ខេត្តកំពង់ឆ្នាំង ៖ កម្លាំងអធិការដ្ឋាននគរបាលស្រុកកំពង់ត្រឡាច ជំនាញព្រហ្មទណ្ឌ គ្រឿងញៀន ចរាចរណ៍ សហការជាមួយកម្លាំងប៉ុស្តិ៍នគរបាលរដ្ឋបាលអូរឬស្សី និង កម្លាំងប៉ុស្តិ៍នគរបាលរដ្ឋបាលថ្មឥដ្ឋ ចុះអប់រំ ធ្វើកិច្ចសន្យាចំពោះសិស្សប្រមូលផ្ដុំ(គេចម៉ោងសិក្សា)បានមួយចំនួន។
លោកពេជ្រ សុផានី អធិការរងទទួលផែនព្រហ្មទណ្ឌស្រុកកំពង់ត្រឡាចបញ្ជាក់ថា៖ ការអនុវត្តនេះធ្វើឡើងនៅថ្ងៃទី១៥ ខែមករា ឆ្នាំ២០២៤ តាមហាងលក់ភេសជ្ជ:ចំនួន ០២ទីតាំង ស្ថិតក្នុងឃុំអូរឬស្សី ស្រុកកំពង់ត្រឡាច ខេត្តកំពង់ឆ្នាំង ជាលទ្ធផល៖
ឃាត់ម៉ូតូចំនួន១១គ្រឿង រួមទាំងមនុស្សបានចំនួន២០នាក់ និងស្រី២នាក់ មកពីសាលាផ្សេងៗគ្នាក្នុងស្រុកកំពង់ត្រឡាច។ ក្រោយធ្វើការអប់រំ ធ្វើកិច្ចសន្សាបញ្ឈប់ការគេចសាលា ក្នុងនោះបានណែនាំបន្ថែមមិនឲ្យមានការប្រមូលផ្តុំ ធ្វើសកម្មភាពប្រាស់ចាកផ្សេងៗដែលសង្គមស្អប់ខ្ពើម ជាពិសេសសូមឲ្យប្អូនៗជាសិស្សានុសិស្សជៀសឲ្យឆ្ងាយពីគ្រឿងញៀន។
ក្រោយណែនាំរួចអាណាព្យាបាលបានមកធានាឲ្យត្រឡប់ទៅមូលដ្ឋានវិញផងដែរ ៕
