្នុងខេត្តកំពង់ធំ ករណីបទល្មើសព្រៃឈើ សមត្ថកិច្ចជំនាញហាក់បីដូចជាដេកលក់ មិនឃើញធ្វើសកម្មភាពចេញបង្ក្រាបសោះ បែរជាឃើញមានក្រុមអ្នកសារព័ត៌មាន ១ ចំនួនតូចដែលខ្វះក្រមសីលធម៌ ក្បត់ទៅនឹងវិជ្ជាជីវៈរបស់ខ្លួននោះ ជិះម៉ូតូ និងបើករថយន្តដេញតាមប្រម៉ាញ់រថយន្តដឹកឈើ ជំរិតទារប្រាក់ទៅវិញ ? បើពួកគេទារលុយមិនបានទេ ! គេជាអ្នកកាសែតនោះ និងទូស័ព្ទប្តឹងសមត្ថកិច្ចឲ្យចាប់ជាមិនខានឡើយ ។ ប្រជាពលរដ្ឋសួរថា តើហេតុអ្វីបានជាអ្នកកាសែតទាំងនោះប្រព្រឹត្តខុសច្បាប់ទៅបាន ? ៕
ដោយ ៖ សុផាត កំពង់ធំ
